شينجياڭ گازەتىنىڭ 6 - ايدىڭ 10 - كۇنى ۇرىمجىدەن بەرگەن حابارى. ءتىلشىمىز چىن چياڭۋيدىڭ ءۇرىمجى كەدەنىنەن ۇعىسۋىنا قاراعاندا، 6 - ايدىڭ 10 - كۇنى بەلورۋسسيادان يمپورت ەتىلگەن8.545 توننا توڭازىتىلعان سيىر ەتى الاتاۋ ساعاسى شەكارا وتكەلىندە كەدەننەن وتۋگە قاتىستى بارلىق راسىمياتتاردى تولىق ءبىتىرىپ، ەل ءىشى بازارىندا ساتىلۋعا جونەلتىلگەن. بۇل شينجياڭ شەكارا وتكەلىنەن تۇڭعىش رەت ەۆروپانىڭ توڭازىتىلعان سيىر ەتىنىڭ يمپورت ەتىلۋى.
ۇعىسۋعا قاراعاندا، بۇل توپتاعى توڭازىتىلعان سيىر ەتى نەگىزىنەن سيىردىڭ سان ەتى، سيىردىڭ ءتوس ەتەگى جانە قول ەتى بولىپ، بۇلاردىڭ ءبارى تەكسەرۋ - كارانتيندەۋ تولىمدىلىعىنان وتكەن.
يمپورت ەتىلگەن ەت ەرەكشە تاۋارعا جاتاتىندىقتان، قاتاڭ تەكسەرۋ - كارانتيندەۋدەن وتكەن سوڭ بارىپ ەل ءىشى بازارىنا ەنگىزىلەدى. سوندىقتان يمپورت ەتىلەتىن ەت مەملەكەتتىڭ بەكىتۋىنەن وتكەن ارناۋلى بەلگىلەنگەن شەكارا وتكەلىنەن يمپورت ەتىلىپ قالماستان، ونىڭ ۇستىنە جەرگىلىكتى ورىننىڭ يمپورت ەتىلگەن ەتتى تەكسەرۋ، ساقتاۋ جانە تەكسەرۋ ءبىر تۇلعالاندىرىلعان تەكسەرۋ قۇرىلعىسى بولۋى قاجەت. بيىل 5 - ايدا كەدەن باس مەكەمەسى جاريالاعان «يمپورت ەتىلەتىن ەتتى ارنايى بەلگىلەنگەن باقىلاۋ - باسقارۋ ورىندارىنىڭ تىزىمدىگىن جاريالاۋ جونىندەگى حابارلاندىرۋ»ىنا نەگىزدەلىپ، شينجياڭ الاتاۋ ساعاسى، باقتى، قورعاس، جەمەنەي سىندى 4 شەكارا وتكەلى شەكارادان ەت ەنگىزۋگە ارنايى بەلگىلەنگەن شەكارا وتكەلى بولىپ بەكىتىلدى. سونىمەن شينجياڭدا شەكارادان ەت ەنگىزۋگە ارنايى بەلگىلەنگەن شەكارا وتكەلىنىڭ سانى 7گە جەتىپ، شينجياڭداعى شەكارا وتكەلدەرىنىڭ يقۋاتى اناعۇرلىم كەمەلدەندى.
وسىدان بۇرىن الاتاۋ ساعاسى شەكارا وتكەلى ەت تەكسەرۋ شارت - جاعدايىن ازىرلەي الماعان، كاسىپورىندار شەتەلدەن يمپورت ەتىلەتىن ەتتىڭ ۇلگىسىن باسقا جەرلەردەگى تولىمدى تاجىريبەحانالارعا اپارىپ تەكسەرۋدەن وتكىزەتىندىكتەن، يمپورت ەتىلەتىن ەتتىڭ باسىلىپ قالۋ ۋاقىتى ۇزارىپ، كاسىپورىنداردىڭ وزىندىك قۇنى جوعارىلاعان. قاتتى بولشەك قۇرىلىسىن كۇشەيتۋ ارقىلى كەزەكتە الاتاۋ ساعاسى كەدەنىندە ەتتى تەكسەرۋ ءتۇرى 38 تۇرگە جەتىپ، يمپورت ەتىلەتىن ەتتىڭ بارلىق تەكسەرۋ ءتۇرى تولىق قامتىلىپ، ساراپتاۋ ۋاقىتى بارىنشا قىسقارىپ، يمپورت ەتىلەتىن ەتتىڭ كەدەننەن ءوتۋ قارقىنى مەن ونىمدىلىگى جوعارىلادى.
يمپورت ەتىلگەن ەت ونىمدەرىنىڭ كەدەننەن ىركىلىسسىز وتۋىنە كەپىلدىك ەتۋ ءۇشىن، الاتاۋ ساعاسى كەدەنى كاسىپورىندارعا تۇتاس بارىستا كومەك كورسەتىپ، سۇيەمەلدەپ، ”ءبىر جولدا جولداۋ، ءبىر جولدا تەكسەرۋ، ءبىر جولدا وتكىزۋ“ ۇلگىسى بويىنشا تۋ باستا تەكسەرۋدى، كارانتيندەۋدى قاتاڭ اتقاردى، ياعني دەرەۋ جولداپ، دەرەۋ تەكسەرىپ، دەرەۋ وتكىزىپ، كەدەننەن تەز وتكىزۋدى جۇزەگە اسىردى. بيىل جىل باسىنان بەرى، الاتاۋ ساعاسىندا ەت يمپورت ەتەتىن 40 نەشە كاسىپورىن تىزىمگە الىندى.
