تيانشان تورى   ›   جاڭالىقتار   ›   ساياحات

ءدوربىلجىن اۋدانى: شارۋالار شاتتىعى ساياجايى قىستاق تۇرعىندارىنىڭ اۋقاتتانۋىنا جول اشتى

  اۋلا ءىشىن سىپىرىپ تازالاۋ،تەرەزەلەردى ءسۇرتۋ، ىدىس-اياقتاردى جۋۋ، ۇستەل جاپقىشن الماستىرۋ... مىنە بۇلار جاۋ مىڭناننىڭ ”بەس كيلومەترلىك ەكولوگيالىق باقشا“دا ۇنەمى ىستەيتىن كۇندەلىكتى قىزمەتى، بىلايشا ايتقاندا، ول وسى قىزمەت ارقىلى ۇيىنەن ۇزاپ شىقپاي-اق كىرىس كىرگىزىپ وتىر.

  بيىل 21 جاستاعى جاۋ مىڭنان شينجياڭ تارباعاتاي ايماعى ءدوربىلجىن اۋدانى قالاماڭى رايون اۋىلى ساسىقكوپىر قىستاعىنىڭ تۇرعىنى، مۇگەدەك، وتباسىنىڭ ەكونوميكالىق جاعدايى ناشار.

  2017-جىلى، قىستاقتىڭ اۋقاتتانۋ شەبەرى تيان لي جەرگىلىكتى ورىننىڭ مول ساياحات بايلىعىنان پايدالانىپ، 3 ميلليون 800 مىڭ يۋان قارجى قوسىپ ”بەس كيلومەترلىك ەكولوگيالىق باقشا“ قۇرعاننان كەيىن، جاۋ مىڭنان باستاعان قىستاقتاعى 12 كەدەي تۇرعىندى وسى جەرگە كەلىپ داياشى بولۋعا ورنالاستىرىلدى. جاۋ مىڭنان: ”ەكى جىلدان كەيىن، الدىڭعى زالدىڭ ديرەكتورى بولدىم, ايلىق ەڭبەكاقىم 4000 يۋان بولدى. وسىلاي جالعاسا بەرسە، وتباسىمنىڭ تۇرمىس جاعدايى كۇننەن-كۇنگە جاقسارا تۇسەتىن بولدى“،-دەدى تەبىرەنىپ.

  جاۋ مىڭنانعا ۇقساس، 47 جاستاعى قىستاق تۇرعىنى نۇرگۇل جۇماعاليدىڭ دە تيان ليگە العىسى شەكسىز. ول بۇرىن وتباسى تۇرمىسىنىڭ جاقسى ەمەس ەكەندىگىن، وتكەن جىلى، تيان لي ونى ”بەس كيلومەترلىك ەكولوگيالىق باقشانىڭ“ تازالىعىن ىستەۋگە ورنالاستىرعاننان بەرى، ايلىق ەڭبەكاقىسى 3000 يۋان بولعانىن، مىنە سودان بەرى وتباسىنىڭ ەكونوميكالىق جاعدايى جاقسارا باستاعانىن ايتتى.

  تان لي:”تيجارات باستاعاننان بۇگىنگە دەيىن، 12 قىزمەتكەرگە جالپى 1 ميلليون 500 مىڭ يۋان بەرىپپىن، كەدەيلەردى سۇيەمەلدەۋ جولىندا ايانباي ەڭبەك ەتىپ، كەدەيلەردى كاسىپتەندىرۋ ماسەلەسىن شەشىم ەتۋگە قۇلشىنامىن، ‹بەس كيلومەترلىك ەكولوگيالىق باقشا› دامىپ كەڭەيگەننەن كەيىن، جەرگىلىكتى قىستاق تۇرعىندارىنان تاعى ءتىپتى دە كوپ جۇمىسشى قابىلدايمىن“،-دەدى.

  ءدوربىلجىن اۋدانىندا، تيان لي اشقان ”بەس كيلومەترلىك ەكولوگيالىق باقشا“ سياقتى شارۋالاردى اۋقاتتانۋ جولىنا باستاعان ساياحات، ەكولوگيالىق، سەيىل-سەرۋەن تيپىندەگى شارۋالار شاتتىعى ساياجايى، سالت-سانا باقشاسىنان 300 دەن استامى بار، مۇنىڭ ىشىندە، 7 ”ءۇش جۇلدىزدى شارۋالار شاتتىعى ساياجايى“ وزىندىك ەرەكشەلىگىمەن جەرگىلىتى ورىننىڭ ساياحات كاسىبىن دامىتىپ قانا قالماي، 1100 دەن استام ادامدى جۇمىس ورنىمەن قامدادى، ءدوربىلجىن اۋدانى مادەنيەت، دەنەتاربيە، راديو-تەلەۆيزيا جانە ساياحات مەكەمەسىنىڭ پارتيا باسشىلىق گرۋپپاسىنىڭ شۋجيى فان شينبين بىلاي دەدى: ءتىپتى دە كوپ قىستاق تۇرعىنى شارۋالار شاتتىعى ساياجاتى، سالت-سانا باقشاسىنا سۇيەنىپ اۋقاتتانۋ جولىنا قادام قويدى“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى