تيانشان تورابى   ›   جاڭالىقتار   ›   سپورت الەمى

شينجياڭ ەرلەر باسكەتبول كومانداسى قارسى جاقتىڭ الاڭىندا لياۋنيڭ كومانداسىن جەڭدى

CBA نىڭ جارتىلاي شەشۋشى جارىسىندا جالپى 0گە قارسى 1 ۇپايمەن الدا تۇر

  ءتىلشى دۇڭ لياڭ 4 - ايدىڭ 9 - كۇنى ۇرىمجىدەن حابارلايدى. 4 - ايدىڭ 9 - كۇنى كەش، 2018 − 2019 - جىلعى جارىس ماۋسىمىنداعى جۇڭگو ەرلەر باسكەتبول كاسىپتىك بىرلەسكەن جارىسى (CBA) ماۋسىم سوڭى جارىسى جارتىلاي شەشۋشى جارىسىنىڭ ءبىرىنشى مايدان باسەكەسىندە، شينجياڭ گۋاڭحۇي اۆتوكولىك ەرلەر باسكەتبول كومانداسى قارسى جاقتىڭ الاڭىندا 95كە قارسى 97 ۇپايمەن اعا جۇلدەگەرلىگىن ساقتاماقشى بولعان لياۋنيڭ بىنشي بولات - تەمىر ەرلەر باسكەتبول كومانداسىن ارەڭ جەڭىپ الىپ، 7 كەزەكتە 4 رەت جەڭىسكە جەتۋ كەرەك بولعان جەلىلەس جارىستا تۇڭعىش جەڭىسكە قول جەتكىزدى.

  ءبىرىنشى تاراۋشا جارىستا، لياۋنيڭ كومانداسى گارگا تاياي الماعان جاعدايدا، سىرتتان دوپ لاقتىرۋداعى دالدىك سالىستىرماسى توتەنشە جوعارى بولدى. شينجياڭ ەرلەر باسكەتبول كومانداسى قورعانىس نەگىزىندە قايتا شابۋىلداۋ ارقىلى ارت - ارتىنان ءنومىر الىپ وتىردى. ەكى جاقتىڭ ءبىرىنشى تاراۋشا جارىسىندا شينجياڭ ەرلەر باسكەتبول كومانداسى 21گە قارسى 22 ۇپايمەن ءبىر ۇپاي الدا بولدى. ەكىنشى، ءۇشىنشى تاراۋشا جارىستارىندا، شينجياڭ ەرلەر باسكەتبول كومانداسى ۇپاي پارقىن زورايتا الماعانىمەن، جارىس الاڭىنداعى ىرىقتىلىقتان ايرىلمادى. ءۇش تاراۋشا جارىس اياقتالعان كەزدە، شينجياڭ ەرلەر باسكەتبول كومانداسى 68گە قارسى 76 ۇپايمەن جەڭسىن ساقتاپ وتىردى.

  ەڭ سوڭعى تاراۋشا جارىستا، شينجياڭ ەرلەر باسكەتبول كومانداسىنداعى فەلدەردىڭ قاعيداعا 4 رەت قايشىلىق جاساپ جارىستان الماستىرىلىپ ءتۇسىرىلۋى سەبەپتى شينجياڭ ەرلەر باسكەتبول كومانداسىنىڭ شابۋىل ۇيىمداستىرۋى قيىنشىلىققا ءدوپ كەلىپ، ءنومىر الا الماي قالدى. وتاعاسى كوماندا 2 مينۋد ىشىندە 0گە قارسى 7 ۇپايلىق شابۋىل جاساپ، 87گە قارسى 88 ۇپايمەن جارىستىڭ ىرىقتىلىعىن ءوز قولىنا الدى. فەلدەر الاڭعا قايتىپ كەلگەننەن كەيىن شينجياڭ ەرلەر باسكەتبول كومانداسىنىڭ ۇپاي جاعىنان قايتا العا شىعۋىنا كومەكتەستى. الايدا 3 مينۋت وتكەننەن كەيىن ول گو ايلۇننىڭ شابۋىلىن توسا الماي قاتارىنان قاعيداعا قايشىلىق جاساپ، اقىرى 6 رەت قاعيداعا قايشىلىق جاساعاندىعى سەبەپتى جارىس الاڭىنان شەگىندىرىلدى. وسى كەزدە شينجياڭ ەرلەر باسكەتبول كومانداسى دوپتى تەز باستاپ جارتى الاڭنان ءوتتى، زىڭ ليڭشۇيدىڭ پاسىن العان ستوكەس گار استىنان ءنومىر الدى، ابدۇسالام دا گار استىندا بۇرىلىپ دوپ تاستادى، لي گىن قورعاۋ رايونىندا قارسى جاقتىڭ قاعيداعا قايشلىق جاساۋىن كەلتىرىپ شىعاردى، سونىمەن لياۋنيڭ كومانداسىنا ءنومىر الۋ ورايىن قالدىرماي، ەڭ سوڭىندا قارسى جاقتىڭ الاڭىندا 2 ۇپاي پارقىمەن ارەڭ جەڭىسكە قول جەتكىزدى.

  وسى مايدان جارىستا جەڭىسكە جەتكەننەن كەيىن، شينجياڭ ەرلەر باسكەتبول كومانداسى جارتىلاي شەشۋشى جارىستا جالپى 0گە قارسى 1 ۇپايمەن الدا تۇرىپ، ۇتىمدى ورايدى قولعا كەلتىردى. ەكى جاق 3 - ايدىڭ 11 - كۇنى كەشتە تاعى لياۋنيڭ كومانداسىنىڭ الاڭىندا ەكىنشى رەت جارىسقا تۇسەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى