تيانشان تورابى   ›   زاڭ تارازى   ›   زاڭنان كەڭەس

رايونىمىزدىڭ دەنساۋلىق ساقتاۋ - سالاماتتىق جۇيەسى ەمدەۋ كاسىبىندەگى بىلىقپالىقتاردى ۇزدىكسىز جونگە سالدى

  ءتىلشى جاڭ يانفاڭ 5 - ايدىڭ 12 - كۇنى ۇرىمجىدەن حابارلايدى. ەمدەۋ قۇرىلىمدارى سياقتى ورىنداردى يەمدەنىپ العان ”ءنومىر الىپساتارلارى“نا، قارا ەمشىلەرگە، قارا ەمدەۋ دەلدالدارىنا جانە كۇشتەپ ساتىپ الاتىن، كۇشتەپ ساتىپ بەرەتىن، سەس كورسەتىپ، زورلىقپەن الاتىن قارا، سۇرقيا كۇشتەرگە قاتاڭ سوققى بەردى... قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسى ورىستەتىلگەننەن بەرى، اۆتونوميالى رايوندىق دەنساۋلىق ساقتاۋ - سالاماتتىق كوميتەتى ”كاسىبي مەديتسينالىق شۇرقان سالۋ“، ”ءدارى جالداپتىعى“، ”ەمدەۋ قامسىزداندىرۋ الدامشىلىعى“ سياقتى 9 ءتۇرلى كاسىپتىك بىلىقپالىققا باتىل سوققى بەرىپ، ەمدەۋ، دەنساۋلىق ساقتاۋ سالاسىنداعى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ۇزدىكسىز تەرەڭدەۋىن جاپپاي ىلگەرىلەتتى.

  قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ناقتى ونىمدىلىككە قول جەتكىزۋىنە مۇمكىندىك جاساۋ ءۇشىن، اۆتونوميالى رايوندىق دەنساۋلىق ساقتاۋ - سالاماتتىق كوميتەتى ماسەلە دەرەگى جونىندە ”ەكى مالىمەت، ءبىردى تاپسىرىپ اڭىس ەتۋ“ مەحانيزمىن ورناتىپ، دەنساۋلىق ساقتاۋ - سالاماتتىلىق جۇيەسىندەگى قارا، سۇرقيا كۇشتەرگە ساياتىن ماسەلە دەرەكتەرىن قاتاڭ تەكسەردى. مۇنان سىرت، جەر - جەر، ورىندار قارا كۇشتەردى الاستاۋدى، سۇرقيا كۇشتەردى جويۋدى كاسىپ سالاسى ستيلى قۇرىلىسى، تىنىش شيپاحانا قۇرىلىسى سياقتىلارمەن ۇشتاستىرىپ، جۇيەدەگى قارا، سۇرقيا كۇشتەرگە ساياتىن ”بايلانىس تورى“ مەن ”باسقالقا“نى قاتاڭ تەكسەرىپ، تەرەڭ قازىپ، حالىق بۇقاراسىنىڭ ءتول مۇددەسىنە زيان جەتكىزەتىن ەمدەۋ قامسىزداندىرۋى قورىن الداپ الۋ، ”وپەراتسياعا باعا ۇستەۋ“ سياقتى زاڭعا، بەلگىلەمەگە، تارتىپكە قايشى ارەكەتتەرگە قاتاڭ سوققى بەرىپ، قارا، سۇرقيا كۇشتەردىڭ دەنساۋلىق ساقتاۋ - سالاماتتىق جۇيەسىندە ءورشۋىن تۋ باستان اۋىزدىقتادى.

  ناۋقاستاردىڭ اڭىسى كۇشتى بولعان شەكتەن اسىرىپ تەكسەرۋ، شەكتەن اسىرىپ ءدارى قولدانۋ، شەكتەن اسىرىپ ەمدەۋ، ولشەمسىز اقى الۋ، جالعان ۇگىت سياقتى ەمدەۋ بىلىقپالىعى ماسەلەلەرىنە مەڭزەس، ءۇرىمجى قالالىق دەنساۋلىق ساقتاۋ - سالاماتتىق كوميتەتى بۇكىل قالا كولەمىندە ەمدەۋ بىلىقپالىقتارىن ارناۋلى جونگە سالىپ، جەلىدەگى ارىزدان 32سىن، تەلەفون ارىزىنان 15ىن ءبىر جاقتى ەتىپ، جونگە سالىنعاننان كەيىن دە ماسەلە ءبىرشاما كوپ بولعان ەمدەۋ قۇرىلىمدارىن ”قارا تىزىم“گە ەنگىزىپ، ءۇرىمجى قالاسىنىڭ سەنىمدىلىك ينفورماتسياسىن ورتاقتاسۋ تۇعىرى ارقىلى اشكەرەلەپ، ءتۇيىندى تۇردە باقىلاپ، باسقاردى.

  وسى جۇيەدەگى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ىلگەرىلەۋ جاعدايىن جاپپاي انىقتاۋ ءۇشىن، بايىنعولين موڭعۇل اۆتونوميالى وبلىستىق دەنساۋلىق ساقتاۋ - سالاماتتىق كوميتەتى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىن ”قۋزاي وتىرىپ وزگەرتۋ“ ارناۋلى تەكسەرۋ - زەرتتەۋىن ورىستەتىپ، كورلا قالاسى، حىجيڭ اۋدانى سياقتى 7 اۋدان، قالانىڭ دەنساۋلىق ساقتاۋ - سالاماتتىق كوميتەتىنە جانە ءبىر توتە قاراستى ورىنعا تەكسەرۋ - زەرتتەۋ جۇرگىزىپ، اشكەرەلەۋ مالىمەتىن قابىلداۋ، دەرەكتەردى تەكسەرۋ سياقتى تاسىلدەر ارقىلى مىندەتتىڭ تياناقتاندىرىلۋ جاعدايىن جاپپاي انىقتاپ، 67 ماسەلەنى تاۋىپ، قازىرگى كەزدە بارلىعىن رەتتەپ، تۇزەتىپ بولدى.

  قۇمىل قالاسىنىڭ دەنساۋلىق ساقتاۋ - سالاماتتىق جۇيەسى قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ ءتۇيىندى مىندەتتەرىن ءبولىپ، زاڭسىز شيپاگەرلىكپەن شۇعىلدانۋ جانە ەمدەۋ، دەنساۋلىق ساقتاۋ قۇرىلىمدارىنىڭ، ەمدەۋ قىزمەتكەرلەرىنىڭ زاڭعا، بەلگىلەمەگە قايشى كاسىپتىك ارەكەتتەرىن قاتاڭ تەكسەرىپ ءبىر جاقتى ەتىپ، ەمدەۋ ارقىلى قۋاتتىق بۇيىمداردى ساتۋ سياقتى ءتۇسى وزگەرگەن ”ەمدەۋ دەلدالى“ ارەكەتتەرىنە قاتاڭ سوققى بەرىپ، ”ءدارى الىپساتارلارى“ سياقتىلاردىڭ ىرعىن پايدا الۋ، بۇقارانىڭ مۇددەسىنە زيان جەتكىزۋ ارەكەتتەرىنە بايقالعان زاماندا سوققى بەرىپ، بىلىعا قالسا تۇزەتىپ، قاتاڭ سوققى بەرۋدىڭ تەگەۋرىندى كۇيىن باستان - اياق ساقتادى. اۆتونوميالى رايوندىق دەنساۋلىق ساقتاۋ - سالاماتتىق كوميتەتى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرۋشى جاڭ گاڭچياڭنىڭ تانىستىرۋىنا قاراعاندا، كەلەسى قادامدا، اۆتونوميالى رايوندىق دەنساۋلىق ساقتاۋ - سالاماتتىق كوميتەتى قارا، سۇرقيا كۇشتەرگە ساياتىن زاڭعا قايشى قىلمىستاردان ساقتانۋدىڭ، وعان سوققى بەرۋدىڭ باياندى مەحانيزمىن ۇزدىكسىز اقاۋسىزداندىرىپ، بۇكىل رايونىمىزداعى جەر - جەردىڭ دەنساۋلىق ساقتاۋ - سالاماتتىق جۇيەسىندەگى قارا، سۇرقيا كۇشتەرگە ساياتىن ماسەلە دەرەكتەرى جونىندە دەلولاردى، ءسوز جوق، تەكسەرىپ، زاڭعا قايشىلىق جاساعاندارىن، ءسوز جوق، قۋزاستىرىپ، ”مەديتسينالىق شۇرقان سالۋ“ سياقتى قارا، سۇرقيا كۇشتەرگە ساياتىن ماسەلەلەردىڭ، سونداي - اق ەمدەۋ بىلىقپالىقتارىنىڭ تۇبىرىنەن اۋىزدىقتالۋىنا شىنايى كەپىلدىك ەتىپ، ەمدەۋدەن قىزمەت وتەۋ ءتارتىبى كورنەكتى تۇردە جاقسارىپ، حالىق بۇقاراسىنىڭ ەمدەۋ، دەنساۋلىق ساقتاۋ سالاسىنداعى حاۋىپسىزدىك سەزىمى، رازىلىق دارەجەسى كورنەكتى تۇردە جوعارىلايدى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى