تيانشان تورى   ›   جاڭالىقتار   ›   شينجياڭ حابارلارى

قاشقار جۇڭگو مەن قىرعىزستان ەكونوميكا - ساۋداسىندا ”ءوزارا تولىقتاپ، قاتار ءومىر ءسۇرۋ“ دەگى ماڭىزدى بازاعا اينالدى

  شينحۋا اگەنتتىگىنىڭ 6 - ايدىڭ 14 - كۇنى ۇرىمجىدەن بەرگەن حابارى (تىلشىلەر ليۋ بيڭ، باي جيالي). ”قازىر ويلاساق، ءبىزدىڭ شينجياڭنىڭ قاشقارىنا ىرگە تەبۋدى تاڭداپ، ورتا ازياداعى قىرعىزستان، تاجىكستان قاتارلى ەلدەردىڭ بازارىنا ەلەكتر جابدىقتارىن ءوندىرىپ ساتۋىمىز كورەگەندىك ەكەن“. ءوندىرىس سەحىندا جۇمىسشىلار ءبىر - بىردەن قۇراستىرىپ، تەكسەرىپ، قوراپتاپ، تاسىمال ماشيناسىنا جەتكىزىپ جاتقان تاتتانبايتىن توك شاۋگىمدەرگە قاراپ تۇرعان قاشقار وۋمەيشىڭ ەنەرگيا تەحنيكا شەكتى سەرىكتەستىگىنىڭ جاۋاپتىسى لاي نايشياڭ وسىلاي دەدى.

  2017 - جىلى 5 - ايدا تەكسەرۋ ارقىلى ورتا ازياداعى ەلدەردىڭ ەلەكتر جابدىقتاردى جاساۋ كاسىبىنىڭ ءبىرشاما ولقى، بازار كومەسكى كۇشىنىڭ زور، شينجياڭ قاشقارىنىڭ سىرتقى ساۋدا ەكسپورتىندا وڭىرلىك باسىمدىققا يە ەكەندىگىن بايقاعان لاي نايشياڭ كاسىپورىندى شىنجىننان قاشقار ەكونوميكالىق اشۋ رايونىنا كوشىرىپ اكەلۋ بەكىمىنە كەلەدى. 2018 - جىلى كاسىپورىننىڭ قىرعىزستان مەن تاجىكستانعا ەكسپورت ەتكەن توك شاۋگىمىنىڭ ساتىلۋ سوماسىنىڭ 16 ميلليون يۋاننان اسقاندىعى ونى قاتتى قۋانتادى.

  لاي نايشياڭ سياقتى جۋىق جىلداردان بەرى ەلىمىزدىڭ جىبەك جولى ەكونوميكالىق بەلدەۋى بويىنداعى ەلدەرمەن ەكونوميكا - ساۋدا بارىس - كەلىسىنىڭ كۇن سايىن جيىلەۋىنە بايلانىستى، ەلىمىزدە بارعان سايىن مولايىپ كەلە جاتقان كاسىپورىنشىلار شينجياڭداي شۇرايلى مەكەنگە نازار اۋدارا باستادى. وڭتۇستىك شينجياڭعا ورنالاسقان، ورتا ازياعا، وڭتۇستىك ازياعا تۇتاساتىن جىبەك جولىنداعى ماڭىزدى قالا قاشقار دا كۇننەن - كۇنگە قارجى قوسۋشىلاردىڭ ىنتاسىن اۋداردى. وتە - موتە، 2018 - جىلى جۇڭگو − قىرعىزستان − وزبەكستاندى تۇتاستىرعان جۇڭگو − قىرعىزستان − وزبەكستان حالىقارالىق تاس جولى رەسمي ىسكە قوسىلعاننان كەيىن، قاشقار ەلىمىز بەن قىرعىزستان قاتارلى ورتا ازياداعى ەلدەردىڭ ەكونوميكا - ساۋدا سەلبەستىگى جاعىندا ”ءوزارا تولىقتاپ، قاتار ءومىر ءسۇرۋ“دى جۇزەگە اسىراتىن ماڭىزدى بازاعا اينالدى.

  قاشقار ەكونوميكالىق اشۋ رايونى باسقارۋ كوميتەتىنىڭ ورىنباسار مەڭگەرۋشىسى، قاشقار جالپىلىق قورعامالى باجى رايونى باسقارۋ كوميتەتىنىڭ مەڭگەرۋشىسى باي ساننىڭ تانىستىرۋىنشا، جۋىق جىلداردان بەرى، قاشقار ەكونوميكالىق اشۋ رايونى قىرعىزستان، تاجىكستان قاتارلى ورتا ازياداعى ەلدەردىڭ بازار قاجەتىنە باعىتتاپ، توك شاۋگىمنەن سىرت، توقىما كيىم - كەشەك، ەلەكترلى قۇراستىرۋ قاتارلى ەكسپورت تيبىندەگى كاسىپورىنداردى ىرگە تەبۋگە باۋراعان. ورتا ازيا، وڭتۇستىك ازيا بازارىنا بەت العان، جىلدىق ءوندىرىس قۋاتى 20 ميلليون دانا قول تەلەفون وندىرۋگە جەتكەن كاسىپورىننىڭ وندىرىسكە قوسىلۋى بيىلعى جىلدىڭ ىشىندە جۇزەگە اسادى دەپ مەجەلەنۋدە.

  باي سان بىلاي دەدى: ەلىمىز قىرعىزستان قاتارلى ورتا ازياداعى ەلدەرمەن ەكونوميكا - ساۋدا سەلبەستىگى جاعىندا اسا كۇشتى ءوزارا تولىقتاۋ سيپاتىنا يە، قىرعىزستاننىڭ وزگەشە اۋىل شارۋاشىلىعى مەن كەن تاس ونىمدەرى ەلىمىز بازارىندا وتە ۇلكەن ورىسكە يە. بيىل قاشقار جالپىلىق قورعامالى باجى رايونى قىرعىزستاننان بال مانەرلەيتىن 2 كاسىپورىن ەنگىزىپ، باجى قورعاپ مانەرلەۋ ءتاسىلى ارقىلى قىرعىزستاننىڭ ساپالى بالىن يمپورت ەتىپ مانەرلەپ، قىرعىزستاننان يمپورت ەتىلگەن بالدى مانەرلەۋ، جاساۋ، ساتۋ ورتالىعىن قۇردى. قاشقار جالپىلىق قورعامالى باجى رايونى تاعى كوپتەگەن قىرعىزستان قىزىل اراعى، اق اراعى سياقتى ونىمدەردى يمپورت ەتىپ، جالپىلىق قورعامالى باجى رايونىندا باجى قورعاپ ساتىپ، قاشقاردىڭ جەرگىلىكتى تۇتىنۋشىلارى مەن قالىڭ ساياحاتشىلاردىڭ جاپپاي رازىلىعىنا يە بولدى. بۇدان سىرت، بيىل جىل باسىنان بەرى، قىرعىزستاننان جالپى 4000 توننادان استام باريت ۇنتاعىن يمپورت ەتىپ، قاشقار جالپىلىق قورعامالى باجى رايونى ارقىلى توپتاپ، ءبولىپ، ەلىمىزدىڭ جەر - جەرىندەگى بازارلارعا جونەلتتى.

  ”ورتا ازياداعى ەلدەردىڭ بازار قاجەتىنە باعىتتاپ، كەلەسى قادامدا، قاشقار جالپىلىق قورعامالى باجى رايونى ەلەكتر توڭازىتقىش، توڭازىتقىش كەبەجە سياقتى اق ءتۇستى ءۇي ەلەكتر جابدىقتارىن جاسايتىن كاسىپورىنداردىڭ تەزدەن وندىرىسكە قوسىلۋىنا ءارى قىرعىزستاننان شيە سياقتى ەرەكشە جەمىستەردى يمپورت ەتۋ اياق الىسىن جەدەلدەتۋىنە بەلسەنە قولداۋ كورسەتەدى“، - دەدى باي سان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى