شينحۋا اگەنتتىگىنىڭ 5 - ايدىڭ 20 - كۇنى شاڭحايدان بەرگەن حابارى (ءتىلشى چىن ايپيڭ). چاڭجياڭ اتىراۋىنىڭ اناعۇرلىم جوعارى ساپادا ءبىر تۇلعالانا دامۋىنا ىلەسە، شاڭحاي، انحۇي، جياڭسۋ، جىجياڭ سەلبەستىكتى كۇشەيتىپ، ساياحات ارقىلى شينجياڭعا كومەكتەسۋدى قول ۇستاسا ىلگەرىلەتتى.
5 - ايدىڭ 20 - كۇنى شاڭحايدا وتكىزىلگەن ”چاڭجياڭ اتىراۋىنان وڭتۇستىك شينجياڭعا ساياحاتتاۋ ارقىلى شينجياڭعا كومەكتەسۋ وداعىنىڭ شاڭحايداعى تانىستىرۋ جينالىسى“ندا، قاشقار ايماعى، اقسۋ ايماعى، قىزىلسۋ قىرعىز اۆتونوميالى وبلىسى، حوتان ايماعى جەرگىلىكتى ورىننىڭ مول ساياحات بايلىق قاينارىن، سونداي - اق قويۋ ۇلتتىق عۇرىپ - ادەتىن تانىستىردى ءارى شاڭحاي، جياڭسۋ، جىجياڭ، انحۇي سياقتى 4 جەردىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابىمەن، سونداي - اق 100دەن استام ساياحات كاسىپورنىمەن بايلانىس ورناتتى. بۇل چاڭجياڭ اتىراۋى ءوڭىرىنىڭ ساياحات ارقىلى شينجياڭعا كومەكتەسۋ وداعى قۇرىلعاننان بەرى شينجياڭعا ساياحات ارقىلى كومەكتەسۋدەگى تاعى ءبىر ماڭىزدى شاراسى.
قاشقار ايماقتىق پارتكومنىڭ ورىنباسار شۋجيى، شاڭحاي شينجياڭعا كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى شى جياميڭ بىلاي دەپ تانىستىردى: ساياحات ارقىلى شينجياڭعا كومەكتەسۋ تۇتىنۋ ەكونوميكاسىنا ءونىمدى تۇرتكى بولاتىن كەدەيلەردى سۇيەمەلدەۋ، حالىقتى بايىتۋ ينجەنەرياسى بولۋمەن بىرگە، ءار ۇلتتىڭ ارالاسۋىن، ىشتەسۋىن، توعىسۋىن جەبەۋدەگى ماڭىزدى تۇعىرى سانالادى. وڭتۇستىك شينجياڭ ”ءبىر بەلدەۋ، ءبىر جول”داعى ماڭىزدى ءتۇيىن رەتىندە شينجياڭعا كومەكتەسەتىن كۇشتەردى بەلسەنە ۇيىستىرىپ، بىرىكتىرىپ، ساياحاتتىڭ فۋنكتسياسىن كۇشەيتىپ، ساياحات قۇرىلعىلارىن كەمەلدەندىرىپ، ساياحاتتىڭ ىقپالىن ۇلعايتىپ، ساياحاتقا قىزمەت وتەۋدى ساپالىلاندىرىپ، ساياحات بايلىق قاينارى جاعىنداعى ءىرى رايوننان ساياحات ەكونوميكاسى جاعىنداعى قۋاتتى رايونعا قاراي بۇرىلىس جاساۋدى تەز قارقىنمەن ىلگەرىلەتەدى.
