ءتىلشى ياڭ شۋحان، ەرىكتى تىلشىلەر فىڭ چياڭ، دۋ لەي، ما چىڭلۋ 4 - ايدىڭ 19 - كۇنى قۇلجادان حابارلايدى. 4 - ايدىڭ 17 - كۇنى ىلە قازاق اۆتونوميالى وبلىسىنىڭ قۇلجا قالالىق، شاپشال سىبە اۆتونوميالى اۋداندىق، تەكەس اۋداندىق حالىق سوت مەكەمەلەرى 3 قارا - سۇرقيا كۇش قىلمىستىق توپ دەلوسىنا، قارا - سۇرقيا كۇشتەر دەلوسىنا قاتىستى ايىپكەرلەرگە زاڭ بويىنشا اشىق ۇكىم شىعاردى.
وسى رەت ۇكىم شىعارىلعان ايىپكەرلەردىڭ قىلمىسى قارا قوعام سيپاتتى توپ قۇرۋ، وعان جول باستاۋ، قاتىناسۋ قىلمىسىنا شاتىلعان. 3 اۋدان، قالانىڭ حالىق قۇرىلتايى ۋاكىلدەرى، ساياسي كەڭەس مۇشەلەرى، قىستاق تۇرعىندار ۋاكىلى، ورگان كادرلارى، وقىتۋشىلار ۋاكىلدەرى سياقتى ءار سالا قايراتكەرلەرى ۋاكىلدەرى ۇكىمدى سىرتتاي تىڭدادى.
قۇلجا قالالىق حالىق سوت مەكەمەسى اشىق ۇكىم شىعارعان قارا - سۇرقيا كۇشتەرگە قاتىستى دەلودا ايىپكەر باقتيار يارمامەت پەن ءشامشىدىن سىدىق باس بولعان قارا قوعام سيپاتتى قىلمىستىق توپ 2012 - جىلى 6 - ايدان 2017 - جىلى 10 - ايعا دەيىنگى مەزگىلدە سويىل، پىشاق جۇمساۋ سياقتى زورلىقتى كۇش تاسىلدەرمەن قۇلجا قالاسى دۇڭچىڭ رايونىنا قاراستى جانە قۇلجا اۋدانىنا قاراستى كوڭىل اشۋ ورىندارىنىڭ ەكونوميكالىق مۇددەسىن اۋىر دارەجەدە زيانداپ، بۇقارانى جابىرلەپ، قوعامنىڭ قالىپتى ءتارتىبىن بۇلدىرگەن. 20 ايىپكەردىڭ قىلمىسى جەكە - جەكە قارا قوعام سيپاتتى توپ قۇرۋ، وعان جول باستاۋ، قاتىناسۋ قىلمىسى، تالان - تاراجىلاۋ قىلمىسى، قۇمارحانا اشۋ قىلمىسى، قۇمار ويناۋ قىلمىسى، ەسىرتكى ساۋدالاۋ قىلمىسى، الدامكوستىك ىستەۋ قىلمىسى، قاساقانا سويقان شىعارۋ قىلمىسى سياقتى 7 ءتۇرلى قىلمىسقا شاتىلعان، سوت مەكەمەسىنىڭ دەلونى قاراۋىمەن 8 ادام 3 − 5 جىلدىق مەرزىمدى قاماۋ جازاسىنا، 7 ادام 5 − 10 جىلدىق مەرزىمدى قاماۋ جازاسىنا، 5 ادام 10 جىلدان جوعارى مەرزىمدى قاماۋ جازاسىنا ۇكىم ەتىلدى.
4 - ايدىڭ 17 - كۇنى شاپشال سىبە اۆتونوميالى اۋداندىق حالىق سوت مەكەمەسى زاڭ بويىنشا ەرمەك جاندوس، ەركىن جاندوس، ماقسات الماس، تالاپبەك كادەن قاتارلى ادامداردى ءبىر جىلدان 10 جىلعا دەيىنگى مەرزىمدى قاماۋ جازاسىنا ۇكىم ەتتى.
دەلونى قاراۋ ارقىلى، 2008 - جىلدان بەرى، ايىپكەر ەرمەك جاندوستىڭ باس بولىپ، ءىنىسى ەركىن جاندوس، نەمەرە ءىنىسى ماقسات الماس، تالاپبەك كادەن قاتارلى ادامدارمەن بىرلەسىپ سۇرقيا كۇش توبىن قالىپتاستىرىپ، اۋىلداردا زورلىق - زومبىلىق ىستەپ، كۇش كورسەتىپ توبەلەس شىعارىپ، كوپ رەت باسقالاردى قاساقانا ۇرىپ - سوعىپ، قۋالاپ، پىشاقتاپ جارالاپ، باسقالارعا قۇقاي كورسەتىپ، قورلاپ، جەرگىلىكتى ورىنداعى بۇقارانى جابىرلەپ، كوپتەگەن زياندالۋشىنىڭ جەڭىل دارەجەلىدەن جوعارى زاقىمدالۋىن تۋدىرعاندىعى، باسقالاردىڭ مال - مۇلكىن زورلىقپەن تارتىپ الىپ، جەرگىلىكتى ورىننىڭ قوعامدىق ءتارتىبىن اۋىر دارەجەدە بۇلدىرگەندىگى، شاپشال سىبە اۆتونوميالى اۋدانى دۇيچي نيۋلۋ اۋىلى وڭىرىندە ناشار قوعامدىق ىقپال تۋدىرعاندىعى تەكسەرىلىپ انىقتالدى.
سول كۇنى تەكەس اۋداندىق حالىق سوتى مەكەمەسى اۋداننىڭ قارادالا قالاشىعى ۇڭگىرتاس قىستاعىنىڭ تۇرعىندارى ما جيانشياڭ، ما جيانجۇڭ، ما يۋجۇن ۇشەۋىنىڭ قاساقانا سويقان شىعارۋ كۇماندى قىلمىس دەلوسىنا اشىق ۇكىم شىعاردى.
1995 - جىلدان 2008 - جىلعا دەيىن، ايىپكەر ما جيانشياڭ تالاي رەت قىستاق تۇرعىندارىنىڭ مال - مۇلكىن زورلىقپەن تارتىپ الۋ، سىلتاۋراتىپ بۇلىك شىعارۋ، وسپادارلىق - ارسىزدىق ىستەۋ، بەرەشەگىن قاساقانا قايتارماي سوزباقتاتۋ، باسقالارعا زورلىقتى كۇش كورسەتۋ، ۇرىپ - سوعۋ، ياناتتاۋ سياقتى تاسىلدەرمەن قارىزىن قايتارۋدى تويتارعان، ونىڭ ارەكەتى قاساقانا سويقان شىعارۋ قىلمىسىن قالىپتاستىرعان. 2015 - جىلدان 2017 - جىلعا دەيىنگى مەزگىلدە، ما جيانشياڭ ما جيانجۇڭ، ما يۋجۇندەرمەن بىرلەسىپ اۋلەتتەرىنىڭ ىقپال - كۇشىنەن پايدالانىپ قىستاق تۇرعىندار كوميتەتىندە بۇلىك شىعارىپ، سويقان سالىپ، قىستاق تۇرعىندار كوميتەتى كادرلارىن مازالاپ، قىستاق تۇرعىندار كوللەكتيۆىنىڭ كەدەيلەردى سۇيەمەلدەۋگە بەرەتىن قويلارىن يەمدەنىپ الۋ ماقساتىنا جەتكەن؛ ايىپكەر تاعى كوپ رەت اۋلەتتەرىنىڭ ىقپال - كۇشىنەن پايدالانىپ قىستاق تۇرعىندار كوميتەتىنىڭ كەزەك اۋىستىرىپ سايلاۋ بارىسىن شەڭگەلدەپ، قىستاق تۇرعىندار كوميتەتىنىڭ سايلاۋىنا كەدەرگىلىك جاساعان.
تەكەس اۋداندىق حالىق سوتى مەكەمەسى ايىپكەر ما جيانشياڭدى قاساقانا سويقان شىعارۋ قىلمىسى بويىنشا 5 جىلدىق مەرزىمدى قاماۋ جازاسىنا ۇكىم ەتتى ءارى 10 مىڭ يۋان ايىپ سالدى. ايىپكەر ما جيانجۇڭدى قاساقانا سويقان شىعارۋ قىلمىسى بويىنشا 3 جىلدىق مەرزىمدى قاماۋ جازاسىنا ۇكىم ەتتى. ايىپكەر ما يۋجۇندى قاساقانا سويقان شىعارۋ قىلمىسى بويىنشا 3 جىلدىق مەرزىمدى قاماۋ جازاسىنا ۇكىم ەتتى. ايىپكەر ما جيانشياڭدى زياندالۋشىنىڭ 46 مىڭ 800 يۋان زيانىن تولەۋگە بۇيىردى.
