تيانشان تورى   ›   جاڭالىقتار   ›   شينجياڭ حابارلارى

جەمىس - جيدەكتەردى الىس جەرلەرگە جاس كۇيىندە جەتكىزۋدىڭ جاڭا ءادىسى

يۋە يانيۇن

  ۇساق اق ورىك تە جاس كۇيىندە الىس جەرلەرگە جەتكىزىلەتىن بولدى. «شينجياڭ گازەتى»نىڭ 6 - ايدىڭ 9 - كۇنگى حابارىنا قاراعاندا، ۇساق اق ورىك ءۇزىپ الىنعان كۇنى تاسىلىپ، ەڭ تەز بولعاندا كەلەسى كۇنى شينجياڭنان سىرت جەرلەردەگى تۇتىنۋشىلاردىڭ قولىنا جەمىس اعاشىنىڭ باسىنان ءۇزىپ الىنباي تۇرعانداعىداي جاس كۇيىندە جەتكىزىلەتىن بولعان.

  ەجەلدەن بەرى، شينجياڭنىڭ جەمىس - جيدەكتەرىنىڭ اتى الىس - جاقىنعا ايگىلى بولعانىمەن، ءبىراق جاس كۇيىندە ساقتاۋ ۋاقىتى قىسقا، جەتكىزۋ ارالىعى الىس بولۋداي ىقپالعا ۇشىرايتىندىقتان، ىشكى ولكەلەردەگىلەردىڭ جەمىس - جيدەكتەردىڭ ءدامىن جاس كۇيىندە تاتۋى قيىن ەدى. ءبىز وسى رەت ۇساق اق ورىكتى شينجياڭنان جاس كۇيىندە شىعارۋدا مىناداي ەكى ءتۇرلى جاڭا ءادىس قولدانىلعانىن كوردىك: ءبىرى، جاس كۇيىندە ساقتاۋدىڭ جاڭا تەحنيكاسى قولدانىلدى، ەندى ءبىرى، جاس كۇيىندە بولشەك ساتۋدىڭ جاڭا ۇلگىسى قولدانىلدى. ەكى ءتۇرلى جاڭا ءادىس جاس ورىكتى بازارعا جاس كۇيىندە شىعارۋعا مۇمكىندىك جاساپ قالماستان، جاس ورىكتىڭ باعاسىنىڭ جوعارى بولۋىنا دا مۇمكىندىك جاسادى. ورىكتى جاس كۇيىندە ساقتاپ عانا قالماستان، جاقىنعى جىلداردان بەرى رايونىمىز جەمىس - جيدەكتەردىڭ كولەمى، ۋاقىتى جانە جەتكىزۋ ارالىعى سياقتى جاقتارداعى ءىس جۇزىندىك قيىنشىلىقتاردى شەشۋ بارىسىندا تىنباي جاڭا ءادىس قولدانىپ، ءار جىلى قۇمىل قاۋىنى، ءجۇزىم سياقتى ءبىر توپ ماۋسىمدىق جەمىس - جيدەكتەردى دە جاس كۇيىندە شينجياڭنان سىرت جەرلەرگە شىعاراتىن بولدى. بۇل رايونىمىزدىڭ جەمىس - جيدەك كاسىبىنىڭ سىرتقا بەت الۋىنداعى جوعارى ساپالى دامۋ جولى، بۇل كەدەيلىكتەن ارىلىپ، كىرىستى ارتتىرۋعا كۇش ۇستەۋمەن قاتار، شينجياڭنىڭ جەمىس - جيدەك كاسىبىنىڭ ساپاسىن جوعارىلاتىپ، ءونىمىن ارتتىرادى.

  بۇگىنگى كۇنى تۇرمىس دەڭگەيىنىڭ ۇزدىكسىز جوعارىلاۋىنا ىلەسە، ادامداردىڭ ءىشىپ - جەم قاجەتى قارىن تويعىزۋدان ءدامدى تاعام جەۋگە، جاس كۇيىندە جەۋگە قاراي ويىستى. شينجياڭنىڭ جەمىس - جيدەكتەرى ىشكى ولكەلەردەگى كوپتەگەن ادامداردىڭ داستارقانىنا جاس كۇيىندە شىعارىلاتىن بولدى، سوندىقتان، ءسوزسىز، ىرىقتىلىقپەن العا ۇمتىلىپ، ىرىقتىلىقپەن وزگەرىس جاساپ، جاڭا ءادىس - امال ارقىلى قامداۋدىڭ ساپاسىن جاقسارتىپ، تۇتىنۋشىلاردىڭ قاجەتىن قاناعاتتاندىرۋ كەرەك.

  (”لەپتى لەبىز“ ماقالا جىبەرۋ پوچتا ساندىعى: xjrbplb@126.com)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنىڭ كەڭ - بايتاق دالاسىندا جاڭا سالت ءورىس الدى
  • پارتيا تۋىن نەگىزگى ساتى شەبىندە بيىك جەلبىرەتتى
  • جوعارى ساپالى دامۋدا ”ساپتىق“ اناعۇرلىم جەتكىلىكتى بولدى
  • ۇلتتار ىنتىماعىنىڭ گۇلى بار الاپتا قۇلپىرا اشىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى