تيانشان تورابى   ›   زاڭ تارازى   ›   زاڭنان كەڭەس

رايونىمىز پارتيالى كادرلاردىڭ قارا، سۇرقيا كۇشتەرگە ساياتىن شىرىكتەسۋىنە جانە ”باسقالقا“ بولۋىنا قاتىستى     6 تيپتىك دەلونى حابارلاندىردى

  تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيالى كادرلاردىڭ قارا، سۇرقيا كۇشتەرگە ساياتىن شىرىكتەسۋىنە جانە ”باسقالقا“ بولۋىنا قاتىستى 6 تيپتىك دەلونى اشىق جاريالادى. بۇل 6 تيپتىك دەلو مىنالار:

  1. ىلە قازاق اۆتونوميالى وبلىستىق وقۋ - اعارتۋ مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، مەكەمەنىڭ ورىنباسار باستىعى يالقۇن وسماننىڭ قارا، سۇرقيا كۇش توبىنا ”باسقالقا“ بولۋى سياقتى ماسەلەلەر. 2006 - جىلى 4 - ايدان 2013 - جىلى 5 - ايعا دەيىن، يالقۇن وسمان تەكەس اۋداندىق پارتكومنىڭ تۇراقتى مۇشەسى مىندەتىن وتەگەن كەزىندە، قىزمەت قولايلىلىعىنان پايدالانىپ، يا X اتامان بولعان قارا، سۇرقيا كۇش توبىنىڭ جەردى زاڭسىز يەمدەنىپ اعاش كەسۋ، بازاردى بيلەپ - توستەۋ، الباتى اقى الۋ، ايىپ سالۋ، ساۋدالاسۋعا زورلاۋ سياقتى زاڭعا قايشى قىلمىستىق ارەكەتتەرىن قورعاشتاپ، يا Xتەن 127 مىڭ يۋان پايدا اقىسىن العان؛ ىلگەرىندى - كەيىندى بەلگىلەمەگە قايشىلىق جاساپ، قاتىستى تاراۋلارعا ”قۇلاققاعىس ەتىپ“، يا Xتىڭ 168 مىڭ يۋان ەكونوميكالىق ايىپ سومادان جانە قاتىستى زاڭ جازاسىنان جالتارۋىنا كومەكتەسكەن. مۇنان سىرت، يالقۇن وسماندا تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەر بار. 2019 - جىلى 3 - ايدا يالقۇن وسمانعا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  2. بايىنعولين موڭعۇل اۆتونوميالى وبلىسى حوشۇت اۋداندىق قوعام حاۋىپسىزدىگى مەكەمەسى پارتكومىنىڭ بۇرىنعى مۇشەسى، مەكەمەنىڭ ورىنباسار باستىعى جاۋ ۋىنلەيدىڭ قارا قوعام سيپاتىنداعى ۇيىمداردى قورعاشتاپ، ەركىنە جىبەرىپ، ”باسقالقا“ بولۋى سياقتى ماسەلەلەر. 2009 - جىلى 1 - ايدان 2018 - جىلى 11 - ايعا دەيىن، جاۋ ۋىنلەي حوشۇت اۋدانى ۇساقتال اۋىلدىق ساقشى بولىمشەسىنىڭ باستىعى، اۋداندىق قوعام حاۋىپسىزدىگى مەكەمەسى پارتكومىنىڭ مۇشەسى، مەكەمەنىڭ ورىنباسار باستىعى مىندەتىن وتەگەن كەزىندە، قىزمەت قولايلىلىعىنان پايدالانىپ، ما X، ليۋ X، دۋ X سياقتى قارا قوعام سيپاتىنداعى ۇيىمنىڭ جاسىرىن قۇمارحانا اشۋ، بەتالدى سوقتىعىپ، سويقان شىعارۋ، قۇمار قارىزىن قايتارۋعا تاقاۋىرلاۋ، قۇمارعا قارىز بەرۋ سياقتى زاڭعا قايشى قىلمىستىق ارەكەتتەرىن قورعاپ، قازىنا - مۇلىكتى قوسقاندا جيىنى 361 مىڭ يۋان پايدا الىپ، وسى وڭىردەگى جاسىرىن قۇمار ويناۋ توپتارىنىڭ ويىنا كەلگەنىن ىستەۋىنە ىرىق بەرىپ، قوعامدا ناشار ىقپال تۋدىرعان. مۇنان سىرت، جاۋ ۋىنلەيدە تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەر بار. 2019 - جىلى 4 - ايدا جاۋ ۋىنلەيگە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا سايعان ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  3. بۇراتالا موڭعۇل اۆتونوميالى وبلىسى جىڭ اۋدانى ماندانبۇلاق اۋىلى لۇڭشين ەگىن، مال شارۋاشىلىعى اشۋ رايونى پارتيا ياچەيكاسىنىڭ بۇرىنعى شۋجيى، ورىنباسار ديرەكتورى كادىرقان قابىلدىڭ سۇرقيا كۇشتەرگە سايۋى سياقتى ماسەلەلەر. 2011 - جىلى 3 - ايدان 2018 - جىلى 9 - ايعا دەيىن، كادىرقان قابىل قىزمەت ۇقىعىنان جانە اۋلەتتەرىنىڭ كۇشىنەن پايدالانىپ، لۇڭشين ەگىن، مال شارۋاشىلىعى اشۋ رايونىن ءوزى بيلەپ - توستەپ، بازار باعاسىنان بارىنشا تومەن باعادا كوللەكتيۆتىڭ بالىق كولشىگىن وزگەلەردىڭ اتىندا ۇزاق ۋاقىت كوتەرمەگە العان؛ ەگىن، مال شارۋاشىلىعى اشۋ رايونىنداعى 3 ماشينالى سۋ قۇدىعىن زاڭسىز يەمدەنىپ الىپ، سۋ قاينارىن مەڭگەرىپ، 6 جىل بويى كوتەرمەگە الۋ اقىسىن تاپسىرماعان، سونداي - اق الدامشىلىق تاسىلدەن پايدالانىپ، اشۋ رايونىندا ءوزى كوتەرۋگە ءتيىستى 40 مىڭ 400 يۋاندىق ماشينالى قۇدىقتى جوندەۋ اقىسىن ۇكىمەت ەسەبىنە جاتقىزعان؛ بۇرىنعى جىلدارداعى جيىنى 128 مىڭ يۋان جەردى كوتەرمەگە الۋ اقىسىن قاساقانا كەشەۋىلدەتىپ، مەملەكەت مەنشىگىندەگى جەرگە، بالىق كولشىگىنە بەرىلگەن 117 مىڭ يۋان تولەم قاراجاتتى يەمدەنىپ العان؛ بۇقارانى باسىنىپ، بۇقارانى قىساپ، ءوسىمى قازىنادان شىعارىلاتىن اۋىل شارۋاشىلىق قارىز اقشاسىن الىپ بەرەمىز دەگەن قىسىممەن، قارىز اقشا الۋدى وتىنگەن بۇقارانى وزىنە تەگىن ەڭبەك ىستەۋگە زورلاعان، ءىشىنارا بۇقارا قارىزدى ۋاعىندا قايتارا الماي قالعاندا، بۇقارانى وتىرعان ءۇيى مەن جەرىن قارىزدىڭ ورنىنا قايتارۋعا ماجبۇرلەگەن. 2018 - جىلى 11 - ايدا كادىرقان قابىلعا پارتيادان ايداۋ جازاسى بەرىلدى، ورىنباسار ديرەكتورلىق مىندەتىنەن قالدىرىلدى، زاڭعا قايشى قىلمىسقا ساياتىن ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  4. ءۇرىمجى قالاسى ميدۇڭ رايونى لۋساۋگوۋ اۋىلى حالىق جاڭزى قىستاعى قىستاق تۇرعىندار كوميتەتىنىڭ بۇرىنعى مەڭگەرۋشىسى ما چۇنشىڭنىڭ قارا، سۇرقيا كۇشتەرگە ساياتىن شىرىكتەسۋ سياقتى ماسەلەلەر. 2005 - جىلدان 2019 - جىلعا دەيىن، ما چۇنشىڭ ءۇرتىس 4 كەزەك قىستاق تۇرعىندار كوميتەتىنىڭ كەزەك اۋىستىرۋ سايلاۋى بارىسىندا، وزگەلەرگە كوللەكتيۆ مۇددەسىنەن پايدا جەتكىزۋگە ۋادە بەرۋ، جەردى كوتەرمەگە بەرۋ جاعىندا قارايلاسۋ سياقتى تاسىلدەرمەن داۋىس جيىپ، پارا ارقىلى سايلانىپ، قىستاق دارەجەلى ۇيىمنىڭ كەزەك اۋىستىرۋ سايلاۋىن اۋىر دارەجەدە بۇلدىرگەن؛ اقىلداسۋ قاعيداسىنا قايشىلىق جاساپ، كوللەكتيۆ جەرىن مايعا بەرۋ، قۇرىلىستى كوتەرمەگە بەرۋ سياقتى ماڭىزدى جۇمىستاردى ءوز الدىنا ۇيعارىپ، قىستاق ”ەكى كوميتەتى“ القاسىنداعى بوتەن پىكىر بىلدىرگەن مۇشەلەرگە، قىستاق تۇرعىندارىنا سەس كورسەتىپ، ۇرەي سالىپ، سوققى بەرىپ، ءوش العان؛ قىزمەت قولايلىعىنان پايدالانىپ، ءتۇرلى قىستاق كوللەكتيۆ قارجىسىنان 3 ميلليون 308 مىڭ 400 يۋاندى يەمدەنىپ العان. 2019 - جىلى 4 - ايدا ما چۇنشىڭعا پارتيادان ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  5. اقسۋ ايماعى اۋات اۋداندىق قوعام حاۋىپسىزدىگى مەكەمەسى اماندىق باسقارۋ ۇلكەن اترەتىنىڭ بۇرىنعى جەتەكشىسى نۇرمامەت مامۇتتىڭ پارا الۋ، پارا بەرۋ، قارا، سۇرقيا كۇشتەرگە ”باسقالقا“ بولۋ سياقتى ماسەلەلەر. 2014 - جىلى 1 - ايدان 2017 - جىلى 7 - ايعا دەيىن، نۇرمامەت مامۇت اۋات اۋداندىق قوعام حاۋىپسىزدىگى مەكەمەسى شۋماق ساقشى بولىمشەسىنىڭ جەتەكشىسى مىندەتىن وتەگەن كەزىندە، قىزمەت قولايلىعىنان پايدالانىپ، ءوزىن مالىمدەگەن جاعدايدى جالعاننان جاساۋ، تەرگەۋ ەستەلىگىن وزگەرتۋ سياقتى تاسىلدەرمەن، نۇ X، ماي X، بۋ X سياقتىلاردىڭ قارا، سۇرقيا كۇشكە سايعان زاڭعا قايشى قىلمىس فاكتتەرىن قاساقانا جاسىرىپ، قورعاشتاپ، قوعام حاۋىپسىزدىگى ورگانىنىڭ سوققىسىنان قاشقالاقتاۋىنا كومەكتەسىپ، زاڭعا قايشى قىلمىستىق ارەكەتتەن تۇسكەن 55 مىڭ يۋان پايدانى ءوزى قىمقىرىپ العان؛ قارا، سۇرقيا