تيانشان تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىستاق تۇرعىندارىن كەدەيلىكتەن ارىلتىپ، كىرىسىن ارتتىرۋدىڭ ۇتىمدى شاراسىن تاپتى

  − اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجۇل اۋىلى قىزىلتو قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى جونىندە

  ءتىلشى مىھىرگۇل عوپۇر

  كەدەيلىكتەن ارىلتۋدان قامال الۋ ۇلگىسى

  قىزمەت اترەتى سورتاڭ جەردى قۇنارلاندىرىپ، ەگىن ەگۋ بەلسەندىلىگى جوعارى قىستاق تۇرعىندارىن جىلىجايدا كوكونىس ەگىپ، وزگە قىستاق تۇرعىندارىن بىرگە بايۋعا جەتەكتەۋگە شابىتتاندىردى جانە سۇيەمەلدەدى.

  قىستاق كوللەكتيۆ شارۋاشىلىعىن كولەمدەندىرۋ، كۇشەيتۋ نەگىزگى ساتى پارتيا ۇيىمىنىڭ ۇيىسۋ قۋاتىن جانە باۋراۋ قۋاتىن اناعۇرلىم كۇشەيتىپ، جاۋىنگەر قامالدىق رولىن ويداعىداي ساۋلەلەندىردى. -قازىر قىزىلتو قىستاق تۇرعىندارىنىڭ ءوندىرىس، تۇرمىس ءتاسىلى وزگەردى، قىستاق تۇرعىندارىنىڭ قالتاسى بارعان سايىن قالىڭداپ، اۋقاتتانىپ دوڭگەلەك داۋلەتكە جەتۋ سەنىمى ءتىپتى دە كۇشەيدى.

  تۇستەن كەيىن جانعا جايلى كۇن نۇرى اتۇش قالاسى قاراجۇل اۋىلى قىزىلتو قىستاعىنا شۇلەن شۇعىلاسىن شاشتى، قىستاق تۇرعىندار كوميتەتىنىڭ مادەنيەت الاڭىندا، نارت قىزىل بەس جۇلدىزدى قىزىل تۋ جەلمەن جەلبىرەيدى. جاسىل جەلەكپەن كومكەرىلگەن قىستاق جولىنىڭ بويىندا، بالالار اسىر سالىپ ويناپ ءجۇر، قىستاق تۇرعىندارىنىڭ كەيبىرى اتىزدا ەڭبەك ىستەسە، كەيبىرى اۋلاسىندا قاربالاس.

    ”قازىر قىستاعىمىزدا بوس جۇرگەن ادام جوق، قىزمەت اترەتى كەلگەننەن كەيىن كوپتەگەن ءادىس - امال قاراستىرىپ، كوپشىلىكتىڭ كۇش - قۋاتىن جابال ىسكە قوستى“، - دەدى قىستاق تۇرعىنى مامەتتۇرسىن امانتۇر.

  اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجۇل اۋىلى قىزىلتو قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى كەدەيلىكتەن ارىلتۋدان قامال الۋدى كەزەكتەگى ەڭ ۇلكەن ساياسي مىندەت، ەڭ ۇلكەن حالىق تۇرمىسى ينجەنەرياسى، ەڭ ۇلكەن جاۋاپكەرشىلىك، ەڭ ۇلكەن مىندەت ەتىپ، كەدەيلىكتەن ارىلتۋدان قامال الۋ شايقاسىن دەن قويا، سۇيىسپەنشىلىكپەن، كۇش سالا جۇرگىزىپ، جەڭىسكە جەتۋ بەكىمى مەن سەنىمىن كۇشەيتىپ، كەدەيلىكتەن ارىلتۋدان قامال الۋ قىزمەتىن نىق قاداممەن ىلگەرىلەتۋدە تىڭعىلىقتى ونىمدىلىككە قول جەتكىزدى.

