− ”مايتالمانداردىڭ باتىسقا ساياحاتىنداعى التىنشى مەزگىل − كورىكتى كورىنىستەردى تۇگەل ارالاپ شىعۋ“ ينتەرنەتتە نەگىزگى تاقىرىپپەن تاراتۋ قيمىلى تۋرالى
ءتىلشى لي لي
”بۇل مەنىڭ شينجياڭعا 3 - رەت كەلۋىم، ءار رەت كەلگەندە ۇقسامايتىن وزگەشە قۋانىشقا كەنەلەمىن. شينجياڭنىڭ كورىنىسى الەمدىك دەڭگەيدە، شينجياڭعا كەلگەن فوتوشىلار وتە قاربالاستاپ، اۆتوكولىكتە، جولدا توقتاۋسىز سۋرەتكە ءتۇسىرىپ جاتادى. بۇدان كەيىن مەن شينجياڭعا ۇنەمى كەلەمىن، ويتكەنى مەن الدەقاشان ’قۇمارتىپ‘ قالدىم“، - دەدى ”مايتالمانداردىڭ باتىسقا ساياحاتىنداعى التىنشى مەزگىل − كورىكتى كورىنىستەردى تۇگەل ارالاۋ“ ينتەرنەتتە نەگىزگى تاقىرىپپەن تاراتۋ قيمىلىنىڭ جەلىدەن تىسقارى ساپار قيمىلىنا ەندى عانا قاتىناسىپ بولعان ساياحات ميكروبلوگەر ”ساياحات فوتوشىسى − شياۋفيشۋە“ تىلشىگە.
6 - ايدىڭ 21 - كۇنىمەن 6 - ايدىڭ 29 - كۇنىنە دەيىن، ەلىمىزدىڭ جەر - جەرىنەن كەلگەن 18 تاجىريبەلى ساياحات مايتالمانى، سونداي - اق ورتالىق اقپارات قۇرالدارىنىڭ 10 ءتىلشىسى وسى رەتكى قيمىلدىڭ جەلىدەن تىسقارى ساپار قيمىلىنا قاتىناستى.
وسى مەزگىلدىك قيمىلدا بۇراتالا موڭعۇل اۆتونوميالى وبلىسىن ارناۋلى الاڭ ەتىپ، مايتالمانداردى باستاپ بۇراتالا وبلىسىنىڭ كورىنىس وڭىرلەرىن، كورىنىس تۇيىندەرىن ىشكەرىلەي ساياحاتتاتۋمەن بىرگە، ورتالىق اقپارات قۇرالدارىنىڭ 10 ءتىلشىسىن تارباعاتاي، تۇرپان، قاشقار سياقتى جەرلەردە تىلشىلىك جاساپ، شينجياڭنىڭ كوركەم كورىنىسى، ءدامدى تاعامى جانە ساياحات جاڭا كاسىپ كۇيى سياقتىلاردى بىرگە تانىستىرىپ، شىنايى شينجياڭدى جان - جاقتى، كوپ بويلىقتا ايگىلەۋگە ۇسىنىس ەتتى.
■ جول بويى ارالاپ، جول بويى بىرگە ءلاززاتتاندى
”مايتالمانداردىڭ باتىسقا ساياحاتىنداعى التىنشى مەزگىلىندە ءبىز بۇراتالا وبلىسىنا كەلدىك، ’جۇڭگونىڭ الاقات مەكەنى‘ جىڭ اۋدانىنا بارىپ، ءدامدى الاقاتتان اۋىز تيدىك؛ مۇتتىار شولىنە اياق باسىپ، قۇم توبەگە جۇيتكىپ شىعۋدىڭ قىزىعىن كوردىك؛ شياۋحايزىدان، باياناماننان، عاجايىپ تاس اڭعاردان، سايرام كولىنەن ءجۇرىپ وتتىك، سونداي - اق سايرام كولىندە سايرام كولىن اينالىپ شىعۋ تاس جول ۆەلوسيپەد جارىسىنىڭ 4 - جارىس بولىگىندە اعا جۇلدەگەردىڭ جارىققا شىققاندىعىنا كۋا بولدىق؛ اراسان اۋدانىنا بارىپ، سۇيكىمدى شينجياڭ سالاماندىراسىمەن تانىستىق؛ ادۇۇنچولۋ تاسپەن قورشالعان بايىرعى قابىرىنىڭ سىرىنا ۇڭىلدىك؛ الاتاۋ وتكەلىندەگى قۇرمەتتى مەملەكەت قاقپاسىندا ايالدادىق، ت. ب، جول بويى شاتتىققا بولەنىپ، كوزبەن كورگەنىمىزگە العىس ايتىپ، الداعى كۇندەردە قايتادان قاۋىشۋدى تىلەدىك“. ساياحات ميكروبلوگەر ”شييوۋجي“ ميكروبلوگىندا وسىلاي جازدى.
”ۇيشە كولىك لاگەرى كوگىلدىر سايرام كولى جاعاسىنا ورنالاسقان، الىستا شىڭىن قار باسىپ تۇرعان تيانشان تاۋ سىلەمدەرى، كوز الدا جابايى گۇلدەر قۇلپىرا اشىلعان كول جاعاسى شالعىنى، وسىنداي ورتادان كىمنىڭ كەتكىسى كەلەدى دەيسىڭ“.
”قايتقىم كەلمەي قالدى، شينجياڭ وتە تاماشا ەكەن، بۇل اراداعى ادامداردى، بۇل اراداعى ءدامدى تاعامداردى، بۇل ارانىڭ كورىنىسىن ويلاعاندا، مەنىڭ ۇيگە قايتقىم كەلمەي قالدى“.
...
قيمىل بارىسىندا مايتالماندار ميكروبلوكتا، ۋيچاتتا وزدەرىنىڭ شينجياڭدى ۇناتىپ قالعاندىعىن جابال بەينەلەنەدى.
مۇتتىار قۇمىندا، مايتالماندار قۇمدا قۇمارىنان شىعا وينادى، قۇمدا سىرعاناۋ تاقتايشاسىنا وتىرىپ، قۇمدا سىرعاناۋدىڭ ءلاززاتىن سەزىندى. مايتالمان ”ۋيني شياۋشۇڭ“: ”بۇل ارادا مەيلى قانداي سالاۋاتتاعىلار، قانداي جاستاعىلار بولسىن، بارلىعى دا شىن سەزىمدەرىمەن قۋانا كۇلىپ كەتەدى“ دەدى.
■ توراپتاستار شينجياڭعا كەلۋگە ىنتىقتى
دالالىق اۆتوكولىككە وتىرىپ، قۇم توبەگە جۇيتكىپ شىققان كەزدە، كوپشىلىك ”نەدەگەن كەرەمەت!“ دەپ ايقاي سالدى، ارناۋلى ىستون جازۋشىسى لي مۋ ميكروبلوگىندا: ”تىك ورلەپ، تىك قۇلديلاعان سەزىم رۋحتى سەرپىلتىپ، ەرىك - جىگەردى تاسقىنداتتى“ دەپ بەينەلەدى.
بايانامان كورىنىس وڭىرىنە بارا جاتقان جولدا، ”كوشكەن بۇلت، اققان سۋعا تەلمىرۋشى“ اتىنداعى جاڭاشا مايتالمان شىداپ تۇرا الماي ميكروبلوگىندا سۋرەتتى حابار تاراتىپ تەبىرەنە بىلاي دەدى: ”كوز الدىڭدا عانا تۇرعان تيانشان تاۋى، كەنەت كورىنگەن قىزىل شاپاق جەر بەدەرى، جاسىل تاۋ بەتكەيىندەگى الۋان رەڭدى كىشكەنە ۇيلەر، بۇلار تەك عانا اۆتوكولىك تەرەزەسىنەن كورىنگەن كورىنىستەر، كوزايىم بولىپ ۇلگەرە المايسىڭ. شينجياڭ، شىنىمەن، جاقسى جەر ەكەن“.
مايتالماندار جاريالاعان سۋرەتتى حابار ينفورماتسياسىنىڭ سوڭىنا توراپتاستار ارت - ارتىنان: ”بۇلاردى كورگەندە جازدا سالقىنداپ قالعانداي اسەردە بولدىم“، ”شينجياڭ، مەنى كۇت“، ”ادامدى ءتانتى ەتكەن شينجياڭ“، ”كورىكتى شينجياڭ، مەن دە بارامىن“، ”شينجياڭ مەن بىرنەشە رەت بارسام دا، تاعى دا بارعىم كەلەتىن جەر“... دەپ ءسوز قالدىردى.
■ التىنشى مەزگىلدىك كورىلىم مولشەرى 240 ميلليون ادام - رەتكە جەتتى
وسى مەزگىلدىك قيمىلدىڭ جەلىدەن تىسقارى ساپارى كەزىندە، ورتالىق اقپارات قۇرالدارىنىڭ تىلشىلەرى «شينجياڭ ساياحاتىنىڭ ءدال كەزى ”مۇناي قالاسى“ قارامايلى جاسىل جەلەك جامىلدى»، «”ۆان گوگ اجە“نىڭ قىل قالامىنداعى باقىتتى ءومىر»، «تارباعاتاي اسەرى: ءبىر ءتۇپ ەمەن اعاشى، سالت - ساناعا تولى قالا»، «”تابيعاتقا سۇيەنىپ، تاماق جەۋدەن“ ”باۋلۋ ارقىلى قىزمەتكە شىعۋعا دەيىن“» : «ءبىر قاز جۇمىرتقاسىنان حوتاننىڭ كەدەيلىكتەن ارىلۋىنا ءۇڭىلۋ» ، «ءبىر اعاش ۇستەل مەن ءبىر توناردىڭ التىن ءداۋىرى» سياقتى شينجياڭنىڭ ساياحات جاڭا كاسىپ كۇيىن تانىستىرعان جان - جاقتى سۋرەتتى حابارلاردى جازىپ شىقتى.
7 - ايدىڭ 1 - كۇنىنە دەيىن، مايتالمانداردىڭ باتىسقا ساياحاتىنىڭ التىنشى مەزگىل قيمىلىنىڭ تۇتاس تورداعى كورىلىم مولشەرى 240 ميلليون ادام - رەتكە جەتتى. بۇل رەتكى قيمىلدىڭ جەلىدەگى تاراتۋ مەرزىمى 2 ايعا جالعاسادى.
