ءتىلشى رىن جياڭ 8 - ايدىڭ 12 - كۇنى ۇرىمجىدەن حابارلايدى. ”قۇربان ايت مەرەكەسى دەمالىسى كەزىندە بارلىق قىزمەتكەر جۇمىسقا شىعىپ، ساياحاتشىلاردى قابىلداۋ قىزمەتىن بار كۇشپەن ويداعىداي ىستەۋ كەرەك“. 8 - ايدىڭ 12 - كۇنى، اۋات اۋدانى دولان تايپاسى كورىنىس اۋماعىنىڭ ورىنباسار باس ديرەكتورى ليۋ چيۇڭياۋ بىلاي دەدى: مەرەكە كەزىندە، كورىنىس اۋماعىمىز ساياحاتشىلارعا لىق تولدى، قىزمەتكەرلەردىڭ ءبارى مەرەكەنى قاربالاس وتكىزدى.
تەك قۇربان ايت مەرەكەسىنىڭ دەمالىس كۇندەرىندە عانا ەمەس، كوكتەم مەرەكەسىنەن باستاپ، كورىنىس اۋماعىنداعى بارلىق قىزمەتكەر قاربالاستىقتان باس الا الماي كەلەدى. ليۋ چيۇڭياۋ بىلاي دەپ تانىستىردى: بىلتىرعى سايكەس مەزگىلدەگىمەن سالىستىرعاندا، بيىل كورىنىس اۋماعىمىز قابىلداعان ساياحاتشى سانى ％40 مولشەرىندە ارتتى.
دەمالىس كۇندەرىندە، شينجياڭنىڭ جەر - جەرىندەگى ءارقايسى كورىنىس اۋماقتارىندا ساياحاتشىلاردىڭ يىن تىرەسۋ جاعدايى جارىققا شىقتى، مۇندا قاناس، تيانشان بوعدا كولى سياقتى ايگىلى كورىنىس اۋماقتارىندا ادامدار سەڭدەي سوعىلىستى. 8 - ايدىڭ 10 - كۇنى، 11 - كۇنى 2 كۇندە، قاناس كورىنىس اۋماعى قابىلداعان ساياحاتشى سانى تۇگەلدەي 100 مىڭ ادام - رەتتەن اسىپ، سايكەس مەزگىلدەگىمەن سالىستىرعاندا جەكە - جەكە ％23 جانە ％33 ارتقان؛ تيانشان بوعدا كولى كورىنىس اۋماعى 8 - ايدىڭ 10 - كۇنى قابىلداعان ساياحاتشى سانى 25 مىڭ 852 ادام - رەت بولىپ، سايكەس مەزگىلدەگىدەن ％34 ارتقان، 8 - ايدىڭ 11 - كۇنى قابىلداعان ساياحاتشى سانى، اۋەلى، 28 مىڭ 242 ادام - رەتكە جەتكەن.
جاراسىمدى دا ورنىقتى قوعامدىق ورتا شينجياڭنىڭ ساياحات كاسىبىنىڭ دامۋىنا بەرىك نەگىز قالادى، ال، ساياحات كاسىبىنىڭ دامۋى كورىنىس اۋماعى قۇرىلىسى قارقىنىنىڭ تەزدەۋىن، جۇمساق، قاتتى بولشەك ورەسىنىڭ جوعارىلاۋىن، ساياحات ونىمدەرىنىڭ كوبەيۋىن جەبەدى، وسىلاردىڭ ءبارى شينجياڭنىڭ جەر - جەرىندەگى ساياحاتشى سانىنىڭ ءۇرتىس ارتۋىنداعى ماڭىزدى سەبەپكە اينالدى. بيىل دولان تايپاسى كورىنىس اۋماعى 300 ميلليون يۋاننان ارتىق قارجى قوسىپ، توراڭعى مادەنيەت سارايى، وسىمدىكتەر باقشاسىنىڭ 2 - مەرزىمدىك ينجەنەرياسى، دولان كەرۋەن سارايى، شينجياڭنىڭ ەرەكشە ونىمدەرىن ساتۋ ورتالىعى سياقتىلاردى قۇردى.
دەمالىس كۇندەرى كەزىندە شينحى قۇمدى دالاداعى گۇل تەڭىزى كورىنىس اۋماعىنىڭ 40 مىڭ شارشى مەترلىك، 1500 اۆتوموبيل سياتىن اۆتوكولىك توقتاتۋ الاڭىندا ينە شانشار جەر قالمادى. توقسۋ قۇمدى دالاداعى گۇل تەڭىزى ساياحاتىن اشۋ شەكتى جاۋاپكەرلىك سەرىكتەستىگىنىڭ ورىنباسار باس ديرەكتورى جۋ لي بىلاي دەپ قارادى: ساياحاتشىلاردىڭ جىلدام ارتۋىنىڭ سەبەبى بيىل كورىنىس اۋماعىنىڭ قىرۋار كورىنىس تۇيىندەرىن جانە ساياحات نىساندارىن كوبەيتۋدەن سىرت، باي مازمۇندى، الۋان ءتۇرلى ساياحات مەرەكەلىك قۇتتىقتاۋ قيمىلدارى دا ماڭىزدى سەبەپتەردىڭ ءبىرى بولدى.
دەمالىس كۇندەرى ءدال بۋىرشىن اۋدانىنىڭ 4 - كەزەكتى ”ەرتەگىدەي شەكارا قالا. بۋىرشىننىڭ ءدامى“ ءدامدى تاعام مەرەكەسىن وتكىزۋىنە تۋرا كەلدى، حىتي كەشكى بازارى، جۇڭگو - رەسەي كونە كەمەجاي سالت - سانا كوشەسى، سىجي كەشكى بازارى، سونداي - اق حۇيشين حالىقارا سياقتى ءدامدى تاعامدار كوشە اۋماعىندا ساياحاتشىلاردىڭ اياعى ۇزىلمەدى. ”8 - ايدىڭ 10 - كۇنى اۋدانىمىز 74 مىڭ 418 ادام - رەت ساياحاتشى قابىلداپ، سايكەس مەزگىلدەگىدەن ％26.12 ارتتى؛ ساياحات جالپىلىق كىرىسى 79 ميلليون 211 مىڭ 400 يۋان بولىپ، سايكەس مەزگىلدەن ％31.08 ارتتى“، - دەدى بۋىرشىن اۋداندىق مادەنيەت، دەنە تاربيە، راديو، تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى يە سۋچين.
قاناس كورىنىس اۋماعىن ساياحاتتاپ بولعان حيلۇڭجياڭدىق ساياحاتشى جاڭ فۋچۇن قاباعات شاتتاندى: ”شينجياڭنىڭ كورىنىسى كوركەم، ادامدارى ونان دا كەلبەتتى ەكەن، شينجياڭعا ساياحاتتاي كەلگەنىمە ايرىقشا قۋانىشتىمىن“. تيانشان بوعدا كولى كورىنىس اۋماعى، بويلىق كورىنىس اۋماعى، قاناس كورىنىس اۋماعى... شينجياڭعا تۇڭعىش رەت ساياحاتتاي كەلگەن جاڭ فۋچۇن شينجياڭنىڭ كوركەم كورىنىسىن ۇمىتا الار ەمەس، ءار كۇنى ۋيچات دوستىق شەڭبەرىنە سۋرەتتەرىن تاراتىپ، كوپتەگەن دوستارىن شينجياڭعا ساياحاتتاي كەلۋگە باۋرادى.
”سايرام كولى ەرەكشە اسەم ەكەن، بەينە كوركەم الاپقا ۇقسايدى ەكەن“. 8 - ايدىڭ 11 - كۇنى شاڭحايلىق ساياحاتشى شى رۇڭ توتەنشە ءسۇيىندى. ول 2 دوسىمەن بىرگە 8 - ايدىڭ 5 - كۇنى شينجياڭعا كەلىپ، ءوزى كولىكپەن ساياحاتتاعان. كوكتوعايدان قاناسقا، ونان سايرام كولىنە دەيىن، جول بويىنداعى كورىنىس ۇشەۋىن قاتتى سۇيىندىرەدى، شى رۇڭعا بۋىرشىننىڭ كەشكى بازارى ەرەكشە اسەر قالدىردى: ”كەشكى ساعات 10، 11 بولعاندا دا كەشكى بازارداعى ادامدار ءالى دە وتە كوپ، كوپ ساندىسى ساياحاتشىلار“.