  كوكونىس جىلىجايى جاڭا ءۇمىت سيلادى

  ”كوكونىس جىلىجايىندامىن، بۇگىن وسى كوكونىس مايسالارىن وتىرعىزىپ بولىپ، كەشىرەك قايتىپ تاماقتانامىن“، - دەدى مامەتتۇرسىن وزىنە تەلەفون جالعاعان ايەلىنە. تەلەفوندى قويعاننان كەيىن، ول ماڭدايىنداعى تەردى ءسۇرتىپ تاستادى دا، ارتىنا بۇرىلىپ جىلىجايعا كىرىپ كەتتى.

  ۇزىندىعى 80 مەتر، كەڭدىگى 8 مەتر كەلەتىن جىلىجايدا، كوكونىستەر جايقالا ءوسىپ تۇر، مامەتتۇرسىن ءار كۇنى تاڭەرتەڭ جىلىجايعا كەلىپ، كۇنى بويى وسىندا قاربالاس جۇمىس ىستەيدى.

  ”ءبىزدىڭ جەرىمىز از، بۇرىن قازىرگى جاعدايدى قالاي وزگەرتۋدى بىلمەيتىنبىز، تەك بىرنەشە سيىر مەن قويعا سۇيەنىپ كۇنەلتەتىنبىز، كىرىسىمىز دە ماردىمسىز ەدى. قىزمەت اترەتى كەلگەننەن كەيىن، ءبىزدى باستاپ كوكونىس جىلىجايىن دامىتتى، قازىر بارلىق وتباسىنىڭ ءوزىنىڭ كىرىسىن ارتتىرۋ ارناسى بار، كوپشىلىك ەڭبەكتەنگەن سايىن سەنىمى تاسقىنداپ كەلەدى“، - دەدى مامەتتۇرسىن قازىرگى تۇرمىسىنا ءدان ريزا بولىپ.

  قىزىلتو قىستاعى كەدەي قىستاق، جەر اۋىر دارەجەدە سورتاڭدانعاندىقتان، نە ەكسە دە مول ءونىم الۋ قيىن بولاتىن. قىزمەت اترەتى وسى ماسەلەنى شەشۋ ءۇشىن، بەيجيڭدەگى ءبىر عىلىم - تەحنيكا سەرىكتەستىگىنەن كومەككە توپىراقتى قۇنارلاندىرۋ ءدارىسىن تەگىن اكەلدى، مۇنى ىستەتكەننەن كەيىن سورتاڭ جەر قۇنارلانىپ، ءار مۋىنىڭ ءتۇسىمى ورتا ەسەپپەن %30تەن ارتىق جوعارىلادى، بۇل قىستاق تۇرعىندارىن ايرىقشا شاتتاندىردى.

  قاراجۇل اۋىلىندا بۇرىن 20 كوكونىس جىلىجايى بار بولاتىن، ويداعىداي باسقارىلماعاندىقتان، ونىمدىلىگى جاقسى بولمادى دا، كەيىن ەگىلمەي قالعان. قىزمەت اترەتى مەن قىستاق ”ەكى كوميتەتى“ القاسىنداعىلار بىرگە كۇش سالىپ، ءار جاقتىڭ كۇشىن بەلسەنە ءبىر تۇتاس ورنالاستىرىپ، 600 مىڭ يۋان كەدەيلەردى سۇيەمەلدەۋ قارجىسىن قوسىپ، 20 كوكونىس جىلىجايىن جوندەپ، جاڭالاپ، ەگىن ەگۋ بەلسەندىلىگى جوعارى قىستاق تۇرعىندارىن جىلىجايدا كوكونىس ەگىپ، وزگە قىستاق تۇرعىندارىن بىرگە بايۋعا جەتەكتەۋگە شابىتتاندىردى جانە سۇيەمەلدەدى.

  قىزمەت اترەتى مەن قىستاق ”ەكى كوميتەتى“ القاسىنداعىلار كوكونىستەردى ساتۋ ارناسىن مۇمكىندىكتىڭ بارىنشا كەڭەيتىپ، اتۇش قالاسىنداعى ءارقايسى ەرەن بازارلارمەن، قاراجۇل اۋىلىنداعى ءارقايسى مەكەمە، كاسىپورىن سياقتىلارمەن بايلانىس ورناتىپ، كوكونىس ەگەتىن قىستاق تۇرعىندارىن الاڭسىز ەتتى.

  قىستاق كوللەكتيۆ شارۋاشىلىعىن كولەمدەندىردى، كۇشەيتتى

  ”قازىر قىستاعىمىزداعى 10 دۇكەن باسەكەلەستىرىلە ساتىلادى، ءبىرىنشىسى 80 شارشى مەتر، قىستاق تۇرعىندار كوميتەتىنىڭ ماڭىندا، تومەنگى باعاسى 10 مىڭ يۋان...“، - دەدى ءور داۋىسپەن اۆتونوميالى رايوندىق ورگان ىستەرىن باسقارۋ مەكەمەسىنىڭ اتۇش قالاسى قاراجۇل اۋىلى قىزىلتو قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لۇي حۇيبين. باعاسى ارزان، ورنى جاقسى دۇكەن كوپتەگەن قىستاق تۇرعىنىن قىزىقتىردى، بىرنەشە كەزەك باسەكەلەستىرە ساتىلعاننان كەيىن، 10 دۇكەندى قىستاق تۇرعىندارى دەرەۋ تۇگەل كوتەرمەگە الدى.

  ”قىستاق كوللەكتيۆ شارۋاشىلىعىن كولەمدەندىرۋ، كۇشەيتۋ نەگىزگى ساتى پارتيا ۇيىمىنىڭ ۇيىسۋ قۋاتىن جانە باۋراۋ قۋاتىن اناعۇرلىم كۇشەيتىپ، جاۋىنگەر قامالدىق رولىن ويداعىداي ساۋلەلەندىرەدى“، - دەدى لۇي حۇيبين.

  بۇرىن قىستاق تۇرعىندار كوميتەتىنىڭ الدىنا تاياۋ ماڭدا ارام ءشوپ باسىپ جاتاتىن ءبىر بوس جەر بار بولاتىن. قىزمەت اترەتى بايلىقتى ىسكە قوسىپ، 300 مىڭ يۋان قارجى قۇراپ، 1800 شارشى مەترلىك بوس جەردى اشىپ، 5 دۇكەن سالدى، سونىمەن قوسا، حالىققا ءتيىمدى 5 دۇكەن سالدى، وسى 10 دۇكەندى باسەكەلەستىرە ساتۋ ارقىلى قىستاق تۇرعىندارىنا جالعا بەرىپ، دۇكەندەر ورنالاسقان جەردى اس - سۋ شاعىن بازارىنا اينالدىرىپ، قىستاق كوللەكتيۆىنىڭ شارۋاشىلىعىن شالقىتۋمەن بىرگە، كەدەي وتباسىلارىن جۇمىستانۋعا جەتەكتەدى.

  قىستاق تۇرعىنى قۇرمانباي تۇردىقۇل بىلاي دەدى: بۇرىن ۇيىمىزدە نەبارى 6 مۋ جەر بار بولاتىن، ەڭ تومەنگى تۇرمىستى قامتاماسىز ەتۋگە سۇيەنىپ عانا كۇنەلتەتىنبىز. لياڭپيزى دۇكەنىن اشقاننان كەيىن، ساۋدامىز ەرەكشە كۇسەت بولدى، مەن الدا تىزبەكتى دۇكەن اشىپ، ءتىپتى دە كوپ اقشا تابامىن، سونىمەن بىرگە وزگە كەدەي وتباسىلارىن تەزىرەك كەدەيلىكتەن ارىلۋعا جەتەكتەيمىن.

  2016 - جىلى قىزىلتو قىستاعىنىڭ كوللەكتيۆ كىرىسى 26 مىڭ يۋان عانا بولاتىن، قىسقا عانا 2 جىلدا، قىزمەت اترەتىنىڭ جەتەكتەۋىندە، 2018 - جىلدىڭ سوڭىندا قىستاق كوللەكتيۆىنىڭ كىرىسى 214 مىڭ يۋانعا جەتتى؛ قىستاق تۇرعىندارىنىڭ جان باسىندىق تازا كىرىسى 9707 يۋان بولىپ، 2017 - جىلداعىدان %38.5ارتتى، نەگىزگى ساتى پارتيا ۇيىمىنا حالىقتىڭ رازى بولۋ مولشەرى %100كە جەتتى.

  كۇندەرىمىز بارعان سايىن ۇمىتكە تولدى

  قىستاق تۇرعىنى سىلامباي تۇمىردىڭ ارتقى اۋلاسىندا 200 شوجە شيقىلداپ، كوكونىس جاپىراعىن جەۋدە، سىلامباي ءبىر شەتتە ولارعا قاراپ وتىر، جۇزىنەن قۋانىشتىڭ لەبى ەسەدى. ”قىزمەت اترەتى كەدەي وتباسىلارىنا شوجە بەردى، شوجەلەر وسكەننەن كەيىن، قىزمەت اترەتى بۇلاردى ءبىر تۇتاس ساتىپ الىپ، ءۇرىمجى سياقتى جەرلەرگە ساتادى، ءاربىر تاۋىقتى 70 يۋانعا ساتىپ الادى، ەسەپتەپ كورسەم تاۋىق باعۋدان 10 مىڭ يۋاننان استام كىرىس كىرگىزۋگە بولادى ەكەن“، - دەدى سىلامباي تەبىرەنە، ”قازىر قىستاعىمىزدا ءار كۇنى دەرلىك وزگەرىس بار، كۇندەرىمىز بارعان سايىن ۇمىتكە تولدى، ءبارىمىز ەرەكشە باقىتتى سەزىنەمىز“.

  قىزىلتو قىستاعى تۇرعىندارىنا باقىت سەزىمىن قىزمەت اترەتىنىڭ تىڭعىلىقى قىزمەتى سيلاعان.

  قىستاقتا سيىر، قوي ەتىنىڭ ساتىلۋى قيىن بولعاندا، قىزمەت اترەتى جەرگىلىكتى ەت ونىمدەرىن مانەرلەۋ كاسىپورىندارىمەن جانە ىشكى ولكەلەردەگى كاسىپورىندارمەن بايلانىس جاساپ، زاتپەن قامداۋ كەلىسىمىن جاساسىپ، سيىر، قوي ەتتەرىن گۋاڭدۇڭ جانە حۋبەي سياقتى جەرلەرگە ساتتى؛ قىستاق تۇرعىندارىنىڭ ءجۇرىس - تۇرىسىنىڭ اناعۇرلىم قولايلى بولۋى ءۇشىن، قىزمەت اترەتى اۋىل - قىستاق تاس جولى قۇرىلىسى نىسانىنا قول جەتكىزىپ، 5 كيلومەتر اسفالت جول جاتقىزدى؛ جەرگە سۋ جەتىسپەي، جايلىمدى سۋارۋ قيىن بولعاندا، قىزمەت اترەتى توعان جاساپ، سۋدى ەگىس اتىزدارىنا، جايلىمعا باستادى؛ قىستاق تۇرعىندار كوميتەتىنىڭ اۋلاسىنان بۇكىل قىستاقتاعى تۇڭعىش ورتانى قورعايتىن دارەتحانا سالدى...

  قازىر قىزىلتو قىستاعى تۇرعىندارىنىڭ ءوندىرىس، تۇرمىس ءتاسىلى وزگەردى، قىستاق تۇرعىندارى تازا دا ادەمى بەيقۇت ۇيلەرگە كوشىپ كىردى، ەلەكترسيكل، اۆتوكولىك كەڭ اسفالت جولدا زىمىرادى، قىستاق تۇرعىندارىنىڭ قالتاسى بارعان سايىن قالىڭداپ، اۋقاتتانىپ دوڭگەلەك داۋلەتكە جەتۋ سەنىمى ءتىپتى دە كۇشەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى