تىلشىلەر گاۋا، لي چۇنشيا
4 - ايدىڭ 25 - كۇنى ياركەن اۋداندىق توقىماشىلىق بازارىنداعى ءبىر قولايلى دۇكەن ەرتەمەن اشىلدى. دۇكەن قوجايىنى ءماحبۇبا تۇرسۇن شاپشاڭ قيمىلداپ تازالىق ىستەپ، زات سورەسىن رەتتەپ، تيجارات باستاۋدىڭ الدىنداعى دايىندىقتاردى ىستەدى.
ءماحبۇبانىڭ كۇيەۋى ابدىرەشيت ابلەز بارىن سالىپ جۇمىس ىستەپ جاتقان ايەلىنە قاراپ: ”مەنىڭ وزىنە سەنىمدى دە ءوز كۇشىنە سۇيەنەتىن ايەلىم قايتا ورالعان ەكەن“، - دەدى سۇيىنگەن بەينەدە.
كۇيرەگەن كاسىپتىك ىنتاسى
كۇيەۋىنىڭ نازارىندا ءماحبۇبا كاسىپكە توتەنشە ىنتالى جان بولاتىن، ءبىراق ءدىني ۇشقارى يدەيا كەزىندە ايەلىن مۇلدە باسقا ءبىر ادامعا وزگەرتىپ جىبەرگەن - دى.
ءماحبۇبا 2003 - جىلى باس قۇراعاننان كەيىن بالكۇلشە پىسىرۋ ونەرىن ۇيرەنىپ، بالكۇلشە پىسىراتىن دۇكەن اشادى. تەحنيكاعا جەتىك ءارى تيجارات جۇرگىزۋگە شەبەر ول ءوزىنىڭ كاسىپ جانە تيجارات كولەمىن ۇزدىكسىز ۇلعايتىپ، بالكۇلشە دۇكەنىن ازىق - تۇلىك مانەرلەۋ زاۆودىنا اينالدىرىپ دامىتادى.
الايدا قاشاننان باستالعانى بەلگىسىز، ءماحبۇبا ءدىني ۇشقارى يدەيانىڭ ىقپالىنا ۇشىراپ، زاڭسىز ”تابليك“كە قاتىناسىپ، ادامدارمەن ارالاسقىسى كەلمەيتىن، مەملەكەتتە ءبىر تۇتاس قولدانىلاتىن ءتىل - جازۋدى قاقپايلايتىن كۇيگە تۇسەدى. ءدىني ۇشقارى يدەيانىڭ كەسىرىنەن ول جۇمىسقا زاۋقى سوقپاي، بار ويلايتىنى زاۆود ساتىپ العان شيكىزاتتار ”مۇسىلمانشا“ ما، ەمەس پە، وتباسىمداعىلاردىڭ ىشكەن - جەگەنى، كيگەن كيىمى، ىستەتكەن نارسەلەرى ”مۇسىلمانشا“ ما، ەمەس پە دەگەن ىستەر عانا بولىپ قالادى دا، ساۋداسى بارعان سايىن قۇلدىرايدى. كەيىن بىرەۋلەر وعان ”ايەلدىڭ تاپقان اقشاسى دا مۇسىلمانشا ەمەس“ دەپ ايتقاننان كەيىن، ءماحبۇبا، ءتىپتى، زاۆودىن دا جاۋىپ تاستايدى.
سول كەزدى ەسكە العان ابدىرەشيتتىڭ قاباعى ءتۇيىلىپ: ”ول سىرتقا شىقپايتىن، بىزبەن دە سويلەسۋدەن قالدى، ءۇيدى كوڭىلسىزدىك تورلاپ، بالالاردىڭ كۇلكىسى دە ازايىپ كەتتى“، - دەدى.
قايتادان شارۋاشىلىق قۇرىپ، ارمانعا قۇلاش سەرمەدى
ءدىني ۇشقارى يدەيانىڭ ۋىتىنا ۋلانعان ءماحبۇبا ياركەن اۋدانىنداعى كاسىپتىك شەبەرلىككە باۋلۋ - تاربيەلەۋ ورتالىعىنا ۇيرەنۋگە كەلەدى. ۇيرەنۋدىڭ تەرەڭدەي تۇسۋىنە ىلەسە، ءماحبۇبا ءوزىنىڭ يدەياسى مەن ارەكەتىنە قايتالاي مۇقيات وي جۇگىرتىپ، كۇڭگىرتتىكتەن بىرتىندەپ ايىعادى.
”ءدىني ۇشقارى يدەيا ايەلدەر سىرتقا شىعۋعا بولمايدى، جۇمىس ىستەۋگە بولمايدى دەگەندى ۇگىتتەيدى، ول بەينە ءبىر ارقان سياقتى موينىما شىرمالىپ، تىنىس الا الماي قالاتىنمىن“، - دەگەن ءماحبۇبا ءسوزىن جالعاپ: ”باۋلۋ ورتالىعىندا مۇعالىم ۇنەمى ماعان تابىسقا جەتكەن ايەلدەردىڭ ادامدى جىگەرلەندىرەتىن اڭگىمەلەرىن ايتىپ بەرىپ، مەنى ءوز كۇشىنە سۇيەنەتىن، وزىنە سەنىمدى ادام بولۋعا شابىتتاندىراتىن. مۇعالىمنىڭ ءسوزى ماعان كۇش - قۋات بەرىپ، ءدىني ۇشقارى يدەيانىڭ بۇعاۋىن بۇزىپ شىعاتىن ەرلىك، ءوز ارمانىما قۇلاش سەرمەيتىن باتىلدىق سيلادى“، - دەدى.
باۋلۋ ورتالىعىنداعى ۇيرەنۋدى اياقتاتقاننان كەيىن، تەرەڭ ويلانىپ - تولعانعان ءماحبۇبا قولايلى دۇكەن اشۋدان باستاپ كىرىسىپ، ءوزىنىڭ كاسىبىن قايتا تابۋعا بەكيدى. ونىڭ ويىن كۇيەۋى دە قولداپ، ەرلى - زايىپتى ەكەۋى كوشە بويىنان دۇكەن ىزدەپ، زات كىرگىزۋ ارنالارىن سۇراستىرىپ، دۇكەن اشۋدىڭ دايىندىقتارىنا دەرەۋ كىرىسەدى. قاتىستى تاراۋلاردىڭ دۇكەنىنىڭ ماياقىسىن جانە سۋ، توك اقىسىن ازايتىپ، كەشىرىم ەتىپ، ونىڭ قايتا شارۋاشىلىق قۇرۋىنا قولداۋ كورسەتكەندىگى ءماحبۇبانى ءتىپتى دە اسەرلەندىردى.
بىلتىر 11 - ايدا ءماحبۇبانىڭ قولايلى دۇكەنى اشىلادى. باۋلۋ ورتالىعىندا ۇيرەنگەن مەملەكەتتە ءبىر تۇتاس قولدانىلاتىن ءتىل - جازۋ ونىڭ ساۋداسىنا كوپ سەپتىگىن تيگىزەدى. ”پۋتۇڭحۋانى يگەرگەننەن كەيىن، ساۋدا سەرىكتەرىممەن، قاريدارلارمەن ەش قينالماي سويلەسە بەرەتىن بولدىم، وتە قولايلى“. ءماحبۇبا بۇرىن ءدىني ۇشقارى يدەيانىڭ ىقپالىندا مەملەكەتتە ءبىر تۇتاس قولدانىلاتىن ءتىل - جازۋدى ۇيرەنگىسى كەلمەگەندىكتەن، كوپتەگەن قاريدارلارمەن سويلەسە الماي، تالاي ساۋدا ورايىنان ايرىلىپ قالعاندىعىن ايتتى. ول ەندى پۋتۇڭحۋانى جاقسى ۇيرەنىپ، بۇدان بىلايعى كاسىبىن دامىتۋعا بەرىك نەگىز قالاۋعا دايىندالۋدا.
قۇلشىنا تيجارات جۇرگىزىپ، سەنىمىن ارتتىردى
”امانسىز با، جيىنى 27 يۋان بولدى، ەكى ولشەمدى كودتى سكانەرلەيسىز بە، جوق، الدە ناق اقشا تولەيسىز بە؟“. 4 - ايدىڭ 25 - كۇنى ءتۇس بولماي جاتىپ، دۇكەننىڭ ساۋدا سوماسى 800 يۋاننان اسىپ، ءماحبۇبا شاتتانىپ كەتتى. ”قازىر جۇرتتىڭ ءبارى قول تەلەفونمەن اقشا تولەۋدى جاقسى كورەدى، مەن دە اقشا قابىلدايتىن ەكى ولشەمدى كودقا ءوتىنىش بەردىم. ءداۋىردىڭ ريتىمىنە ىلەسە العاندا عانا، ساۋدانى بارعان سايىن جاقسى جۇرگىزۋگە بولادى عوي“.
قولايلى دۇكەن اشىلعان باستاپقى كەزدە زات ءتۇرى تولىق بولماعاندىقتان، ساۋدا تىم جاقسى بولماعان، كەي كەزدە كۇندىك تيجارات سوماسى تەك 100 يۋاننىڭ ۇستىندە عانا بولاتىن. ءماحبۇبا بۇعان بولا ەڭسەسى تۇسكەن جوق، ءار كۇنى قولىنا قالام - قاعازىن الىپ، قاريدارلار قاجەت ەتكەن زاتتاردى مۇقيات تىزىمدەپ وتىردى.
تاۋاردىڭ ءتۇرى مولايعاننان كەيىن، قاريدارلار دا كوبەيدى. قازىر ساۋدا كۇسەت كەزدە قولايلى دۇكەننىڭ ءبىر كۇندەگى تيجارات سوماسى 2000 يۋاننان اسادى. ءماحبۇبانىڭ قولايلى دۇكەن جونىندەگى بولاشاق جوباسى مۇنىمەن عانا شەكتەلىپ قالمادى. ”قول تەلەفوندا ۋيچات ساۋدا دۇكەنىن اشپاقشىمىن، قاريدارلار قول تەلەفونمەن - اق تاپسىرىس بەرەدى، جاقىن ماڭداعىلاردىڭ زاتىن ۇيىنە اقىسىز جەتكىزىپ بەرەمىن، بۇل كوپشىلىككە قولايلىلىق جاراتۋمەن بىرگە، قولايلى دۇكەننىڭ كىرىسىن دە ارتتىردى“، - دەدى ءماحبۇبا ەسەپ سوعىپ.
”ءماحبۇبانىڭ قازىرگى بار زەيىنى قولايلى دۇكەندى جاقسى جۇرگىزۋ، كۇرەس نىساناسى بولعاننان كەيىن، مىنەزى دە اشىق - جارقىن بولىپ، وزىندىك سەنىمى ارتا ءتۇستى. بارلىعىمىز ونىڭ قازىرگى بەينەسىن جاقسى كورەمىز، ونىڭ ءوزىن قايتا تابۋىنا كومەكتەسكەنى ءدال كاسىپتىك شەبەرلىككە تاربيەلەۋ - باۋلۋ ورتالىعى“، - دەدى ابدىرەشيت.
4 - ايدىڭ 26 - كۇنى تۇستەن كەيىن ءماحبۇبا سىرتتاعى جۇمىسىن بىتىرگەننەن كەيىن ساباقتان سىرتقى اۋەس كلاسىنداعى ۇلىن ۇيىنە الىپ قايتۋعا بارادى. ”شەشە!“. ونىڭ كەلگەنىن كورىپ قۋانعان بالاسى قۇشاعىنا جۇگىرىپ كىرەدى، ۇيگە قايتقان جولدا ولاردىڭ كۇلكىسى ۇزىلمەدى.
”مەن، ءسوز جوق، قولايلى دۇكەنىمنىڭ ساۋداسىن تاباندىلىقپەن ويداعىداي جۇرگىزىپ، جاۋاپكەرشىلىگى، كاسىپتىك ىنتاسى بار جاقسى انا بولىپ، بالاما ونەگە كورسەتەمىن“، - دەدى ءماحبۇبا بولاشاققا تولىق سەنىممەن.
