رايونىمىز جاسىل كەن - تاۋ قۇرىلىسىن كۇش سالا ەتەك الدىردى
2020 - جىلى 400دەن استام جاسىل كەن - تاۋ قۇرۋعا كۇش سالادى
ءتىلشى ليۋ شياڭ 5 - ايدىڭ 19 - كۇنى قاشقاردان حابارلايدى. ءتىلشىنىڭ 2019 - جىلعى شينجياڭ كەن كاسىبىن دامىتۋ جانە جاسىل كەن - تاۋ قۇرىلىسى جوعارى دارەجەلىلەر تالقى مىنبەرىنەن ۇعىسۋىنا قاراعاندا، كەزەكتە رايونىمىزداعى كوپ ساندى ءىرى، ورتا كەن - تاۋلار جاسىل كەن - تاۋ قۇرىلىسى قىزمەتىن ەتەك الدىرىپ نەمەسە ەتەك الدىرۋعا دايىندالىپ، 2020 - جىلى 400دەن استام جاسىل كەن - تاۋ قۇرۋعا، جاسىل كەن كاسىبىن دامىتۋدان ۇلگى كورسەتەتىن 6 رايون قۇرۋعا كۇش سالدى.
بىلتىر رايونىمىز شينجياڭ كەن كاسىبى بىرلەستىگى مەن شينجياڭ جاراتىلىستىق بايلىق جوبا مەكەمەسىن 3 - جاق باعالاۋشى قۇرىلىم رەتىندە قاراپ، جاراتىلىستىق بايلىق مينيسترلىگىنىڭ قاتىستى كاسىپ ولشەمىن باعالاۋ ولشەمى ەتىپ، جاسىل كەن - تاۋ تۋرالى ءۇشىنشى جاقتىڭ باعالاۋىنان وتكەن كەن - تاۋدان جاڭادان 12سىن قوسىپ، جاراتىلىستىق بايلىق مينيسترلىگىنىڭ جاسىل كەن - تاۋ قامباسىنا كىرگىزۋ تالابىنا تولعان كەن - تاۋدىڭ جالپى سانى 38گە جەتتى. شينجياڭ كەن كاسىبى بىرلەستىگىنىڭ ورىنباسار باستىعى جاڭ جىمين مىنالاردى ءبىلدىردى: كەزەكتە رايونىمىز كومىر، مۇناي جانە تابيعي گاز، التىن، اك تاسى، قۇمتاس سياقتى اۆتونوميالى رايونىمىزداعى 10 نەگىزگى جالپىلىق كەن ءتۇرى كاسىبىنىڭ جاسىل كەن - تاۋ قۇرىلىسى ولشەمىن بەلگىلەۋدە. ولشەم بەلگىلەنگەننەن كەيىن، ۇكىمەتتىڭ جەتەكشىلىك ەتۋى، كاسىپورىننىڭ ءوزى سالۋى، ءۇشىنشى جاقتىڭ باعالاۋى، قوعامنىڭ باقىلاۋى سىندى قىزمەت جۇيەسى ارقىلى، رايونىمىزدىڭ جاسىل كەن - تاۋ قۇرىلىسى اناعۇرلىم جەدەلدەيدى.