كۇشتەرگە ساياتىن زاڭعا قايشى قىلمىسكەرلەردىڭ تۋىس - تۋعاندارىنىڭ جانە بايلانىستى ادامدارىنىڭ تاپسىرىسىن كوپ رەت قابىلداپ، ”ادامدى شىعارىپ الۋىنا“ نەمەسە جازاسىن جەڭىلدەتۋگە كومەكتەسىپ، جيىنى 318 مىڭ يۋان پارا العان. مۇنان سىرت، نۇرمامەت مامۇتتا تارتىپكە، زاڭعا اۋىر دارەجەدە قايشىلىق جاساعان باسقا دا ماسەلەلەر بار. 2018 - جىلى 4 - ايدا نۇرمامەت مامۇتقا پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا سايعان ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  6. تۇرپان قالاسى ءپىشان اۋداندىق حالىق ىستەرى مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار باستىق تايىر مامەتتىڭ قارا، سۇرقيا كۇشتەرگە ساياتىن شىرىكتەسۋ سياقتى ماسەلەلەر. 2004 - جىلى 4 - ايدان 2011 - جىلى 6 - ايعا دەيىن، تايىر مامەت ءپىشان اۋدانى تۇيىق اۋىلدىق پارتكومنىڭ مۇشەسى، تۇيىق قىستاعى پارتيا ياچەيكاسىنىڭ شۋجيى مىندەتىن وتەگەن كەزىندە، قىزمەت قولايلىعىنان پايدالانىپ، ءىنىسى كا X باس اتامان بولعان قارا، سۇرقيا كۇش توبىنىڭ زاڭعا قايشى قىلمىستىق ارەكەتتەرىن قورعاشتاعان، ەركىنە جىبەرگەن؛ قىزمەت ۇقىعىنان پايدالانىپ، بەلگىلەمەگە قايشى تۇردە قىستاق كوللەكتيۆىنىڭ 206 مۋ جەرىن تومەن باعادا كا Xكە ساتىپ بەرىپ، 498 مىڭ يۋان سۋ قاينارى اقىسىن از تولەۋىنە كومەكتەسىپ، بۇقارانىڭ مۇددەسىنە اۋىر دارەجەدە زيان سالعان؛ تۇرپان - قۇمىل مۇناي الابىمەن العان جەرگە تولەم بەرۋ جۇمىسىن سايكەستىرۋ بارىسىندا، قىستاق تۇرعىندارىن مۇنايلىقتىڭ جۇمىس جۇرگىزۋىنە توسقىندىق جاساۋعا كوپ رەت زاڭسىز ۇيىمداستىرىپ، نۇسقاۋ بەرىپ، مۇناي الابى مەن جەرگىلىكتى ورىن اراسىنداعى داۋ - شاردى ءبىر جاقتى ەتۋگە كەلگەن كەزەكشى حالىق ساقشىلارىنىڭ تىنىشىن الىپ، مۇناي تولەم قاراجاتىنان 578 مىڭ يۋاندى قولعا تۇسىرگەن، جەكە بولىسكەن؛ زاڭعا قايشى ارەكەتتەرىن اڭىس ەتكەن قىستاق تۇرعىندارىن ادام توپتاپ ۇيىنە ىزدەپ بارىپ ياناتتاپ، سەس كورسەتىپ، ۇرەيلەندىرىپ، توتەنشە ناشار قوعامدىق ىقپال تۋدىرعان. 2018 - جىلى 4 - ايدا تايىر مامەتكە پارتيادان ايداۋ، ۇكىمەت قىزمەتىنەن ايداۋ جازاسى بەرىلدى، زاڭعا قايشى قىلمىسقا ساياتىن ماسەلەلەرى ءادىليا ورگانىنىڭ زاڭ بويىنشا ءبىر جاقتى ەتۋىنە تاپسىرىلدى.

  جوعارىداعى 6 تيپتىك دەلو پارتيالى كادرلار مەن الەۋمەتتىك بيلىك جۇرگىزەتىن ۇكىمەت قىزمەتكەرلەرىنەن 6 ادامعا سايعان، ولاردىڭ اراسىندا قىزمەت ۇقىعىنان پايدالانىپ قارا، سۇرقيا كۇش توبىنىڭ زاڭعا قايشى قىلمىستىق ارەكەتتەرمەن شۇعىلدانۋىن قورعاپ، قوماقتى پايداعا كەنەلگەن ”ءمانساپتى باسقالقا“لار، قارا، سۇرقيا كۇش توبىنىڭ ارەكەتىن قورعاشتاعان، ەركىنە جىبەرگەن، ءتىپتى پايدا الىپ دەلونى ءوشىرىپ، قارا، سۇرقيا كۇش توبىنىڭ سوققىدان قاشقالاقتاۋىنا كومەك كورسەتكەن ”ساقشى باسقالقا“لار، اۋلەتتەرىنىڭ كۇشىنە سۇيەنىپ، قىستاقتا ويىنا كەلگەندى ىستەپ، بۇقارانى جابىرلەپ، قارا، سۇرقيا كۇش ارەكەتتەرىنە تىكە ارالاسقان ”قىستاق زومىگەرلەرى“ بار. وسى ارەكەتتەر پارتيانىڭ باستى ماقساتىنا اۋىر دارەجەدە قايشى كەلگەن، پارتيانىڭ وبرازىنا داق كەلتىرگەن، پارتيا مەن بۇقارانىڭ قاتىناسىنا زيان جەتكىزگەن، ءسوز جوق، قاتاڭ تەكسەرىپ ءبىر جاقتى ەتۋ، باتىل جازالاۋ كەرەك. ءار دارەجەلى پارتيالى كادرلار، مەملەكەت قىزمەتكەرلەرى جوعارىداعى دەلولاردان ساباق الىپ، ودان ساقتانىپ، قارا، سۇرقيا كۇشتەرمەن شەكارانى ايقىن اجىراتىپ، پارتيا ءتارتىبىنىڭ، مەملەكەت زاڭىنىڭ تومەنگى شەگىن قاتاڭ ساقتاۋ كەرەك.

  تۇتاس رايونداعى ءتارتىپ تەكسەرۋ، باقىلاۋ تەكسەرۋ ورگاندارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن، اۆتونوميالى رايوندىق پارتكومنىڭ قىزمەت تالابىن باتىل دايەكتىلەندىرىپ، تياناقتاندىرىپ، ساياسي دەڭگەيدى ونان ارى جوعارىلاتىپ، قارا، سۇرقيا كۇشتەرگە ساياتىن شىرىكتەسۋ جانە ”باسقالقا“ بولۋ ماسەلەلەرىن قاتاڭ تەكسەرىپ ءبىر جاقتى ەتۋدى ”ءتورت تانىم“دى مىقتاپ ورناتۋدىڭ، ”ەكىنى قورعاۋ“دى امالياتتا ايگىلەۋدىڭ ناقتى بەينەسى ەتىپ، قاتاڭ جازالاۋدىڭ تەگەۋرىندى كۇيىن ۇزدىكسىز ساقتاپ، تەبىندى كۇشپەن ”تور“دى بۇزىپ، ”باسقالقا“نى تالقانداۋى؛ ”باقىلاناتىنداردى قايتا باقىلاۋ“ قىزمەت جاۋاپكەرلىگى ورنىن كۇشەيتىپ، جاقسى ”اتويشى“ بولۋمەن بىرگە، جاقسى“ باقىلاۋشى قوسىن“ بولىپ، قارا كۇشتەردى الاستاۋ، سۇرقيا كۇشتەردى جويۋ قىزمەتىن ىلگەرىلەتۋ تەبىنى جەتەرسىز بولعانداردىڭ، پوزيتسياسى كەرەناۋ، كۇڭگىرت بولعانداردىڭ، جۇمىس تىندىرماعان، بەتالدى ىستەگەن، جالعان ىستەگەندەردىڭ، قارا كۇش بولسا الاستاماعان، سۇقيا كۇش بولسا جويماعان، دەلو بولسا تەكسەرمەگەندەردىڭ، فورماشىلدىق، تورەشىلدىك ىستەگەندەردىڭ جاۋاپكەرشىلىگىن قاتاڭ قۋزاستىرىپ، قارا، سۇرقيا كۇشتەردىڭ ءوسىپ - ءوربۋ ورتاسىن تۇبەگەيلى تالقانداپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتىپ، پارتيانىڭ بيلىك جۇرگىزۋ نەگىزىن بەكەمدەۋدى ءتارتىپ جاعىنان پارمەندى قامتاماسىز ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى