−1 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى جاپپاي ورىستەتىلدى
اۋەلگى ماقساتتان اينىماۋ، بورىش ارقالاۋ،پارىقتى تابۋ، تياناقتاندىرۋدى يگەرۋ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ىشكەرىلەي ورىستەتىلدى
شينحۋا اگەنتتىگىنىڭ تىلشىلەرى جۋ جيچاي، ۋاڭ چي، ۋاڭ پىڭ
بۇل اۋەلگى ماقساتتى قايتا پىسىقتاي وتىرىپ، رۋحاني جاقتا سىننان ءوتۋ، بۇل قايراتتانا جەلكەن كوتەرىپ، تاعى دا اتتانۋ سانالادى.
5 - ايدىڭ 31 - كۇنى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ءماجىلىسى اشىلدى، باس شۋجي شي جينپيڭ ماجىلىسكە قاتىناسىپ جانە ماڭىزدى ءسوز سويلەپ، نەگىزگى تاقىرىپتىق تاربيە ورىستەتۋدىڭ ماڭىزدى ءمانىن، نىسانا - تالاپتارىن جانە ءتۇيىندى شارالارىن تەرەڭ بايىمداپ، بۇكىل پارتيادا نەگىزگى تاقىرىپتىق تاربيە ورىستەتۋ جونىندە جالپىلىق اتتانىسقا كەلتىرىپ، جالپىلىق ورنالاستىرۋ جاسادى.
نەشە كۇننەن بەرى ورتالىقتان جەرگىلىكتى ورىندارعا دەيىن، پارتيا، ۇكىمەت ورگاندارىنان حالىقتىق توپتارعا، كاسىپورىندارعا دەيىن، جەر - جەردىڭ، تاراۋلاردىڭ، مەكەمە - ورىنداردىڭ پارتيا ۇيىمدارى ايرىقشا ءمان بەرىپ، كۇشتى جاۋاپكەرشىلىك سەزىممەن جانە كوكەي تەستىلىك سەزىممەن باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋگە دەرەۋ ۇيىمداستىرىپ، ورتالىقتىڭ تالابىن مۇقيات دايەكتىلەندىرىپ، تياناقتاندىرىپ، نەگىزگى تاقىرىپتىق تاربيەگە ناقتى ورنالاستىرۋ جاساپ، 1 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن جاپپاي ورىستەتتى.
الدىمەن ونەگە كورسەتىپ، بىردەن ىسكە كىرىستى
”جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋ − جۇڭگو كوممۋنيستەرىنىڭ اۋەلگى ماقساتى جانە بورىشى، ۇرپاقتان - ۇرپاققا جالعاسقان جۇڭگو كوممۋنيستەرىن ءبىرىنىڭ ءىزىن ءبىرى باسىپ، ەرلىكپەن كۇرەس جۇرگىزۋگە ىنتالاندىراتىن ءتۇبىرلى قوزعاۋشى كۇش“.
باس شۋجي شي جينپيڭنىڭ نەگىزگى تاقىرىپتىق تاربيە قىزمەتى ماجىلىسىندەگى ايبىندى سوزدەرى بارشا پارتيا مۇشەلەرىنىڭ جالىنداعان ىستىق ىنتاسىن تاعى ءبىر مارتە قاۋلاتتى.
جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا بۇكىل پارتياعا ”اۋەلگى ماقساتتى ۇمىتپاۋ، ۇزدىكسىز العا باسۋ“ ۇلى ۇندەۋىن جاريالاۋدان پارتيا 19 - قۇرىلتايىندا ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“دى قۇرىلتايدىڭ نەگىزگى تاقىرىبىنا جازۋعا دەيىن، پارتيا 19 - قۇرىلتايىنان كەيىن جۇڭگو كوممۋنيستىك پارتياسى 1 - قۇرىلتايىنىڭ ورنىن قۇرمەتپەن كورۋدەن، نانحۋداعى قىزىل قايىقتاعى ”اۋەلگى ماقسات ساپارى“نان پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ بويىنشا زەرتتەۋ - تالقى كلاسىنىڭ، ورتالىق پارتيا مەكتەبى (مەملەكەتتىك اكىمشىلىك شۋەيۋانى) ورتا، جاس كادرلار كۋرسىنىڭ ساباق باستاۋ سالتىندا سويلەگەن ماڭىزدى سوزىنە دەيىن، باس شۋجي شي جينپيڭ الدىمەن ونەگە كورسەتىپ، شىن ىقىلاسپەن تاپسىرما بەرىپ، بۇكىل پارتياداعىلاردىڭ اۋەلگى ماقساتتى قايتا پىسىقتاۋى، اۋەلگى ماقساتتى ۇعىنۋى، اۋەلگى ماقساتتى امالياتتا ايگىلەۋى ءۇشىن ەڭ جاقسى ۇلگى كورسەتتى.
باس شۋجي شي جينپيڭ نەگىزگى تاقىرىپتىق تاربيەنى ويداعىداي جوسپارلاۋ، ورىستەتۋ جونىندە كوپ رەت ماڭىزدى نۇسقاۋ بەرىپ، بەكىتۋ جازدى. 5 - ايدىڭ 13 - كۇنى ول جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشىپ، نەگىزگى تاقىرىپتىق تاربيە جونىندە ارنايى زەرتتەۋ، ورنالاستىرۋ جۇرگىزىپ، ايقىن تالاپ قويدى.
5 - ايدىڭ 20 - كۇنىنەن 22 - كۇنىنە دەيىن جياڭشيدا قىزمەت تەكسەرگەندە، باس شۋجي شي جينپيڭ قىزىل ارميانىڭ ۇزاق جورىققا اتتانعان جەرى يۇيدۋعا ارنايى كەلىپ، الاۋلى جىلداردى ەسكە الىپ، توڭكەرىستىك اعا بۋىندار مەن قۇربانداردى ەسكە ءتۇسىرىپ، توڭكەرىس تۋىن ۇزدىكسىز بيىك ۇستاۋدى، ۇلى ۇزاق جورىق رۋحىن اسقاقتاتۋدى، جۇڭحۋا ۇلتىنىڭ ۇلى گۇلدەنۋى نىساناسىنا قاراي قايراتتانا ۇمتىلۋدى باسا دارىپتەدى، سونداي - اق ورتا بولىك وڭىرلەردىڭ كوركەيۋىن ىلگەرىلەتۋ قىزمەتى اڭگىمە ءماجىلىسىن باسقارىپ اشقاندا نەگىزگى تاقىرىپتىق تاربيەنى ويداعىداي ورىستەتۋ جونىندە تاعى ءبىر مارتە تالاپ قويدى.
قانشاما جول باسساق تا، اۋەلگى ماقسات ۇمىتىلمايدى. بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، سونداي - اق پارتيامىزدىڭ بۇكىل ەلدە بيلىك جۇرگىزە باستاعاندىعىنىڭ 70 - جىلى، وسى ساتتە وسى رەتكى نەگىزگى تاقىرىپتىق تاربيەنى ورىستەتۋ ءدال كەزىندە بولىپ وتىر.
باس شۋجي شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە قىزمەتى ماجىلىسىندە سويلەگەن ماڭىزدى ءسوزى اتتانىس بۇيرىعىنداي اسەر ەتىپ، نەگىزگى تاقىرىپتىق تاربيەنىڭ شىمىلدىعىن اشىپ، بۇكىل پارتياداعىلار جوعارىدان تومەنگە دەيىن دەرەۋ قيمىلعا كوشتى.
1 - توپتا نەگىزگى تاقىرىپتىق تاربيە ورىستەتكەن ورىنداردىڭ پارتيا ۇيىمدارى دەرەۋ پارتكومنىڭ، پارتيا باسشىلىق گرۋپپاسىنىڭ (كەڭەيتىلگەن) ءماجىلىسى، پارتكوم تۇراقتى كوميتەت ءماجىلىسى، نازاريا ۇيرەنۋ وزەكتى گرۋپپاسىنىڭ ۇيرەنۋ ءماجىلىسى سياقتىلاردى اشىپ، باس شۋجي شي جينپيڭنىڭ ماڭىزدى ءسوزىنىڭ جانە قىزمەت ءماجىلىسىنىڭ رۋحىن جەتكىزدى، ۇيرەندى.
كوپشىلىك ءبىر اۋىزدان بىلاي دەپ قارادى: ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس ويلاستىرا وتىرىپ جاساعان ماڭىزدى ورنالاستىرۋى، ول پارتيامىزدىڭ اۋەلگى ماقساتتى ۇمىتپاي، قايراتقا قايتا ءمىنىپ، تاعى اتتاناتىن ايقىن پوزيتسياسىن ايگىلەدى، جاڭا داۋىردەگى جاڭا بورىشتى تەرەڭ يگەرۋدى ايگىلەدى، پارتيا ورتالىق كوميتەتىنىڭ جاڭا داۋىردەگى پارتيا قۇرىلىسىن كۇشەيتەتىن، پارتيانى جاپپاي قاتاڭ جونگە سالاتىن باتىل بەكىمى مەن ستراتەگيالىق ويلامىن ايگىلەدى.
كوپشىلىك ءبىر اۋىزدان مىنالاردى ءبىلدىردى: وسكەلەڭ ساياسي سانالىلىقپەن، قاتاڭ ساياسي پوزيتسيامەن، كوكىرەك كەرنەگەن ساياسي ىنتامەن نەگىزگى تاقىرىپتىق تاربيەگە ات سالىسىپ، ”ءتورت تانىم“دى ونان ارى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، نەگىزگى تاقىرىپتىق تاربيە ورىستەتۋدى كەلەلى ساياسي مىندەت رەتىندە مىقتى، ويداعىداي يگەرەمىز.
بۇل − وزىمنەن باستاپ ىستەيمىن دەيتىن ىرىقتىلىقپەن جاۋاپكەرشىلىك ارقالاۋ −
مەملەكەتتىك حالىق قۇرىلتايىنىڭ تۇراقتى كوميتەت ورگانى، مەملەكەتتىك كەڭەس ورگانى، مەملەكەتتىك ساياسي كەڭەس ورگانى سياقتىلار دەرەۋ جەتكىزىپ، ۇيرەنىپ جانە دايەكتىلەندىرىپ، تياناقتاندىرىپ، ناقتى ورنالاستىرۋ جاسادى؛
ورتالىق ءتارتىپ تەكسەرۋ كوميتەتىنىڭ، مەملەكەتتىكباقىلاۋ - تەكسەرۋ كوميتەتىنىڭ ورگانى، ورتالىق كوميتەت كەڭسەسى، ورتالىق كوميتەت ۇيىمداستىرۋ ءبولىمى، ورتالىق كوميتەت ۇگىت ءبولىمى، ورتالىق كوميتەت ساياسات زەرتتەۋ كەڭسەسى، ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسى قاتارلىلار دەرەۋ اتتانىسقا كەلتىرۋ، ورنالاستىرۋ ءماجىلىسىن اشىپ، نەگىزگى تاقىرىپتىق تاربيە جونىندە ەگجەي - تەگجەيلى ورنالاستىرۋ جاسادى؛ ورتالىق ساياسي - زاڭ كوميتەتى، ورتالىقتىڭ قازىنا - ەكونوميكاعا باسشىلىق ەتۋ گرۋپپاسى كەڭسەسى، ورتالىقتىڭ سىرتقى ىستەر قىزمەتىنە باسشىلىق ەتۋ گرۋپپاسى كەڭسەسى قاتارلىلار وزدەرى ارقالاعان ساياسي مىندەتتەرىمەن تىعىز بايلانىستىرا وتىرىپ، نەگىزگى تاقىرىپتىق تاربيەنى اتقارۋ جوباسىن جاسادى.
جەر - جەردىڭ، تاراۋلاردىڭ، مەكەمە - ورىنداردىڭ پارتيا ۇيىمدارىنىڭ نەگىزگى جاۋاپتىلارى ”1 - جاۋاپتى ادامنىڭ“ قىزمەت مىندەتىن شىنايى ارقالاپ، ءوز باستارىنان ونەگە كورسەتىپ، الدىدا تۇرىپ قولباسشىلىق ەتىپ، ءماجىلىس باسقارىپ اشىپ، جوبانى وزدەرى قاراپ بەكىتىپ، نەگىزگى تاقىرىپتىق تاربيەگە ۇيىمدىق باسشىلىقتى جانە ونى سايكەستىرۋدى، وعان جەتەكشىلىك ەتۋدى شىنايى كۇشەيتتى.
بۇل − بىردەن ىسكە كىرىسىپ تياناقتاندىرۋ ونىمدىلىگى −
ورتالىقتىڭ نەگىزگى تاقىرىپتىق تاربيە قىزمەتى ءماجىلىسى اشىلاردىڭ الدىندا، شاڭحاي، حاينان سياقتى كوپتەگەن جەرلەر مەن ورىندار ەرتە باستان دايىندالىپ، ەرتە باستان قيمىلداپ، نەگىزگى تاقىرىپتىق تاربيەنى اتقارۋ جوباسىن الدىن الا جاسادى.
قىزمەت ءماجىلىسى اياقتالعاننان كەيىن، جەر - جەر، تاراۋلار، ورىندار شاپشاڭ قيمىلداپ، دەرەۋ باسشىلىق گرۋپپاسى مەن كەڭسەسىن قۇردى، قىزمەت جوباسىن جاسادى، ورنالاستىرۋ ءماجىلىسىن اشتى. قازىر 31 ولكە، رايون، قالا، سونداي - اق شينجياڭ ءوندىرىس - قۇرىلىس بيڭتۋانى، ورتالىق پەن مەملەكەت ورگاندارى، حالىقتىق ۇيىمدار سياقتى 116 ورىن، 68 ورتالىق باسقارۋىنداعى فينانس كاسىپورنى مەن ورتالىق باسقارۋىنداعى كاسىپورىن نەگىزگى تاقىرىپتىق تاربيەنى باستاپ كەتتى.
ورتالىقتىڭ ءبىر تۇتاس ورنالاستىرۋىنا ساي، ورتالىقتىڭ 34 جەتەكشىلىك ەتۋ گرۋپپاسى نەگىزگى تاقىرىپتىق تاربيەنى ورىستەتكەن ورىندارعا اتتانىپ، تاماشا رۋحاني بەينەمەن قىزمەتكە جەدەل كىرىستى.
6 - ايدىڭ 5 - كۇنى ورتالىقتىڭ جەتەكشىلىك ەتۋ گرۋپپالارىنىڭ تاربيەلەۋ ءماجىلىسى بەيجيڭدە اشىلىپ، يدەيالىق جاقتان جۇمىلدىرۋ جانە كاسىپتىك تاربيەلەۋ جۇرگىزىلدى. جەتەكشىلىك ەتۋ گرۋپپالارى الدا ءجۇرىپ ۇيرەنىپ، ەگجەي - تەگجەيلى ۇيرەنىپ، تەرەڭ ۇيرەنىپ، ورتالىقتىڭ رۋحىن دەر كەزىندە جەتكىزىپ، بايلانىس جاساۋشى ورىنداردىڭ جاعدايىن ىشكەرىلەي ۇعىسىپ، نەگىزگى تاقىرىپتىق تاربيەنى اتقارۋ جوباسىن مۇقيات تەكسەرىپ، وي جەلىسىن جاڭالاۋعا، تۇيىندەردى كورنەكتىلەندىرۋگە كۇش سالىپ، الدا جەتەكشىلىك ەتۋگە، ناقتاپ قۋزاۋعا، ناقتى ونىمدىلىككە ۇمتىلۋعا شىنايى كەپىلدىك ەتتى.
وزەكتى ارقاۋ ەتىپ، جالپى جاعدايعا قىزمەت وتەدى
اۋەلگى ماقساتتى ۇمىتپاعاندا عانا، ىسكەرلىكتى شىڭاۋعا بولادى؛ بورىشتى امالياتتا ايگىلەۋ ءۇشىن، تاعى دا شۇعىلالى ناتيجە جاراتۋعا قۇلشىنۋ كەرەك.
زور ناتيجە شىعارۋمەن ۇشتاستىرىپ، نەگىزگى تاقىرىپتىق تاربيەنى ورىستەتۋدى پارتيا ورتالىق كوميتەتى ورنالاستىرىپ اتقارىپ وتىرعان ىسپەن ۇشتاستىرۋعا، ءوز تاراۋىنىڭ، ءوز ءوڭىرىنىڭ، ءوز ورنىنىڭ وزەكتى قىزمەتىمەن ۇشتاستىرۋعا تاباندى بولدى −
بەيجيڭ ەڭ تاڭداۋلى ولشەمنەن جازباي، بۇكىل قالاداعى قالىڭ پارتيالى كادرلاردىڭ استانانىڭ جاڭا دامۋىن اناعۇرلىم قايراتتانا ىلگەرىلەتۋدى تالاپ ەتتى؛ گۋاڭدۇڭ شىنايى يگەرىپ، ناقتاپ ىستەۋدى دارىپتەپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى ءتۇيىندى قىزمەتتەردى كۇش سالا ىلگەرىلەتتى؛ ەڭ جوعارى حالىق سوتى مەكەمەسى نەگىزگى تاقىرىپتىق تاربيەنى ورىستەتۋدى سوتتى اتقارۋ مىندەتىن ورىنداۋمەن ۇشتاستىرۋدى ايقىن تالاپ ەتتى؛ ورتالىق پارتيا مەكتەبى (مەملەكەتتىك اكىمشىلىك شۋەيۋانى) نەگىزگى تاقىرىپتىق تاربيەنىڭ جالپى تالابىنا ساي سايكەستى وقىتۋ ساباقتارىن العا قويىپ، مەكتەپتە ۇيرەنىپ جاتقان باسشى كادرلاردىڭ نەگىزگى تاقىرىپتىق تاربيەسى جونىندە ءبىر تۇتاس ورنالاستىرۋ جاسادى؛ جۇڭگو حالىق بانكەسى نەگىزگى تاقىرىپتىق تاربيەنى ورىستەتۋدى كەزەكتەگى فينانس رەفورماسىنىڭ دامۋ، ورنىقتىلىق ءتۇرلى قىزمەتتەرىن جاقسى ىستەۋمەن ۇشتاستىردى.
مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كوميتەتتىڭ باسقارۋىنداعى مەملەكەت مەنشىگىندەگى كاسىپورىنداردىڭ پارتكومدارىنىڭ ساياسي دەڭگەيدى ونان ارى ءوسىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ورتالىق كاسىپورىنداردا جاپپاي ۇيرەنۋدى، جاپپاي جالپىلاستىرۋدى، جاپپاي تياناقتاندىرۋدى ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ ورتالىق كاسىپورىنداردا تياناقتانىپ تامىر تارتۋىنا شىنايى كەپىلدىك ەتۋىن تالاپ ەتتى؛ جۇڭگو قۇرىلىس بانكەسى، جۇڭگو يجۇڭ، جۇڭگو استىق توبى، جۇڭلۇي توبى قاتارلىلار باس شۋجي شي جينپيڭنىڭ وسى كاسىپورىندار، وسى سالالار جونىندەگى ماڭىزدى بەكىتۋىنىڭ، نۇسقاۋىنىڭ رۋحىن ىشكەرىلەي ۇيرەنۋدى، دايەكتىلەندىرۋدى تىعىز ارقاۋ ەتىپ، نەگىزگى تاقىرىپتىق تاربيەنى ورىستەتۋدى وراي ەتىپ، بۇكىل پارتيالى كادرلاردى قايراتتانا ىلگەرىلەپ، بەلسەندىلىكپەن ءىس تىندىرۋعا جەتەكتەدى؛ جۇڭگو حۋاديان، جۇڭگو شاڭفي، ساۋداگەر شاقىرۋ مەكەمەسى، اۋىل شارۋاشىلىعىن وركەندەتۋ بانكەسى قاتارلىلار سانالى تۇردە نەگىزگى تاقىرىپتىق تاربيەنى ورىستەتۋ بارىسىن جاڭا دامۋ ۇستانىمىن ىشكەرىلەي ۇيرەنۋدىڭ، دايەكتىلەندىرۋدىڭ بارىسى ەتىپ، كاسىپورىن رەفورماسىن، دامۋىن ىلگەرىلەتۋمەن تىعىز ۇشتاستىردى.
حالىقتى ەستەن شىعارماي، جالپى ماقساتتى امالياتتا ايگىلەپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز قاناعاتتاندىردى −
گانسۋ نەگىزگى تاقىرىپتىق تاربيەنىڭ ونىمدىلىگىن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ايگىلەۋدى باسا دارىپتەدى؛ وقۋ - اعارتۋ مينيسترلىگى ”وقۋ - اعارتۋ ارقىلى وتان ءۇمىتىن اقتاپ، اۋەلگى ماقساتتان اينىماۋ“عا تاباندى بولىپ، حالىق ءۇشىن قىزمەت ەتۋ جالپى ماقساتىن ەستە بەرىك ساقتاۋدى العا قويدى؛ مەملەكەتتىك دەنساۋلىق ساقتاۋ، سالاماتتىق كوميتەتى حالىققا قىزمەت ەتىپ، قيىن ماسەلەلەردى شەشۋدە ناقتى شارالاردى شىعارىپ، حالىق بۇقاراسىنىڭ اۋرۋ كورسەتۋدەگى، ەمدەلۋدەگى، اۋرۋدان ساقتانۋداعى، اۋرۋدى ەمدەۋدەگى الاڭداعان، مەزى بولعان، ۋايىمداعان ىستەردى كۇش سالا شەشۋدى باسا دارىپتەدى؛ حالىق ىستەرى مينيسترلىگى حالىق ىستەرىنىڭ جاڭالىق اشا دامۋىن ىلگەرىلەتىپ، حالىق ىستەرىنىڭ قالىڭ قىزمەت وتەۋ وبيەكتىلەرىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەكتىگىن ءبىلدىردى؛ مەملەكەتتىك بازار باقىلاۋ - باسقارۋ باس مەكەمەسى تۇتىنۋشىلاردى بارىنەن جوعارى ورىنعا قويۋ ۇستانىمىن كۇش سالا ورناتىپ، تۇتىنۋشىلاردىڭ ۇقىق - مۇددەسىن قورعاۋدا تىڭ ىسكەرلىك تانىتۋ كەرەكتىگىن العا قويدى.
باتىل جاۋاپكەرشىلىك ارقالاپ، ىسكەرلىك تانىتىپ، پارتيا مەن مەملەكەت قىزمەتىنىڭ جالپى جاعدايىنا سانالى تۇردە قىزمەت ەتتى −
سىرتقى ىستەر مينيسترلىگى اناعۇرلىم جالىندى رۋحاني بەينەمەن جاڭا داۋىردەگى جۇڭگوشا ءىرى ەلدىك ديپلوماتيانى ىلگەرىلەتۋدىڭ كەلەلى بورىشىن شىن مانىندە ارقالاۋ كەرەكتىگىن ءبىلدىردى؛ قوعام حاۋىپسىزدىگى مينيسترلىگى نەگىزگى تاقىرىپتىق تاربيەنى ورىستەتۋدى ”جاڭا بورىشتى امالياتتا ايگىلەۋ، مەرەي توي كەزىندەگى ورنىقتىلىقتى ادالدىقپەن ساقتاۋ“ امالياتتىق قيمىلىن ىشكەرىلەي ىلگەرىلەتۋمەن ۇشتاستىردى؛ ساۋدا ىستەرى مينيسترلىگى ”سىرتقى ساۋدانى ورنىقتىرۋ، شەتەل قارجىسىن ورنىقتىرۋ، تۇتىنۋدى جەبەۋ جونىندەگى جاپپاي تەكسەرۋ - زەرتتەۋ“، ”جاڭا داۋىردەگى ساۋدا سالاسىنداعى حاۋىپ - قاتەرگە توتەپ بەرۋ شارالارىن زەرتتەۋ“ سياقتى 10 ءتۇيىندى تەكسەرۋ - زەرتتەۋ تاقىرىبىن بەلگىلەدى؛ جۇڭگو ساۋدانى جەبەۋ قوعامى، جۇڭگو حۋاچياۋ بىرلەستىگى سياقتى بۇقارالىق ۇيىمدار نەگىزگى تاقىرىپتىق تاربيەنى ورىستەتۋدى مەملەكەتتىڭ رەفورما جاساۋ، ەسىك اشۋ جالپى جاعدايىمەن ۇشتاستىرىپ، ەل ءىشى - سىرتىنداعى جۇڭحۋا ۇلاندارىنىڭ ءبىر نيەت، ءبىر تىلەكپەن جۇڭگو ارمانىن ورىنداۋ كۇشىن ۇيىستىرۋ كەرەكتىگىن ءبىلدىردى.
ءىس جۇزىندىك جاعدايعا تابان تىرەپ، تۋراشىلدىقتان اينىماي، جاڭالىق اشتى
6 - ايدىڭ 3 - كۇنى تۇستەن بۇرىن حىبەي پيڭشان اۋدانىنداعى شيبايپودا اتتانىسقا كەلتىرۋ، ورنالاستىرۋ ءماجىلىسىن اشىپ، ”5 ۇلكەن شۋجيدىڭ ءمۇسىنى“نە گۇل شارباق قويىپ، جۇڭگو كوممۋنيستىك پارتياسى 7 - كەزەكتى ورتالىق كوميتەتى ەكىنشى جالپى ءماجىلىسى اشىلعان كونە جۇرتىندا پارتياعا كىرۋ سەرتىن قايتا ەسكە ءتۇسىرىپ، وسى ءتاسىل ارقىلى بۇكىل ولكەنىڭ نەگىزگى تاقىرىپتىق تاربيەسىن باستادى.
جەر - جەر، تاراۋلار، مەكەمە - ورىندار ءىس جۇزىندىك جاعدايعا تابان تىرەپ، نەگىزگى تاقىرىپتىق تاربيەنى جاسامپازدىقپەن ورىستەتىپ، ەڭ جاقسى ونىمگە قول جەتكىزۋگە قۇلشىندى.
− نازاريا ۇيرەنۋ ءادىس - تاسىلىنە جاڭالىق ەنگىزىپ، شىنايى ۇيرەنىپ، جەتە ءتۇسىنۋدى، شىنايى ۇيرەنىپ، شىنايى سەنۋدى ورىندادى.
شينجياڭ بۇكىل رايونداعى ءار ۇلت پارتيالى كادرلاردىڭ ءبىر رەتكى نازاريالىق زور ۇيرەنۋ وتكىزۋىن ىلگەرىلەتۋدى العا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدىڭ، دايەكتىلەندىرۋدىڭ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ۇيرەنۋدىڭ، دايەكتىلەندىرۋدىڭ ىشكەرىلەي ورىستەتىلۋىن، كوكەيگە ۇيالاۋىن، ناقتىلانۋىن ىلگەرىلەتتى؛
ورتالىق پەن مەملەكەت ورگانى قىزمەت كوميتەتى قىزمەت كوميتەتىنىڭ نازاريا ۇيرەنۋ وزەكتى گرۋپپاسىن، نازاريا ۇيرەنۋ ۇلكەن ساباقحاناسىن ، ءارقايسى تاراۋلاردىڭ (مەكەمە - ورىن) پارتيا باسشىلىق گرۋپپاسىن، جاستار نازاريا ۇيرەنۋ گرۋپپاسىن، پارتيا مۇشەلەرىنىڭ ”5 ۇيرەنۋدى بىرلەستىرۋ“ مەحانيزمىن قۇرۋدى العا قويدى؛
ورتالىق كوميتەتتىڭ بىرلىكساپ ءبولىمى باسشى كادرلار پارتيا ساباعىن ءوتۋ، زەيىن سىناۋ جارىسى، جاس كادرلاردىڭ تاجىريبە اۋىستىرۋ ءماجىلىسى، نازاريالىق ماقالا قابىلداۋ سياقتى قيمىلداردى ورىستەتۋدى العا قويدى؛
توتەنشە جاعدايلاردى مەڭگەرۋ مينيسترلىگى باس شۋجي شي جينپيڭنىڭ ءوندىرىس حاۋىپسىزدىگى، اپاتتان ساقتانۋ، اپات شىعىنىن ازايتۋ، اپاتتان قۇتقارۋ، شۇعىل جاعدايدا قۇتقارۋ - كومەكتەسۋ سياقتى جاقتارداعى ماڭىزدى بايىمداۋلارىن ۇيرەنۋ ءتۇيىنى ەتىپ، 7 - ايدى ”تاقىرىپتىق پارتيا ساباعى ايى“ ەتىپ تۇراقتاندىردى.
− قىزىل گەنگە مۇراگەرلىك ەتىپ، توڭكەرىستىك داستۇردەن ۇدەرە العا باسۋدىڭ رۋحاني ءنارىن قابىلدادى.
چۇڭچيڭ پارتيالى كادرلاردى قىزىل جارتاس توڭكەرىستىك تاريحي مۇراجايى، جوۋگۇڭ سارايى، جازى ۇڭگىرى، بايگۇڭ سارايى سياقتى جەرلەردى ەكسكۋرسيالاۋعا ۇيىمداستىرىپ، ”تۇرمەدەگى 8 تارماق“تى قايتا پىسىقتاپ، ”قىزىل جارتاس رۋحى“ن اسقاقتاتتى؛ جياڭشي پارتيالى كادرلاردى رۇيجينگە، يۇيدۋعا بارىپ، قىزىل ارميانىڭ ۇزاق جورىق حيكايالارىنان توڭكەرىستىك مۇرات - سەنىمدى سەزىنۋگە ۇيىمداستىردى؛ جىجياڭ نەگىزگى تاقىرىپتىق تاربيەنى ”قىزىل قايىق ەرەكشەلىگى“نە، ”جىجياڭ ەرەكشەلىگى“نە يە ەتۋدى ايقىن العا قويدى.
مادەنيەت جانە ساياحات مينيسترلىگى مينيسترلىك جۇيەدەگى قىزىل مادەني ەسكەرتكىشتەر، قىزىل كلاسسيك كىتاپتار، قىزىل كلاسسيك تەاترلار، قىزىل ساياحات سياقتى ەرەكشە بايلىقتار مەن باسىم شارت - جاعدايلاردان تولىق پايدالانا وتىرىپ، نەگىزگى تاقىرىپتىق تاربيەنى ورىستەتتى؛ جۇڭگو يادرو ونەركاسىپ توبى قالىڭ پارتيالى كادرلاردى ”يادرو بومبىسى، باسقارىلمالى بومبى، جاساندى سەرىك“ رۋحىن، ”ءتورت بارىنەن“ سىندى يادرو ونەركاسىپ رۋحىن بارىنشا اسقاقتاتتى؛ جۇڭگو اسكەري قارۋ - جاراق ونەركاسىپ توبى قالىڭ پارتيالى كادرلاردى ”ءبارىن پارتياعا ارناۋ“ سىندى حالىق اسكەري قارۋ - جاراق ونەركاسىبى رۋحىن ەستە بەرىك ساقتاۋعا ۇندەدى.
− العاباسار تيپتەردىڭ ۇلگىلىك، جەتەكشىلىك رولىن ساۋلەلەندىرىپ، ۇيرەنۋدە ۇلگى بولۋدى، ارەكەتتە باعدار بولۋدى ورىندادى.
حۋبەي ”قاھارمان جاڭ فۋچيڭنان ۇيرەنۋ، اۋەلگى ماقساتتان اينىماۋ، بورىش ارقالاۋ“ قيمىلىن ورىستەتىپ، اۋەلگى ماقساتقا سالىستىرىپ، پارىقتاردى تاۋىپ، قايىرىلا قاراپ، تولعانىپ، پارتيالىلىقتى كۇشەيتتى؛ فۋجيان لياۋ جۇنبو جولداستان ۇيرەنۋ سياقتى قيمىلداردى ىشكەرىلەتىپ، شىن پەيىلىمەن كىرىسىپ ناقتى ىستەر تىندىرىپ، بىلەك سىبانا قايراتتانا ىستەدى؛ جياڭسۋ قالىڭ پارتيالى كادرلاردى ۋاڭ جيسايدان ۇيرەنۋگە ۇيىمداستىرىپ، ”اۋەلگى ماقسات دەگەنىمىز نە، بورىشتى وتەۋدە نە ىستەۋ كەرەك، كۇرەستە نەنى سالىستىرۋ كەرەك“ توڭىرەگىندە تاقىرىپتىق تالقى ورىستەتتى؛ حىنان ”رۋحتىڭ مۇراگەرى − حىنان وزات ۇلگىلەردىڭ ىزگى ىستەرىنەن ارالاپ لەكسيا جاساۋ ۇيىرمەسى“ن قۇرىپ، بۇكىل ولكەدە ارالاپ لەكسيا جاسادى.
- ماسەلەنى باعدار ەتىپ، ناقتى ونىمدىلىككە تالپىندى
نەگىزگى تاقىرىپتىق تاربيەنى ورىستەتۋدەگى ماقسات ماسەلەنى شەشۋ، نەگىزگى تاقىرىپتىق تاربيەنىڭ ونىمدىلىگىن ولشەۋدىڭ تەتىگى ماسەلەنىڭ قالاي شەشىلۋىندە.
پىشاق ءجۇزىن ىشكە قاراتىپ ماسەلە تاۋىپ، رەتتەۋ - تۇزەتۋدى نىسانالى يگەرىپ، ”وزگەرتۋ“دى باستان - اياق توعىستىرۋعا تاباندى بولىپ، شوعىرلى رەتتەۋ - وڭاۋ ورىستەتتى −
تيانجين كەمەتۇراق مادەنيەتى، شەڭبەر مادەنيەتى، جاعىمپازدىق سياقتىلاردى رەتتەۋ - وڭاۋدى ارناۋلى رەتتەۋ - وڭاۋ مىندەتىنە كىرگىزدى؛شاندۇڭ باستاي سالا وزگەرتۋگە تاباندى بولىپ، ولكە دارەجە ساتىسىندا 9 رەتتەۋ - وڭاۋ مىندەتىن تۇراقتاندىردى؛
شانشي چينليڭنىڭ سولتۇستىك باۋرايىنداعى شي - ان شەكاراسى ىشىندەگى ساياجاي ماسەلەسىن ارناۋلى رەتتەۋ - وڭاۋ ءونىمىن بەكەمدەپ، كەڭەيتىپ، نەگىزگى تاقىرىپتىق تاربيەنى تەرەڭدەتۋگە جاقسى نەگىز قالادى؛
چيڭحاي پارتيا مۇشەلەرىنىڭ دىنگە سەنۋ جانە ءدىني قيمىلدارعا قاتىناسۋ، بەلگىلەمەگە، تارتىپكە قايشى تۇردە پارتياعا مۇشە قابىلداۋ سياقتى ماسەلەلەردى ارناۋلى رەتتەۋ - وڭاۋعا ەنگىزدى.
قاتاڭ، ناقتى ارەكەت قولدانىپ، فورماشىلدىق، تورەشىلدىك ماسەلەلەرىن باتىل تالقاندادى −
ەڭ جوعارى حالىق پروكۋراتۋراسى فورماشىلدىقتان، تورەشىلدىكتەن اۋلاق بولۋدى نەگىزگى ساتىنىڭ اۋىرتپالىعىن جەڭىلدەتۋ قىزمەتى ەتۋدى ماڭىزدى مازمۇن ەتىپ، قاتىستى دايىندىق جۇمىستاردى كۇنى بۇرىن ويداعىداي ىستەدى؛
سانشي بۇكىل ولكە كولەمىندە فورماشىلدىقتى، تورەشىلدىكتى رەتتەۋ، تۇزەتۋ ارناۋلى ارەكەتىن ورىستەتپەك؛
مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى كەدەيلىكتەن ارىلتۋدان قامال الۋداعى فورماشىلدىق، تورەشىلدىك كورنەكتى ماسەلەلەرىن ىشكەرىلەي تەكسەردى.
ناقتى، مىعىم شارا قولدانىپ، حالىق ءۇشىن جاۋاپكەرشىلىكتى ادا ەتۋدىڭ، حالىقتى يگىلىككە كەنەلتۋدىڭ ءىس جۇزىندىك جەتىستىكتەرىنە تاباندى بولىپ، جۇرت قالاۋىنان بولدى −
مەملەكەتتىك دامۋ - رەفورما كوميتەتى نازاردى بۇقارا ەڭ كوڭىل بولەتىن، ەڭ رەال مۇددە ماسەلەلەرىنە شوعىرلاندىرىپ، توركىنىنە انىق تالداۋ جاساپ، اقىنى تومەندەتۋ، كەدەيلەردى سۇيەمەلدەۋ، جۇمىستاندىرۋ، باعا سياقتى جاقتارداعى ماسەلەلەردى ويداعىداي ءبىر جايلى ەتۋدى باسا دارىپتەدى؛
ەكولوگيالىق قورشاعان ورتا مينيسترلىگى باقىلاۋدى ءۇرتىس كۇشەيتىپ، جەرگىلىكتى ۇكىمەتتىڭ ەكولوگيالىق قورشاعان ورتانى قورعاۋ قىزمەتىن ىلگەرىلەتۋىنە قۋزاۋشىلىق ەتىپ، كومەكتەسىپ، كاسىپورىنداردىڭ لاستانۋدى جونگە سالۋ سۇرانىسىنا قولداۋ كورسەتۋمەن ۇشتاستىرىپ، بۇقارانىڭ اڭىسى كۇشتى بولعان ەكولوگيالىق قورشاعان ورتا ماسەلەلەرىن شىنايى ءبىر جايلى ەتۋدى العا قويدى؛
اۋىل شارۋاشىلىعى، اۋىل - قىستاق مينيسترلىگى نەگىزگى تاقىرىپتىق تاربيەنى ”اۋىل شارۋاشىلىعى، اۋىل - قىستاق، شارۋالار“ قىزمەتىمەن ۇشتاستىرىپ، اۋىل - قىستاقتاعىلاردىڭ قونىستانۋ ورتاسىن جونگە سالۋ سياقتى ءتۇيىندى قىزمەتتەردى بەلسەنە ىلگەرىلەتۋدى تالاپ ەتتى؛
جياڭشي وسى قىزىل توپىراقتا قىزمەت ىستەيتىن ءاربىر پارتيالى كادردى كۇشتى جاۋاپكەرشىلىك سەزىممەن، بورىشتىلىق سەزىممەن بايىرعى رايونداعى حالىقتىڭ اناعۇرلىم باقىتتى، تاماشا تۇرمىس وتكىزۋىنە مۇمكىندىك جاساپ، الدەقايدا جاقسى ناتيجەمەن توڭكەرىستىك قاھارماندارعا جاۋاپ بەردى.
...
بۇقارامەن جۇرەكتەس بولۋ − پارتيانىڭ اۋەلگى ماقساتى، سونداي - اق پارتيانىڭ بۇلجىماس بەكىمى. نەگىزگى تاقىرىپتىق تاربيەنىڭ ىشكەرىلەي ورىستەتىلۋىنە ساي، قالىڭ پارتيالى كادرلار، ءسوزسىز، يدەيانىڭ قايتا سىننان ءوتۋى، اۋەلگى ماقساتتىڭ قايتا ويانۋى، بورىشتىڭ قايتا كۇشەيۋى، ادالدىقتىڭ قايتا شىڭدالۋى بارىسىندا جاڭا داۋىرگە ەكپىندەي ۇمتىلاتىن قۇدىرەتتى كۇشتى تۋىنداتادى.
(شينحۋا اگەنتتىگىنىڭ 6 - ايدىڭ 12 - كۇنى بەيجيڭنەن بەرگەن حابارى)
