گۇل جايناعان كوكتەمدە، شينجياڭ بايىنعولين موڭعۇل اۆتونوميالى وبلىسى يانجى اۋدانىندا «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن ءارقايسى قىزمەت اترەتى ءوز رولدارىن ساۋلەلەندىرىپ، قىستاق تۇرعىندارىنا ناقتى ءىس، جاقسى ءىس ىستەدى.
جەمىس اعاشىن ەگىپ، اۋقاتتانۋ جولىنا ءتۇستى
4-ايدىڭ 5-كۇنى، يانجى اۋدانى بازار باقىلاۋ-باسقارۋ مەكەمەسىنىڭ شاعانچەركە اۋىلى ارمودون قىستاعىندا تۇراتىن قىزمەت اترەتى مەن قىستاق تۇرعىندارى كوكتەمگى اعاش ەگىپ، ورمان ءوسىرۋ قيمىلىن ورىستەتتى. ەكى كۇنگى ەڭبەك ارقىلى، قىزمەت اترەتى 200 دەن استام ءار ۇلت بۇقاراسى قىستاق ەكى كوميتەتى جوسپارلاعان 2500 مەتر ۇزىندىقتاعى ورمان بەلدەۋىنە 300 ءتۇپ ورىك اعاشىن، 200 ءتۇپ تۇت اعاشىن ەكتى، 100 مۋدان استام جەرگە 100 ءتۇپ ورىك اعاشى مەن قارا ورىك اعاشىن ەكتى.
«بيىل ەككەن جەمىس اعاشىنىڭ ءتۇرى مول، تۇت پەن قارا ورىكتىڭ قورەكتىك قۋاتى جوعارى، ورىك اعاشى دا جاڭا سورت، بۇقارا ەككەن ورىك اعاشىنىڭ اۋقاتتانۋ جولىنا باستاۋىن ءۇمىت ەتەمىز»،-دەدى قىستاقتىڭ ءبىرىنشى شۋجيى، قىزمەت اترەتىنىڭ اترەت باستىعى ين جيانگاڭ.
كەدەي وتباسىنىڭ سۋدان پايدالانۋ قيىنشىلىعىن شەشىم ەتتى
4-ايدىڭ 10-كۇنى، يانجى اۋدانى ساياسي-زاڭ كوميتەتى، قوعام حاۋىپسىزدىگى مەكەمەسىنىڭ موحارسۇم قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى، بەلسەندىلىكپەن قۇدىق قازۋ اترەتىمەن بايلانىس جاساپ، كەدەي وتباسىلارىنا قۇدىقتى اقىسىز قازدىرىپ بەرىپ، ولاردىڭ ءوندىرىس-تۇرمىسندا سۋدان پايدالانۋ قيىنشىلىعىن شەشىم ەتتى.
كەدەي وتباسى جاۋان قاريا: «مەن 30 دان استام تاۋىق، 14 تۇياق كەدەيلىكتى سۇيەمەلدەۋ قويىن باعامىن جانە كوكونىس پەن جەمىس اعاشىن ەكتىم، سۋاراتىن مەزگىل بولعاندا قينالامىن. قىزمەت اترەتىنىڭ كادرلارى كەلگەننەن كەيىن مەنىڭ كوپتەگەن قيىنشىلىقتارىمدى شەشىم ەتتى، بىلتىر قورعاندى اقىسىز سالىپ بەردى، قازىر قۇدىق قازدىرىپ بەرىپ، سۋدان پايدالانۋ قيىنشىلىعىمدى شەشتى. ولارعا شىن كوڭىلىمنەن العىس ايتامىن، پارتيا مەن ۇكىمەتتىڭ كوڭىل بولگەنىنە راقىمەت»،-دەدى.
موحارسۇم قىستاعىنىڭ ءبىرىنشى شۋجيى، قىزمەت اترەتىنىڭ اترەت باستىعى ساي كۇن بىلاي دەدى: «بۇقارانىڭ ناقتى قيىنشىلىعىن شەشۋ ءبىزدىڭ قىزمەت جاۋاپكەرشىلىگىمىز، ءبىز ناقتى ءىس-ارەكەتىمىزبەن بۇقارانىڭ قيىنشىلىعىن شەشىم ەتىپ، قىستاق تۇرعىندارىن باقىتتى تۇرمىسقا كەنەلتۋ — قىستاقتا تۇراتىن كادرلاردىڭ كۇرەس نىساناسى».
