4-ايدىڭ 4-كۇنى، شينجياڭ بۇراتالا موڭعۇل اۆتونوميالى وبلىسى بۇراتالا قالاسى شياۋيڭپان قالاشىعى جولوك قىستاعىنىڭ اتىزىندا، تراكتور اتىزدى ەندەي ءوتتى، اۋادان توپىراق ءيىسى اڭقىپ تۇر.
”بيىل، ءبىز ەرىكتى قاتىناسۋ پرينسىپىنە ساي، قىستاق تۇرعىندارىن قىستاقتاعى 3200 مۋ جەردى ءار مۋىن 710 يۋان باعامەن بىرىكتىرىپ اينالىمعا سالۋعا اتتانىسقا كەلتىردىك. بيىل، بىرىكتىرىلگەننەن كەيىن ءىرى تۇرپاتتى مەحانيكانىڭ جۇمىس ىستەۋى مەن ءبىر تۇتاس باسقارۋعا قولايلى بولادى، قىستاق تۇرعىندارى دا كوتەرەگە الۋ اقىسىن ۋاعىندا الا الادى. ءبىزدىڭ قىزمەت اترەتىمىز ءبىرىنشى قامدامداعى مىندەتىنە جاقسى باستاما بولدى”،-دەدى قىزمەت اترەتىنىڭ ورىنباسار اترەت باستىعى اسپولات نوعاي.
قايرات جولوك قىستاعىنىڭ تۇرعىنى، بيىل 32 جاستا، ۇيىندە 12 مۋ جەرى بار. ءتىلشى ونى كورگەن كەزدە، ول اۋىل شارۋاشىلىق ماشيناسىن رەمونتتاۋمەن ابىگەر بولىپ جاتقان بولاتىن. قايرات: «بۇرىن ءار مۋ جەردى 300 يۋان شاماسىندا كوتەرەگە الاتىنمىن، بيىل قىزمەت اترەتىنىڭ كومەگىندە، تامشىلاتىپ سۋارۋ نىسانىنىڭ كومەك قاراجاتىنا يە بولدىم، تامشىلاتىپ سۋارۋ قۇرىلعىسىن ورناتقاننان كەيىن، كوتەرەگە الۋ اقىسى ەسەلەندى. جەردى اينالىمعا سالعاننان كەيىن، مەن اۋىل شارۋاشىلىعى ماشيناسىن ايدادىم، ءار كۇنگى كىرىسىم 200 يۋان شاماسىندا»،-دەدى.
قىستاق تۇرعىنى لۇڭ حايلۇڭ بۇل رەتكى جەردى اينالىمعا سالۋدا جەردى كوتەرەگە الۋشىنىڭ ءبىرى. ول: «تامشىلاتىپ سۋارۋ قۇرىلعىسىن ورناتقاننان كەيىن، ءبىر ادام ءجۇز مۋ جەردى باسقارا الادى، سۋ، توپىراق زايا بولمايدى، ءونىم مولشەرىنە كەپىلدىك ەتەدى، مەن جانە بىرنەشە سەرىكتەرىم اقىلداسا كەلىپ، مەردىگەر شاقىرۋعا قاتىناستىق، وسىدان كەيىن، جۇمىسشىلار ۇيىمى وسى قىستاقتاعىلاردى الدىمەن ويلاستىردى، اۋىلداستارمەن بىرگە ورتاق اۋقاتتانۋ جولىنا تۇسسەم دەيمىن»،-دەدى.
اسپولاتتىنىڭ تانىستىرۋىنا قاراعاندا، قىزمەت اترەتى 2018-جىلى تامشىلاتىپ سۋارۋ نىسانىنا قول جەتكىزدى، ءار مۋ جەرگە 500 يۋان ورناتۋ قاراجاتىن بەردى، بيىل نىسانانىڭ تياناقتانۋى قىستاق تۇرعىندارىن تيىمدىلىككە كەنەلتتى.
«بيىل، ءبىز جەردى اينالىمعا سالىپ، قىستاق تۇرعىندارىنىڭ كاسىپتەنۋىن قىزمەت ءتۇيىنى ەتتى، ۇيىمنىڭ تەحنيكالىق كۋرس اشۋ، قىزمەتكەر قابىلداۋ جينالىسى سىندى تاسىلدەر ارقىلى ارتىق ەڭبەككۇشتەردىڭ كاسىپتەنۋىن جەدەلدەتتى. سونىمەن قاتار، اۋلانى جونگە سالۋ قىزمەتىن تەرەڭدەتىپ، قىستاق تۇرعىندارىنىڭ اۋلاسىنا جەمىس اعاشىن وتىرعىزۋىنا جەتەكشىلىك ەتتى. كوزالدا، ءىشىنارا ساۋدا سارايلارى مەن ەرەن بازارلارى بايلانىس جاسادى»،-دەدى اسپولات.
