تيانشان تورى   ›   جاڭالىقتار   ›   وقۋ-اعارتۋ

رايونىمىزدىڭ جوعارى مەكتەپ ەمتيحانىن تەكسەرۋ قىزمەتى ءتارتىپتى ورىستەتىلۋدە

جوعارى مەكتەپ ەمتيحان ناتيجەسى مەن ورىن رەتى مەجەمەن 6 - ايدىڭ 24 - كۇنى جاريالانادى

   ءتىلشى جاۋ شييا 6 - ايدىڭ 18 - كۇنى ۇرىمجىدەن حابارلايدى. 6 - ايدىڭ 18 - كۇنى تۇستەن بۇرىن اۆتونوميالى رايوننىڭ باسشىلارى 2019 - جىلعى ادەتتەگى جوعارى مەكتەپ ەمتيحانىن تەكسەرۋ قىزمەتىنە ناقتى تەكسەرۋ - زەرتتەۋ جۇرگىزدى.

  ۇعىسۋعا قاراعاندا، ينتەرنەتتە ەمتيحان قاعازىن تەكسەرۋ قىزمەتىن ءساتتى جۇرگىزۋگە كەپىلدىك ەتۋ ءۇشىن، اۆتونوميالى رايون جوعارى مەكتەپ ەمتيحانىن تەكسەرۋ قىزمەتى باسشىلىق گرۋپپاسىن جانە ەمتيحان قاعازىن تەكسەرۋ ءتۇيىنى باسشىلىق گرۋپپاسىن قۇرىپ، 21 ءپان گرۋپپاسىن جانە تەحنيكامەن قامتاماسىز ەتۋ گرۋپپاسىن، باسقارۋ - سايكەستىرۋ گرۋپپاسىن ورنالاستىرىپ، مىندەت جاۋاپكەرشىلىگىن ايىرىم - ايىرىم بەلگىلەپ، ۇيىمدىق باسقارۋ، قىزمەت ءتارتىبى، ينفورماتسيا حاۋىپسىزدىگى، ەمتيحان قاعازىنىڭ تەكسەرىلۋ ساپاسىن باقىلاۋ - مەڭگەرۋ سياقتىلار جونىندە ايقىن بەلگىلەمە شىعارىپ، ەمتيحان قاعازىن تەكسەرۋ قىزمەتىنىڭ جوعارى ساپالى، ءتارتىپتى جۇرىلۋىنە شىنايى كەپىلدىك ەتكەن.

     بيىل رايونىمىز جوعارى مەكتەپتەردىڭ جانە ورتا مەكتەپتەردىڭ وقىتۋشىلارىنان 1300دەن استام وقىتۋشىنى ەمتيحان قاعازىن تەكسەرۋ قىزمەتىنە قاتىناستىرۋعا تاڭداپ قابىلدادى، ءارقايسى ءپان گرۋپپاسى عىلمي، ۇيلەسىمدى ءنومىر قويۋدىڭ ەگجەي - تەگجەيلى قاعيداسىن بەلگىلەدى. تاڭداۋ سۇراۋىنا جاتپايتىن بولىكتەرگە تۇگەلدەي ءبىر سۇراۋدى كوپ ادام تەكسەرۋ اتقارىلىپ، ەمتيحان قاعازىن تەكسەرگەن وقىتۋشىلاردىڭ بەرگەن ءنومىرى بىردەي شىققاننان كەيىن عانا، وسى سۇراۋدىڭ ناتيجەسى رەتىندە ءنومىرى ەسەپكە قوسىلدى.

  اۆتونوميالى رايوندىق وقۋ - اعارتۋ ەمتيحان ورنىنىڭ قاتىستى جاۋاپتىسى بىلاي دەپ تانىستىردى: ەمتيحان قاعازىن تەكسەرۋ بارىسىندا، ءپان گرۋپپاسى باستىعى نەمەسە ورىنباسار باستىعى ”بىردەي شىعۋ سالىستىرماسى“، ”ءونىمدى بولۋ سالىستىرماسى“ سياقتى باقىلاۋ - مەڭگەرۋ كورسەتكىشى ارقىلى ەمتيحان قاعازىن تەكسەرگەن ءاربىر وقىتۋشىنىڭ ەمتيحان قاعازىن تەكسەرۋ ساپاسىن تەكسەرىپ باقىلايدى. اۆتونوميالى رايوندىق وقۋ - اعارتۋ ەمتيحان ورنىنىڭ تۇيىندەردە تۇراتىن ەمتيحان قاعازىنىڭ تەكسەرىلۋ ساپاسىن باقىلاۋ - مەڭگەرۋ قىزمەتكەرلەرى ءارقايسى ءپان گرۋپپالارىنىڭ ەمتيحان قاعازىن تەكسەرۋ ساپاسىن تۇتقيىل تەكسەرەدى جانە ءىشىنارا تەكسەرەدى. سونىمەن قاتار، ەمتيحان قاعازىنىڭ تەكسەرىلۋ ساپاسىن تەكسەرۋ گرۋپپاسى، ءپان گرۋپپاسى باستىقتارى وقىپ باعالاۋ جاعدايىنان دا ۇلگى الىپ تەكسەرۋ جۇرگىزەدى. ءارقايسى پاندەر بويىنشا ەمتيحان قاعازىن تەكسەرۋ اياقتاعاننان كەيىن دە سول ءپاننىڭ ەمتيحان قاعازىن تەكسەرۋ قىزمەتىن جاپپاي قايتا تەكسەرەدى. ساتىلار بويىنشا ۇلگى الىپ تەكسەرۋ، قايتالاي قاتاڭ تەكسەرۋ ارقىلى ەمتيحان قاعازىن تەكسەرۋدى اعاتسىز ىستەۋگە شىنايى كەپىلدىك ەتەدى.

  ۇعىسۋعا قاراعاندا، ەمتيحان قاعازىن تەكسەرۋ قىزمەتىنىڭ ۋاقىت ورنالاستىرۋى جانە ءىس جۇزىندىك اياق الىسىنا ساي، رايونىمىزداعى ەمتيحان بەرگەن وقۋشىلاردىڭ جوعارى مەكتەپ ەمتيحان ناتيجەسى جانە ورىن رەتى مەجەمەن 6 - ايدىڭ 24 - كۇنى جاريالانادى ەكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى