تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ سىرتقا جەتكىزگەن جاڭا ەنەرگياسى جيىنى 60 ميلليارد كيلوۆات - ساعاتتان استى

  شينحۋا اگەنتتىگىنىڭ 8 - ايدىڭ 12 - كۇنى ۇرىمجىدەن بەرگەن حابارى (تىلشىلەر دۋ گاڭ، جاڭ شياۋچىڭ). بيىل 7 - ايعا دەيىن، ەلىمىزدەگى جەل ەنەرگياسى مەن كۇن ەنەرگياسى مول شينجياڭنىڭ سىرتقا جەتكىزگەن جاڭا ەنەرگيا ەلەكتر مولشەرى جيىنى 62 ميلليارد 672 ميلليون كيلوۆات - ساعات بولعان. ەلىمىزدىڭ ەنەرگيانى ۇنەمدەپ، لاس زاتتاردىڭ ىعىستىرىلۋىن ازايتۋ جانە ەنەرگيا بايلىعىن ساپالى جايعاستىرۋ جاعىندا، شينجياڭنىڭ اتقاراتىن رولى بارعان سايىن ماڭىزدى بولىپ كەلەدى.

  2010 - جىلى، 750 كيلوۆولتتىق شينجياڭ مەن باتىس تەرىستىكتى تۇتاستىراتىن ءبىرىنشى ارنا سالىنىپ بولىپ ىسكە قوسىلىپ، شينجياڭ ەلەكتر تورىنىڭ جەكە - دارا اينالىم جاساۋ تاريحىن اياقتاتتى. كەلەسى جىلى جاڭا ەنەرگيانى وسى وتكەل ارقىلى شاعىن كولەمدە سىرتقا جەتكىزۋ جۇزەگە اسىرىلدى. 2014 - جىلى 1 - ايدا قۇمىلدىڭ وڭتۇستىگىنەن جىڭجوۋعا دەيىنگى 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسى ىسكە قوسىلىپ، جاڭا ەنەرگيانى زور كولەمدە سىرتقا جەتكىزۋ ءداۋىرى باستالدى.

  ءۇرتىس بىرنەشە جىل بويى ”شينجياڭنىڭ ەلەكترىن سىرتقا جەتكىزۋ”دىڭ جالپى كولەمى بارعان سايىن كەڭەيىپ، جاڭا ەنەرگيانىڭ يەلەيتىن ارا سالماعى دا بارعان سايىن جوعارىلادى. اسىرەسە، بىلتىر جاڭا ەنەرگيا ناق بۇيىم ساۋداسى، باتىس سولتۇستىك شينجياڭعا كومەكتەسۋ ەلەكتر كۇشى قامباسى ارقىلى شينجياڭنىڭ جاڭا ەنەرگياسى اناعۇرلىم كەڭ كولەمدە ساپالى جايعاستىرىلۋ مۇمكىندىگىنە يە بولدى.

  اۆتونوميالى رايوندىق دامۋ جانە رەفورما كوميتەتىنىڭ ساندى مالىمەتىندە كورسەتىلۋىنشە، قازىر شينجياڭنىڭ جەل ەلەكتر گەنەراتور اگراگات سيىمدىلىعى 19 ميلليون 251 مىڭ كيلوۆات، فوتوۆولتتىق ەلەكتر گەنەراتور اگراگات سيىمدىلىعى 10 ميلليون 216 مىڭ كيلوۆات بولىپ، جاڭا ەنەرگيا گەنەراتور اگراگاتتارى مەملەكەت بويىنشا الدىڭعى قاتاردان ورىن العان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى