تيانشان تورى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

”وڭتۇستىك اۆياتسيانىڭ كەدەيلەردى سۇيەمەلدەۋ اۋە جولى“ حوتاننىڭ كەدەيلىكتەن ارىلتۋدان قامال الۋىنا كۇش ۇستەدى

ونىمدەردى ساتىپ شىعاردى، كاسىپتەردى ەنگىزدى

”وڭتۇستىك اۆياتسيانىڭ كەدەيلەردى سۇيەمەلدەۋ اۋە جولى“ حوتاننىڭ كەدەيلىكتەن ارىلتۋدان قامال الۋىنا كۇش ۇستەدى

  ءتىلشى ما ينيڭ، ەرىكتى ءتىلشى جاڭ سىۋي 6 - ايدىڭ 21 - كۇنى ۇرىمجىدەن حابارلايدى. 6 - ايدىڭ 11 - كۇنى 84 جاشىككە سالىنعان جالپى اۋىرلىعى 2 تونناعا جۋىق شىلان حوتان اۋەجايىنان ۇشاققا سالىنىپ، نەشە مىڭ كيلومەتر قاشىقتىقتاعى جينانعا جونەلتىلدى. وڭتۇستىك اۆياتسيا شينجياڭ بولىمشە سەرىكتەستىگى زات تاسىمال ءبولىمىنىڭ ديرەكتورى ليۋ ليلان تانىستىرىپ: 6 - ايعا كەلگەندە حوتاننىڭ ورىگى جانە باسقا جەمىس - جيدەكتەرى كوپ مولشەردە بازارعا شىقتى، 6 - ايدىڭ باس شەنىندە حوتاننان بۇكىل ەلىمىزدىڭ جەر - جەرىنە جونەلتىلگەن زاتتار 38.7 تونناعا جەتىپ، بىلتىرعى سايكەس مەزگىلدەگىمەن سالىستىرعاندا %480 ارتتى، - دەدى.

  حوتان ايماعى − رايونىمىزدىڭ ماڭىزدى استىق، ماقتا، ورمان جەمىسى وندىرىلەتىن رايون، الايدا ىشكى جەرلەر بازارىنان الىستىعى، اۋىل شارۋاشىلىعى قوسىمشا ونىمدەرىنىڭ ساتىلۋ وزىندىك قۇنىنىڭ جوعارىلىعى ەرەكشە بايلىق باسىمدىعىنىڭ ساۋلەلەندىرىلۋىنە تەجەۋ بولىپ كەلگەن ەدى. جاقىنعى جىلداردان بەرى، وڭتۇستىك اۆياتسيا ءوز باسىمدىعىن بەلسەندىلىكپەن ساۋلەلەندىرىپ، حوتاننان ورتا، شىعىس بولىكتەگى قالالارعا توتە ۇشاتىن كوپ ءتۇرلى اۋە جەلىسىن ىركەس - تىركەس اشىپ، ”كەدەيلەردى سۇيەمەلدەۋدىڭ اۋەدەگى جولىن“ قالىپتاستىرىپ، اناعۇرلىم كوپ حوتان ەرەكشە ونىمدەرىنىڭ دەر كەزىندە ”ۇشاققا ءتۇسىپ“ ورتا، شىعىس بولىكتەگى قالالارعا جەتۋىنە مۇمكىندىك جاسادى.

  بيىل 3 - ايدا وڭتۇستىك اۆياتسيا حوتاننان گۋاڭجوۋعا، چىڭدۋعا، جىڭجوۋعا توتە ۇشاتىن جاڭا اۋە جەلىسىن ىسكە قوستى، حوتاننان باستاپ ۇشاتىن اۋە قاتىناسى ءتۇيىنى 9عا كوبەيىپ، ءار اپتاداعى كەزەكشى ۇشاق سانى 70كە جەتتى. قازىر حوتاندى باستالار جەر ەتىپ، شيبەي، حۋابەي، حۋاجۇڭ، شي - نان، حۋانان 5 ۇلكەن اۋماقتى قامتىعان اۋە جەلىسى تورىنىڭ ورنالاستىرىلۋى العاشقى قادامدا قالىپتاستى. ساندى مالىمەتتەردە كورسەتىلۋىنشە، 2018 - جىلى وڭتۇستىك اۆياتسيانىڭ حوتاننان تاسىعان ساياحاتشى سانى 590 مىڭ ادام - رەتكە جەتىپ، سايكەس مەزگىلدەگىدەن %24 ارتقان؛ زات - پوچتا تاسىمالى 629 تونناعا جەتىپ، سايكەستى مەزگىلدەگىدەن %36 ارتقان. بيىل ءتىپتى دە كوپ تاسىمال كۇشى مەن اۋە جەلىسىنىڭ حوتان بازارىندا ىسكە قوسىلۋىنا ىلەسە، كاسىپ سالاسى ارقىلى شينجياڭعا باعىتتامالى كومەكتەسۋگە جانە تۇتىنۋ ارقىلى كەدەيلەردى سۇيەمەلدەۋگە اناعۇرلىم كەڭ ساپالى بازار اشىلدى.

  ەرەكشە اۋىل شارۋاشىلىق ونىمدەرىنىڭ سىرتقا شىعارىلۋىنا كۇش ۇستەۋمەن بىرگە، ”كەدەيلەردى سۇيەمەلدەۋدىڭ اۋەدەگى جولى“نان پايدالانىپ، نانحاڭ قاتىستى كاسىپتەردى حوتان ايماعىنا بەلسەنە ەنگىزەدى.

  باعىتتامالى كومەكتەسەتىن گۇما اۋدانىنداعى 9 قىستاقتا وڭتۇستىك اۆياتسيا شينجياڭ بولىمشە سەرىكتەستىگى اۆياتسيا بۇيىمدارىن ساتىپ الۋ ارقىلى ساۋداگەر باۋراپ زاۆود قۇرىپ، قىستاققا قارجى ەنگىزىپ، ”اۆياتسيا ارقىلى باستاۋ، كاسىپ ارقىلى جەتەكتەۋ، وقۋ - اعارتۋ ارقىلى نەگىزدى بەكەمدەۋ، قامقورلىق جاساپ كومەك كورسەتۋ، كەدەيلەردى اشىق سۇيەمەلدەۋ“ سىندى كەدەيلەردى سۇيەمەلدەۋدىڭ ەرەكشە تاسىلدەرىن تياناقتاندىرىپ، جەرگىلىكتى ورىنداعى 11 مىڭ قىستاق تۇرعىنىن باستاپ كەدەيلىكتەن ارىلۋدىڭ جاڭالىق اشۋ جولىمەن ءجۇردى. قاراقاش اۋدانىندا، 2018 - جىلى وڭتۇستىك اۆياتسيا 6 كاسىپورىن، الۋان قارجى تۇرلەرىنەن 230 ميلليون يۋان ەنگىزىپ، 1800گە جۋىق ادامدى كەدەيلىكتەن ارىلۋعا باستاپ، 700 نەشە كەدەي جان سانىنىڭ باسقا سالاعا ويىسىپ جۇمىستانۋىنا كومەكتەستى. ءوندىرۋ مەن ساتۋدى توعىستىرۋ ارقىلى وڭتۇستىك اۆياتسيا شينجياڭ بولىمشە سەرىكتەستىگى گۇما اۋدانىنىڭ ورىگى، قاراقاش اۋدانىنىڭ ءجۇزىمى سياقتى اۋىل شارۋاشىلىعى ونىمدەرىن 850 مىڭ يۋانعا تىكە ساتىپ الىپ، ەكى اۋداننىڭ جاڭعاق، شىلان، كۇرەڭكەي سياقتى اۋىل شارۋاشىلىعى ونىمدەرىنىڭ ءبىر ميلليون 400 مىڭ نەشە يۋانعا ساتىلۋىنا كومەكتەستى.

  جاقىنعى 5 جىلدا وڭتۇستىك اۆياتسيا حوتان ايماعىندا كەدەيلەردى سۇيەمەلدەۋگە جالپى 40 ميلليون 900 مىڭ يۋان قارجى ءبولىپ، ءار ءتۇرلى قارجىدان 170 ميلليون يۋانعا جۋىق ەنگىزىپ، ىلگەرىندى - كەيىندى ءۇرىمجى - اقسۋ - حوتان، اقسۋ - حوتان - قاشقار سياقتى شينجياڭ ىشىندە ۇتىلاپ ۇشۋ جەلىسىن، سونداي - اق حوتاننان تيانجين، شي - ان، گۋاڭجوۋ، جىڭجوۋ، چىڭدۋ قاتارلى قالالارعا توتە قاتىنايتىن شينجياڭعا كومەكتەسۋدىڭ تىكە اۋە جەلىسىن اشىپ، ىلگەرىندى - كەيىندى بۇكىل ەلىمىزدىڭ جەر - جەرىندەگى 47 مىڭنان استام كەدەيلەردى سۇيەمەلدەۋ كادر - قىزمەتكەرلەرىنە ”وڭتۇستىك اۆياتسيا مەرۋەرتى شينجياڭعا كومەك كارتچكاسىن“ ءبىتىرىپ بەرىپ، ”كەدەيلەردى سۇيەمەلدەۋدىڭ اۋەدەگى تەز ارناسىن“ قالىپتاستىردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • شينجياڭدا ءبيدايدىڭ بىرلىك ءونىمىنىڭ رەكوردى جاڭالاندى
  • ەرەكشە حالىقتىق تۇسەلحانالار شينجياڭ ساياحاتىنىڭ تاماشا تانىسقىسىنا اينالدى
  • دۋان - ۋ مەرەكەسىندەگى دەمالىس كەزىندە شينجياڭ 3 ميلليون 840 مىڭ ادامنان (رەت) استام ساياحاتشى قابىلدادى سايكەس مەزگىلدەگىدەن %43.25 ارتتى