شينجياڭنىڭ ويىن - ساۋىق، مادەنيەت جاسامپازدىق ونىمدەرى شاڭحايدا جاپپاي كورسەتىلدى
شينجياڭ ساياحات ماركاسىنىڭ داڭقىن اسقاقتاتتى
ءتىلشى جاڭ يىڭچۇن 5 - ايدىڭ 20 - كۇنى شاڭحايدان حابارلايدى. 5 - ايدىڭ 20 - كۇنى 12 - كەزەكتى جۇڭگو كوركەمونەر مەرەكەسى ويىن - ساۋىق جانە مادەنيەت جاسامپازدىق ونىمدەرى كورمەسى (تومەندە قسىقارتىلىپ ”كورمە“ دەلىندى) شاڭحاي كورمە ورتالىعىندا اشىلىپ، شينجياڭنىڭ ويىن - ساۋىق، مادەنيەت جاسامپازدىق ونىمدەرى شاڭحايدا جاپپاي كورسەتىلىپ، ”شينجياڭ جاقسى جەر“ ماركاسىن اسقاقتاتتى.
اۆتونوميالى رايوندىق مادەنيەت جانە ساياحات مەڭگەرمەسى ”شينجياڭ جاقسى جەر“دى نەگىزگى تاقىرىپ ەتىپ، ”بيمەن تەربەلگەن شينجياڭ“، ”جاسامپاز شينجياڭ“، ”كوركەم شينجياڭ“ سىندى 3 مازمۇنعا ءبولىپ، رايونىمىزداعى 6 ساحنالىق كوركەمونەر سارا تۋىندىسى ويىن ءنومىرىن، 10نان استام ساياحات جەلىسىن كورمەگە قاتىستىرىپ، مۋزيكامەن، بيمەن سۇيەمەلدەنگەن ءان «كۇنشۋاقتاعى ءبي»، مۋزيكالى تەاتر «مۇزتاۋعا كەلگەن قوناق» قاتارلى ۇزدىك ساحنالىق كوركەمونەر سارا تۋىندىلارىن ءتۇيىندى تانىستىرىپ، شينجياڭنىڭ تاياۋ جىلداردان بەرگى ساحنالىق كوركەمونەر جاسامپازدىق تۋىندىلارى مەن ويىن قويۋ بارىسىندا قول جەتكىزگەن ۇزدىك جەتىستىكتەرىن شوعىرلى كورسەتتى.
شينجياڭ كوركەمونەر زەرتتەۋ ورنى، اۆتونوميالى رايوندىق مۇراجاي، اۆتونوميالى رايوندىق كىتاپحانا سياقتى 10 ورىن ءتۇرلى مادەنيەت مۇرالارى جانە بەيزاتتىق مادەنيەت مۇرالارى جاسامپازدىق ونىمدەرىنەن 500دەن استامىن (پار) كورسەتىپ، رايونىمىزدىڭ الۋان ءتۇرلى مادەنيەت، ساياحات بايلىعىن ءار قىرىنان ايگىلەپ، ”شينجياڭ جاقسى جەر“ ماركاسىن كۇش سالا ۇگىتتەدى جانە تانىستىردى.
شينجياڭ كورمە رايونىندا كورسەتىلگەن «شينجياڭ جاقسى جەر» بەينە - بايان ۇگىت فيلمى كوپتەگەن كورەرمەندى باۋرادى، كورمەگە قاتىناسقان ورىندار مەن بەيزاتتىق مادەنيەت مۇرالارىنىڭ مۇراگەرلەرى، ءبىر جاعىنان، ۇگىتتەپ تانىستىرسا، ەندى ءبىر جاعىنان، كورەرمەندەرمەن پىكىر اۋىستىردى. تارتىمدى دا دۋماندى مۋزيكا ءۇنى ىشىندە، سول جەردەگى كورەرمەندەردى شينجياڭنىڭ ءتۇرلى - ءتۇستى ۇلتتىق مۋزيكا اسپاپتارىنىڭ ادەمى بەينەسى مەن ەرەكشە ءۇنى باۋرادى، ولار مۋزيكا اسپابىنىڭ اتىن، جاسالۋ تەحنولوگياسىن سۇراپ جاتتى. جاندى دا جالىندى شينجياڭ ءان - ءبي نومىرلەرى ورىندالىپ جاتقان جەردە ادامدار ءيىن تىرەستى، ارتيستەر بەيزاتتىق مادەنيەت مۇرالارىنىڭ مۇراگەرلەرى ورىنداعان مۋزيكا ۇنىمەن ءان ايتىپ، بيگە باستى، كوپتەگەن كورەرمەن تاماشالاي ءجۇرىپ، قول تەلەفوندارىمەن وسى تاماشا ءساتتى ەستەلىككە الدى جانە ونان ورتاقتاستى.
”شينجياڭ ءدامىن ۇيلەرىڭىزگە الىپ قايتىڭىزدار“ نەگىزگى تاقىرىبىنداعى مادەنيەت جاسامپازدىق ونىمدەرىن كورمە باستالا سالا كورمەندەر قاۋمالاي قورشاپ الدى، كىتاپ وقۋ مەرەيىنە شومعان شينجياڭ، كىتاپتاردىڭ دىبىستى نۇسقاسىن تىڭداۋ، جىبەك جولىنىڭ تىڭ مادەنيەتىن سەزىنۋ سياقتى جەلىلەس مادەنيەت جاسامپازدىق ونىمدەرى دە قىزۋ قارسى الىندى. سول كۇنى شينجياڭ كورمە رايونى جيىنى 16 مىڭ ادام - رەتتەن استام كورەرمەندى باۋرادى، وزىندىك ەرەكشەلىككە يە شينجياڭ ءان - بيلەرى، عاجايىپ مادەنيەت جاسامپازدىق ونىمدەر، كوركى كوز سۇرىندىرەتىن تابيعي كورىنىستەر حۋاڭپۋجياڭ دارياسى بويىندا ”شينجياڭ جاقسى جەر“ ماركاسىن ءار قىرىنان ايگىلەپ جانە ۇگىتتەپ، ءتىپتى دە كوپ ادامدى ”شينجياڭعا ساياحاتتاپ بارۋ“ ارمانىنا جەتەلەدى.
