اۆتونوميالى رايوندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ حابارى: جۋىقتا اۆتونوميالى رايوندىق پارتكومنىڭ بەكىتۋىمەن، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۆتونوميالى رايوندىق ءوندىرىس حاۋىپسىزدىگىن باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار مەكەمە باستىعى ۋاڭ يۋەبيننىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، قاراپ تەكسەردى جانە تەكسەرۋ جۇرگىزدى .
تەكسەرۋ ارقىلى مىنالار انىقتالدى: ۋاڭ يۋەبين پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ شەشىمدەرىن، ورنالاستىرۋلارىن اتقارۋ بارىسىندا بۇلتاققا سالىپ، تۇرلەندىرىپ، ەكشەپ، قىزمەت ناتيجەسى كوزقاراسى بۇرمالانىپ، كەدەيلەردى سۇيەمەلدەۋ قارجىسىنان پايدالانىپ ”قىزمەت ناتيجەسى ينجەنەرياسىمەن، وبراز ينجەنەرياسىمەن“ اينالىسقان ءارى ورايدان پايدالانىپ مال - دۇنيە جيىپ، شارلاۋ قىزمەتىنە كەدەرگىلىك جاساپ، ۇيىمنىڭ تەكسەرۋىنە قارسىلىق كورسەتكەن؛ تارتۋ - تارالعى قابىلداعان؛ جۇمىس اقىلداسۋ تارتىبىنە قايشىلىق ىستەپ، كەلەلى ىستەرگە ءوزى شەشىم جاساعان، جەكە باسىنا قاتىستى ىستەردى بەلگىلەمە بويىنشا مالىمدەمەگەن، ۇيىم حات ارقىلى سۇراستىرعاندا، ۇيىمعا ماسەلەنى قاز - قالپىندا تۇسىندىرمەگەن، كادرلاردى تاڭداۋ، ءوسىرۋ، مىندەتكە تاعايىنداۋ بەلگىلەمەسىنە قايشىلىق جاساپ، ادام ىستەتۋدە اعاتتىق ىستەپ، قاتەلىك وتكىزۋدەن اۋىر زارداپ تۋدىرعان؛ قىزمەت مىندەتى قولايلىلىعىنان پايدالانىپ، جەكە تولەۋگە ءتيىستى اقىنى باسقالارعا كوتەرتىپ، باسقارۋ، قىزمەت وتەۋ وبيەكتىسىنىڭ اۆتوكولىگى مەن اقشاسىن ۇزاق ۋاقىت پايدالانىپ، قارىزعا الىپ، بەلگىلەمەگە قايشى تۇردە پايدا تابۋ ارەكەتتەرىمەن اينالىسىپ، بازارعا شىقپاعان سەرىكتەستىكتىڭ جارناسىن يەلەگەن؛ قىزمەت مىندەتى جاۋاپكەرشىلىگىن دۇرىس اتقارماي، مەملەكەتكە زيان تۋدىرعان؛ تۇرمىستا استا - توكتىككە سالىنىپ، ءمورال جاقتان ازعىنداعان؛ قىزمەت مىندەتى قولايلىلىعىنان پايدالانىپ، باسقالارعا پايدا جەتكىزگەن ءارى قىرۋار اقشا - مۇلىك قابىلداعان؛ قىزمەت ۇقىعىنان الباتى پايدالانىپ، مەملەكەتكە جانە حالىق بۇقاراسىنا اۋىر زيان تۋدىرعان.
ۋاڭ يۋەبين پارتيانىڭ ساياسي ءتارتىبى مەن ساياسي قاعيداسىنا، ورتالىقتىڭ ”8 ءتۇرلى بەلگىلەمەسى“نىڭ رۋحىنا، ۇيىمدىق تارتىپكە، پاكتىك تارتىبىنە، قىزمەت تارتىبىنە، تۇرمىس تارتىبىنە اۋىر قايشىلىق جاسادى ءارى پارا الۋ، قىزمەت ۇقىعىنان الباتى پايدالانۋ قىلمىسىن وتكىزدى دەگەن كۇمان تاعىلدى، ونىڭ ۇستىنە، پارتيا 18 - قۇرىلتايىنان كەيىن دە تيىلمادى، قولىن تارتپادى، ساياسي ماسەلە مەن ەكونوميكالىق ماسەلە قاباتتاسىپ، سيپاتى توتەنشە جيرەنىشتى، قىلمىسى توتەنشە اۋىر، ىقپالى وتە ناشار بولدى، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» سياقتىلاردىڭ قاتىستى بەلگىلەمەلەرىنە ساي، اۆتونوميالى رايوندىق ءتارتىپ تەكسەرۋ كوميتەتىنىڭ تۇراقتى كوميتەت ءماجىلىسى، باقىلاۋ - تەكسەرۋ كوميتەتىنىڭ ءماجىلىسى اقىلداسۋ ءارى اۆتونوميالى رايوندىق پارتكومنىڭ بەكىتۋىنە جولداۋ ارقىلى ۋاڭ يۋەبينگە پارتيادان ايداۋ جازاسىن بەرۋ؛ اۆتونوميالى رايوندىق باقىلاۋ - تەكسەرۋ كوميتەتىنىڭ وعان ۇكىمەت قىزمەتىنەن ايداۋ جازاسىن بەرۋ؛ ونىڭ تارتىپكە قايشى، زاڭعا قايشى تاپقان پايداسىن جيىپ الۋ؛ ونىڭ قىلمىسقا ساياتىن ماسەلەلەرىن ءادىليا ورگانىنىڭ زاڭ بويىنشا ءبىر جايلى ەتۋىنە تاپسىرۋ، شاتىلعان اقشا - مۇلىكتى دەلومەن بىرگە تاپسىرىپ بەرۋ ۇيعارىلدى.
