تيانشان تورابى   ›   جاڭالىقتار   ›   شينجياڭ حابارلارى

مارالباسى − ياركەن 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى رەسمي ىسكە قوسىلدى

  ءتىلشى چىن چياڭۋي 5 - ايدىڭ 13 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋعا قاراعاندا، 5 - ايدىڭ 12 - كۇنى سالىنا باستاعانىنا 2 جىل بولعان مارالباسى - ياركەن 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى رەسمي سالىنىپ بولىپ، ىسكە قوسىلعان.

  مارالباسى - ياركەن 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى 2017 - جىلى 5 - ايدىڭ 12 - كۇنى قۇرىلىس باستاعان، وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، تولىقتاپ كۇشەيتۋ ينجەنەرياسىنىڭ ءبىر بولىگى، سونداي - اق شينجياڭ 750 كيلوۆولتتىق نەگىزگى ەلەكتر جەلىسى تۇعىرىنىڭ قۇرامداس بولىگى. وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، تولىقتاپ كۇشەيتۋ ينجەنەرياسى مارالباسى - ياركەن، ياركەن - حوتان، قاشقار - ياركەن 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسىنان جانە سايكەستىرۋ ينجەنەرياسىنان قۇرالعان، جەلىنىڭ ۇزىندىعى 726 كيلومەتر، ينجەنەرياعا جالپى 3 ميلليارد 600 ميلليون يۋان قارجى قوسىلعان، 2019 - جىلى 1 - ايدا وسى ينجەنەريانىڭ تۇتاس جەلىسى تۇتاستىرىلعان.

  مارالباسى - ياركەن - حوتان 750 كيلوۆولتتىق جەلى ينجەنەرياسى يەگەرلىك نىسانىنىڭ ديرەكتورى لي ياڭ بىلاي دەدى: وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، تولىقتاپ كۇشەيتۋ ينجەنەرياسىنداعى ياركەن - حوتان، قاشقار - ياركەن 750 كيلوۆولتتىق ەلەكتر جەتكىزۋ - كەرنەۋ وزگەرتۋ ينجەنەرياسى ۇستەگى جىلدىڭ العاشقى جارىمىندا ىركەس - تىركەس ىسكە قوسىلادى. ينجەنەريا بۇكىلدەي ىسكە قوسىلعاننان كەيىن، وڭتۇستىك شينجياڭ ەلەكتر جەلىسى قۇرىلىسىنىڭ سالىستىرمالى كەنجە قالۋ جاعدايى وزگەرىپ، قاشقار ايماعىنىڭ، حوتان ايماعىنىڭ، قىزىلسۋ قىرعىز اۆتونوميالى وبلىسىنىڭ ەلەكترمەن قامداۋ قۋاتى ءونىمدى جوعارىلاپ، ەلەكتر جەلىسى نەگىزدىك قۇرىلعىلارىنىڭ ءوزارا ۇلاسۋىن، ءوزارا تۇتاسۋىن ىلگەرىلەتىپ، تۇتاس شينجياڭنىڭ ەنەرگيا بايلىعىن جايعاستىرۋى ساپالىلانىپ، جەرگىلىكتى ءار ۇلت بۇقاراسىنا تيىمدىلىك اكەلەدى. جوبا بويىنشا، وڭتۇستىك شينجياڭ 750 كيلوۆولتتىق ەلەكتر جەلىسىن ۇزارتۋ، تولىقتاپ كۇشەيتۋ ينجەنەرياسى ىسكە قوسىلعاننان كەيىن جاڭادان ارتقان تازا ەنەرگيامەن ەلەكتر تاراتۋ مولشەرى جىلىنا 3 ميلليون 130 مىڭ توننا كومىر ۇنەمدەگەنمەن بارابار بولىپ، مەجە بويىنشا ونەركاسىپتىڭ جىلدىق ارتقان قۇنى 10 ميلليارد يۋانعا جەتەدى؛ تۇراقتى مۇلىككە تىكە 51 ميلليارد 800 ميلليون يۋان قارجى قوسۋدى جەبەپ، 2800گە تاياۋ جۇمىس ورنىن كوبەيتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى