اۆتونوميالى رايوننىڭ ساياحاتتىڭ قاۋىرت مەزگىلىندەگى قىزمەتتەردى ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى
ءتىلشى جاڭ يۇنمەي 4 - ايدىڭ 29 - كۇنى ۇرىمجىدەن حابارلايدى. 4 - ايدىڭ 29 - كۇنى اۆتونوميالى رايوننىڭ ساياحاتتىڭ قاۋىرت مەزگىلىندەگى قىزمەتتەردى ىلگەرىلەتۋ جونىندەگى تەلەۆيزور - تەلەفون ءماجىلىسى اشىلدى. ءماجىلىس اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن مۇقيات دايەكتىلەندىرىپ، تياناقتاندىرىپ، اۆتونوميالى رايوننىڭ ساياحاتتى دامىتۋ جينالىسىنىڭ رۋحىن دايەكتىلەندىرىپ، تياناقتاندىرىپ، ”ساياحات ارقىلى شينجياڭدى گۇلدەندىرۋ“ ستراتەگياسىن اتقارۋدى ارقاۋ ەتىپ، جىل باسىندا بەلگىلەنگەن بۇكىل رايوننىڭ ساياحاتتاعى ءتۇرلى نىسانا مىندەتتەرى بويىنشا، ماسەلەنى باعدار ەتۋدەن جازباي، ءبىرىنشى توقسانداعى قىزمەتتەردى قورىتىندىلاپ، ساياحاتتىڭ قازىرگى دامۋ جاعدايىنا تالداۋ جاساپ، رايونىمىز ساياحات كاسىبىنىڭ دامۋىنا تۇساۋ بولىپ وتىرعان كورنەكتى ماسەلەلەردى شەشۋدى ىلگەرىلەتىپ، بۇكىل رايون ساياحاتىنىڭ قاۋىرت مەزگىلى قارساڭىنداعى ءتۇرلى قىزمەتتەرگە تاعى دا ورنالاستىرۋ جاسادى، تاعى دا جايعاستىردى، تاعى دا اتتانىسقا كەلتىردى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ساياسي دەڭگەيدى شىنايى جوعارىلاتىپ، وسكەلەڭ جاۋاپكەرشىلىك سەزىمىمەن جانە بورىشتىلىق سەزىمىمەن ”ساياحات ارقىلى شينجياڭدى گۇلدەندىرۋ“ ستراتەگياسىن ىلگەرىلەتۋ كەرەك. ءسوز جوق، ساياحاتتىڭ قاۋىرت مەزگىلىندەگى قىزمەتتەردى ىلگەرىلەتۋدى ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداۋدىڭ ناقتى امالياتى ەتۋ؛ ءسوز جوق، جاۋاپكەرشىلىك تانىمىن كۇشەيتىپ، ۇيىمدىق باسشىلىقتى نىعايتىپ، قىزمەت بىرىككەن كۇشىن قالىپتاستىرىپ، ”ساياحات ارقىلى شينجياڭدى گۇلدەندىرۋ“ ستراتەگياسىنىڭ ءتۇرلى ورنالاستىرۋلارىنىڭ تياناقتانۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ماسەلەنى باعدار ەتۋدەن جازباي، ساياحات كاسىبىنىڭ دامۋىنا تۇساۋ بولىپ وتىرعان بوگەتتىك ماسەلەلەردى كۇش سالا شەشۋ كەرەك. رەتتەۋ - جونگە سالۋدى مىقتى ۇستاپ، قىزمەت وتەۋدى جەبەۋ؛ نەگىزدى مىقتى ۇستاپ، دامۋدى جەبەۋ؛ حاۋىپسىزدىكتى مىقتى ۇستاپ، ساپانى جەبەۋ؛ توعىستىرۋدى مىقتى ۇستاپ، كاسىپتى جەبەۋ؛ ۇگىتتى مىقتى ۇستاپ، وبرازدى جەبەۋ كەرەك، ”3 قيىن بولۋ، ءبىر ىركىلىسسىز بولماۋ“ ماسەلەسىن شەشۋدى كۇش سالا ىلگەرىلەتىپ، ساياحاتتاعى جول - قاتىناس ولقىلىعى مەن قونالقى ورىن ولقىلىعىن تولىقتاپ، ساياحات الەۋمەتتىك قىزمەت وتەۋ جۇيەسىن كەمەلدەندىرۋدى تەزدەتىپ، ساياحات كاسىبىندە زور دامۋدى جۇزەگە اسىرۋدى تاباندىلىقپەن ىلگەرىلەتۋ كەرەك.