تانىستىرۋ جينالىسىندا، چۇنچيۋ ساياحاتى، شاڭحاي جاستار ساياحات سەرىكتەستىگى، شاڭحاي اۆياتسياسى دەمالىس كۇندەرى ساياحات سەرىكتەستىگى، شوفىڭ حالىقارالىق ساياحات سەرىكتەستىگى سىندى ساياحات كاسىپورىندارى وڭتۇستىك شينجياڭداعى 4 ايماق - وبلىسپەن جەكە - جەكە كومەكتەسىپ قۇرۋ سەلبەستىك كەلىسىمىنە قول قويىپ، چاڭجياڭ اتىراۋىنداعى ساياحاتشىلاردى وڭتۇستىك شينجياڭعا بارىپ ساياحاتتاۋعا بەلسەنە ۇيىمداستىراتىن بولدى؛ تايپيڭياڭ مال - مۇلىك قامسىزداندىرۋى قاشقار ايماعىمەن اماندىقتى ساقتاۋ بويىنشا الەۋمەتتىك جاۋاپكەرلىك قامسىزداندىرۋىنا قول قويىپ، تۇتاس ەلدەن قاشقارعا باراتىن ساياحاتشىلاردىڭ ساياحات باس اماندىق حاۋىپ - قاتەرىن اقىسىز قامتاماسىزداندىراتىن بولدى.
ساناقتا كورسەتىلۋىنشە، 2018 - جىلى چاڭجياڭ اتىراۋىنان 10 ميلليون ادام - رەتتەن استام تۇرعىن شينجياڭعا ساياحاتتاپ بارعان. كاسىپ سالاسىنىڭ مەجەسىنە قاراعاندا، چاڭجياڭ اتىراۋىنداعى ولكە، قالالاردىڭ ساياحات ارقىلى شينجياڭعا كومەكتەسۋدى قول ۇستاسا وتىرىپ ىلگەرىلەتۋىنە ىلەسە، بيىل چاڭجياڭ اتىراۋىنان شينجياڭعا باراتىن ساياحاتشى سانىنىڭ ارتۋدى ساقتاۋىنان ءۇمىت بار ەكەن.
بىلتىر جىل سوڭىندا، شاڭحاي، انحۇي، جياڭسۋ، جىجياڭ سياقتى ولكە، قالالاردىڭ شينجياڭعا كومەكتەسۋ قىزمەتى الدىڭعى شەپ قولباسشىلىق شتابى چاڭجياڭ اتىراۋى ءوڭىرىنىڭ ساياحات ارقىلى شينجياڭعا كومەكتەسۋ وداعىن قۇرۋ جونىندە بىرلەسىپ ۇندەۋ شىعاردى ءارى تومەندەگىدەي سەلبەستىك ورتاق تانىمىنا كەلدى: وڭىرلىك ساياحات ارقىلى شينجياڭعا كومەكتەسۋ سەلبەستىگىن ىلگەرىلەتۋ شارالارىن بىرگە اقىلداسۋ، ساياحات ارقىلى شينجياڭعا كومەكتەسۋدىڭ جىلدىق سەلبەستىك جوسپارىن سايكەسىپ جاساۋ؛ چاڭجياڭ اتىراۋى ءوڭىرىن نەگىزگى ساياحاتشى قاينارى نىسانا بازارى، ”بازارلاندىرۋ، ۇدايىلاندىرۋ“دى دامۋ بەتالىسى ەتىپ، ساياحات جەلىلەرى مەن ساياحات ونىمدەرىن ۇيلەسىمدى جوبالاپ، ورنالاستىرىپ، ”چاڭجياڭ اتىراۋى“ اتىنداعى ساياحات ارقىلى شينجياڭعا كومەكتەسۋ جالداما (ارناۋلى) ۇشاعى، ارناۋلى پويەز قاتارلىلاردى بىرلەسىپ اشۋ؛ بىرلەسىپ باقىلاۋ - باسقارۋدى كۇشەيتۋ، ءارقايسىسىنىڭ ساياحاتقا قاتىستى تاربيەلەۋ قاينارىن بىرلەسىپ بىرىكتىرۋ ارقىلى وڭتۇستىك شينجياڭنىڭ ساياحات الەۋمەتتىك قىزمەت وتەۋ قۇرىلعىلارىن ولشەمدەندىرۋ قۇرىلىسىن كۇشەيتۋىنە كۇش ۇستەۋ، ت. ب.
