ءتىلشى فۋ شياڭلۇڭ 5 - ايدىڭ 23 - كۇنى ۇرىمجىدەن حابارلايدى. بيىل جىل باسىنان بەرى، ءۇرىمجى قالاسى ورتالىقتىڭ قورشاعان ورتانى قورعاۋ بويىنشا قۋزاۋ - تەكسەرۋدەن اڭىس ەتكەن پىكىرىندە كورسەتىلگەن 35 ءتۇرلى رەتتەۋ - تۇزەتۋ مىندەتىن، سونداي - اق ”بىتىراڭقى، بىلىققان، لاستاۋشى“ 3217 كاسىپورىندى جاپپاي جونگە سالۋ نەگىزىندە، قالا تۇرعىندارىنىڭ سالاماتتىلىعىن قامتاماسىز ەتۋدى شىعار ءتۇيىن ەتىپ، قورشاعان ورتانىڭ اۋا ساپاسىن ۇزدىكسىز جاقسارتۋدى وزەك ەتە وتىرىپ، ۇيىمدىق باسشىلىقتى ۇزدىكسىز كۇشەيتىپ، كوپ ءتۇرلى شارانى قاتار قولدانىپ، ”بىتىراڭقى، بىلىققان، لاستاۋشى“ كاسىپورىنداردى جاپپاي جونگە سالۋدا كەزەڭدىك تابىسقا قول جەتكىزدى.
5 - ايدىڭ 15 - كۇنى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) ەكى وزەن اۋماعىن باسقارۋ كوميتەتىنىڭ دۇڭنانگوۋ قىستاعىنا كەلگەنىمىزدە، وسى ارادا وتقا شىدامدى ماتەريالدار وندىرەتىن 4 زاۆود ”ەكىنى توقتاتۋ، ءۇشتى تازالاۋ“ رەتتەۋ، جونگە سالۋ قىزمەتىن ورىنداپ بولىپتى، قاتىستى سوڭعى جۇمىستار ىستەلىپ جاتىر ەكەن.
ءۇرىمجى ەكونوميكالىق - تەحنيكالىق اشۋ رايوندىق (توۋتۇنحى رايونى) ونەركاسىپ جانە ينفورماتسيالاندىرۋ مەكەمەسى (ۇلكەن ساندى مالىمەت دامىتۋ مەكەمەسى) كاسىپورىن قىزمەت وتەۋ ورتالىعىنىڭ مەڭگەرۋشىسى شۇي گوبيڭ مىنانى تانىستىردى: بۇل رايون تەكسەرىلىپ شىققان ”بىتىراڭقى، بىلىققان، لاستاۋشى“ كاسىپورىندار جونىندە رەتتەۋ - تۇزەتۋ تالابىن ايقىنداپ، جاۋاپتى باسشىنى تياناقتاندىرىپ، ءاربىر كاسىپورىنعا بىردەن شارا بەلگىلەپ، زاڭ، ەرەجە بويىنشا ”بىتىراڭقى، بىلىققان، لاستاۋشى“ كاسىپورىنداردى جاپپاي رەتتەدى، جونگە سالدى. قازىر ەكونوميكالىق - تەحنيكالىق اشۋ رايونىنا (توۋتۇنحى رايونى) قاراستى وڭىردە مەتاللۋرگيا، ازىق - تۇلىك، وڭدەۋ، قوراپتاۋ سياقتى جاقتارعا ساياتىن ”بىتىراڭقى، بىلىققان، لاستاۋشى“ كاسىپورىنداردان 184ى بار. مۇنىڭ ىشىندە 177 كاسىپورىن اداقتالىپ بولدى، 7 كاسىپورىن رەتتەلىپ تۇزەتىلگەننەن كەيىن ءوندىرىستى قالپىنا كەلتىردى.
ۇعىسۋعا قاراعاندا، ورتالىقتىڭ قورشاعان ورتانى قورعاۋ بويىنشا قۋزاۋ - تەكسەرۋدەن اڭىس ەتكەن پىكىرىندەگى رەتتەۋ - تۇزەتۋ تالابىنا ساي، ءۇرىمجى قالاسى ”بىتىراڭقى، بىلىققان، لاستاۋشى“ 3217 كاسىپورىندى تەكسەرىپ انىقتاپ جونگە سالعان. مۇنىڭ ىشىندە 2875 كاسىپورىن جابۋ، توقتاتۋ، كۇشىنەن قالدىرۋ ارقىلى جونگە سالىنعان، 133 كاسىپورىن وندىرىستەن توقتاتىلىپ جونگە سالىنىپ، تولىقتاپ راسميات وتەپ، ءوندىرىستى قالپىنا كەلتىرگەن؛ 209 كاسىپورىن تالاپ بويىنشا 9 - ايدىڭ 30 - كۇنىنەن بۇرىن تۇگەل ونەركاسىپ باقشاسى رايونىنا كوشىرىلەدى ەكەن.
ءۇرىمجى قالالىق ونەركاسىپ جانە ينفورماتسيالاندىرۋ مەكەمەسىنىڭ (ۇلكەن ساندى مالىمەت دامىتۋ مەكەمەسى) ورىنباسار باستىعى لي نيڭ مىنالاردى ءبىلدىردى: ءۇرىمجى قالاسى رايونداردى (اۋدان)، قاتىستى تاراۋلاردى ءوز وڭىرىنە قاراستى جانە وزدەرى جاۋاپتى سالالارداعى ”بىتىراڭقى، بىلىققان، لاستاۋشى“ كاسىپورىنداردى جاپپاي جونگە سالۋ قىزمەتىنىڭ باياندى مەحانيزمىن ورناتۋعا ۇيىمداستىرىپ، ”بىتىراڭقى، بىلىققان، لاستاۋشى“ كاسىپورىنداردى جاپپاي جونگە سالۋدى كۇندەلىكتى قىزمەتكە ەنگىزىپ، ”بىتىراڭقى، بىلىققان، لاستاۋشى“ كاسىپورىنداردى دالمە - ءدال ءبىر - بىرلەپ تەكسەرۋدىڭ، جونگە سالۋدىڭ ۇدايىلانۋىن جۇزەگە اسىرىپ، تاباندا تەكسەرىپ، تاباندا ءبىر جاقتى ەتىپ، قاتارىنىڭ تىڭنان مولايۋىن توستى.
