تيانشان تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

مەكتەپ پەن الەۋمەتتىك اۋماق بىرلەسىپ قامقورلىق جاڭعاعىن ساتتى

قيىنشىلىعى بار وقۋشى رايلانىڭ ءۇيى قيىنشىلىق قىسپاعىنان قۇتىلدى

  ءتىلشى فۋ شياڭلۇڭ 4 - ايدىڭ 8 - كۇنى ۇرىمجىدەن حابارلايدى. 3 - ايدىڭ 29 - كۇنى ساباق ارالىعىندا ءۇرىمجى قالالىق 90 - ورتا مەكتەپتىڭ ورىنباسار باستىعى پىڭ چي 3 - جىلدىق 3 - كلاستىڭ جەتەكشىسى ما يۋە مۇعالىمنان ”ەڭ سوڭعى 5 كيلوگرام جاڭعاققا دا زاكاز ءتۇستى“! دەگەن ۋيچاتىن تاپسىرىپ الدى.

  وقىتۋشىنىڭ جاڭعاق ساتقانى نەسى؟ اڭگىمەنى 3 - ايدىڭ 20 - كۇنگى مەكتەپتەگى وقىتۋشىلاردىڭ ءبىر رەتكى جۇپ قۇراپ، تۋىس بولۋ قيمىلىنان باستاۋعا تۋرا كەلەدى.

  سول كۇنى 90 - ورتا مەكتەپتىڭ احىلاق تاربيەسى مەڭگەرۋشىسى ما شياۋيىڭ قاتارلى ءبىر توپ ادام جۇپ قۇراعان تۋىسى 1 - جىلدىق 1 - كلاستا وقيتىن رايلا ابدۇسالامنىڭ ۇيىنە امانداسا بارادى. ”بارعان سوڭ رايلانىڭ اكەسى ابدۇسالامنىڭ ۋايىمى بار ەكەنىن سەزدىك“، - دەيدى ما شياۋيىڭ.

  ما شياۋيىڭنىڭ قۇتقۋىرلاي سۇراۋىمەن ابدۇسالام كوزىنە جاس الىپ: ”وتكەن ايدا قايىن اتام تۇيىقسىزدان جۇرەك اۋرۋى ۇستاپ قايتىس بولدى، اسىپ قالعان 3000 كيلوگرام جاڭعاق ساتىلمادى، زاتتىڭ يەسى اقشاسىن الدەنەشە رەت قۋزادى، ءبىراق وعان بەرە قوياتىنداي اقشام مۇلدە جوق ەدى“، - دەيدى.

  ابدۇسالامنىڭ قايىن اتاسى قايتىس بولعاننان كەيىن، ونىڭ رايلانى قوسقاندا 5 جاندى ءوزى باعۋىنا تۋرا كەلەدى، بالالاردىڭ ەڭ كىشىسى 2 جاستان ەندى اسقان ەدى، ءبىر ءۇيلى جان ونىڭ جۇمىس ىستەپ تاپقان 2000 يۋان اقشاسىنا سۇيەنىپ تۇرمىس كەشىرەدى.

  ”كىم بولسا دا قيىنشىلىققا جولىعادى، تىم قامىعىپ كەتپە، ءبىز كومەكتەسەمىز“، - دەيدى ما شياۋيىڭدەر ابدۇسالامدى جۇباتىپ، سونىمەن اربىرەۋى تاباندا 10 نەشە كيلوگرامنان جاڭعاق ساتىپ الادى.

  مەكتەپكە قايتىپ كەلگەننەن كەيىن، ما شياۋيىڭ جاعدايدى پىڭ چيعا مالىمدەيدى. مەكتەپ ارنايى جيىن اشىپ، مەكتەپتىڭ باسشىلىق القاسى باستاماشىلدىقپەن ”قامقورلىق جاڭعاعى“ن ساتىپ الۋ، تۇتاس مەكتەپتەگى وقىتۋشى - قىزمەتكەرلەردى اتتانىسقا كەلتىرىپ، رايلانىڭ ءۇيىنىڭ قيىنشىلىق قىسپاعىنان شىعۋىنا كومەكتەسۋ شەشىمىن جاسايدى.

  وسىنداي مەيىر باعىشتاۋ قيمىلى ابدۇسالامنىڭ ءۇيى تۇرعان ءۇرىمجى جوعارى - جاڭا تەحنيكا رايونى (جاڭا قالا رايونى) مۇناي جاڭا قىستاعى شاعىن اۋماعى جيڭنيڭ الەۋمەتتىك اۋماعىندا دا جۇرگىزىلدى.

  3 - ايدىڭ 20 - كۇنى جيڭنيڭ الەۋمەتتىك اۋماعى پارتيا ياچەيكاسىنىڭ شۋجيى جىڭ ياڭ دا ابدۇسالامنىڭ ۇيىنە جاعداي ۇعىسىپ بارعان بولاتىن. بۇل جاعدايدى بىلگەننەن كەيىن، جىڭ ياڭ الەۋمەتتىك اۋماق تۇرعىندارىنىڭ ۋيچات توبىندا باستاما كوتەرىپ، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىمەن بىرلەسىپ جاڭعاق ساتۋعا كومەكتەسەدى.

  90 - ورتا مەكتەپ پەن جيڭنيڭ الەۋمەتتىك اۋماعىنىڭ باستاماسى دەرەۋ ءونىم بەرەدى. ءتىپتى دە كوپ ادام ابدۇسالامعا كومەك قولىن سوزا باستايدى.

  ”ءۇيىمىز قيىنشىلىقتا قالعاندا، مەكتەپ پەن الەۋمەتتىك اۋماق كومەكتەستى“، - دەدى ابدۇسالام تەلەفوندا اسەرلەنە تۇرىپ تىلشىگە.

  ءتىلشىنىڭ ۇعىسۋىنشا، قىسقا عانا ءبىر اپتا ۋاقىتتا 3000 كيلوگرام جاڭعاق تۇگەلدەي ساتىلۋدان سىرت، الەۋمەتتىك اۋماق پەن قىزمەت اترەتى ابدۇسالامعا كومەكتەسىپ ءبىر اسحانادان ايلىق ەڭبەكاقىسى 5000 يۋانعا تايايتىن جۇمىس تاۋىپ بەرىپ، وسى ارقىلى ونىڭ وتباسى تۇرمىسىنىڭ جاقسارا تۇسۋىنە قول ۇشىن بەرگەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى