ارمان ءۇشىن قۇلشىنا كۇرەستى

− شينجياڭ جۇڭتاي توبى توقسۇن نىڭحۋا سەرىكتەستىگى كاربيد سەحىنىڭ كەزەكشى بانجاڭى سايپيدىن يسىرايىل جونىندە

　　ول سيلىق مىنبەسىندە مەملەكەتتىك ەڭبەك ۇلگىسى؛ پەش باسىندا قىزمەتىن تىڭعىلىقتى ىستەپ، جاۋاپكەرشىلىگىن ادا ەتكەن پەش جۇمىسشىسى. ”داڭقىم قانشا كوپ بولسا دا تامىرىم سەحتا، پەشتىڭ قاسىندا بولامىن، بۇل ماڭگى وزگەرمەيدى“. بۇل شينجياڭ جۇڭتاي توبى توقسۇن نىڭحۋا سەرىكتەستىگى كاربيد سەحىنىڭ كەزەكشى بانجاڭى سايپيدىن يسىرايىلدىڭ ۇنەمى ايتاتىن ءسوزى.

■ قۇلشىنا ۇيرەنىپ، ۇزدىككە اينالدى

　　كىشكەنتايىنان اتاسىن سۇيەنىش ەتكەن سايپيدىن تۇرمىستىڭ قىسپاعى سالدارىنان ورتالاۋ مەكتەپتى تامامداعاننان كەيىن - اق سىرتقا شىعىپ جۇمىس ىستەۋ جولىن تاڭدايدى. 2009 - جىلى سايپيدىن شينجياڭ جۇڭتاي توبى توقسۇن نىڭحۋا سەرىكتەستىگىنىڭ پەش جۇمىسشىسى بولادى.

　　گرۋپپاعا جاڭادان بولىنگەن كەزىندە سايپيدىن بىردەن - ءبىر از ۇلت جۇمىسشىسى ەدى. مەملەكەتتە ءبىر تۇتاس قولدانىلاتىن ءتىل ورەسى جوعارى بولماعاندىقتان، باسقالاردان اقىل سۇراعاندا تۇسپالداپ قانا تۇسىنەتىن. سايپيدىن مەملەكەتتە ءبىر تۇتاس قولدانىلاتىن ءتىلدى قۇلشىنا ۇيرەنىپ، تەحنيكانى قۇلشىنا زەرتتەپ، قارت ۇستازداردان كاربيد پەشىنىڭ جانىنا شىلانعان كاربيدتى وڭدەپ پەشتەن شىعارۋدا قايتكەندە كۇش ۇنەمدەۋگە بولاتىنى، پەشتىڭ كوزىن قايتكەندە تەز بەكىتۋگە بولاتىنى تۋرالى كەڭەس سۇرايدى. ءبىر جىلعا جەتپەي ول باندەگى پەش جۇمىسشىلارىنىڭ ىشىندەگى ۇزدىككە اينالىپ، پەش اشۋ گرۋپپاسىنىڭ باستىعى بولادى.

　　ءبىر جولى جۇمىس ۋاقىتىندا سايپيدىن مەن قىزمەتتەستەرى پەشتىڭ كوزىنەن كاربيد شىعارا المايتىن قيىن ماسەلەگە ۇشىرايدى. سايپيدىن دەرەۋ بانجاڭدى، تەحنيكتى جۇمىس باسىنا شاقىرىپ كەلىپ، پەش كوزىن اۋىستىرىپ، وتتەگىن ۇرلەيدى، بىرنەشە رەت سىناسا دا ناتيجە شىقپايدى. جۇمىستان تۇسكەن سوڭ، سايپيدىننىڭ تاماققا دا تابەتى تارتپايدى، ءۇرتىس بىرنەشە كۇن كوپشىلىكپەن بىرگە وسى ماسەلەنى تالقىلايدى. ”ءبىز ءار كەزەكتە 7 − 8 پەشتى اشقاندا عانا، كاربيد پەشى ورنىقتى بولادى ءارى پەش اشۋ قيىن، پەشتىڭ كوزى بەكىتىلمەيتىن ماسەلەلەر كەزدەسپەيتىن بولادى“. ءبىر كۇنى ول ءوزىنىڭ ويىن كوپشىلىككە ايتتى، كوپشىلىك سوندا عانا بارىپ ءتۇسىندى، بان، گرۋپپا پەش اشۋ رەت - سانىن جۇيەگە ءتۇسىردى. كوپ جىلداردان بەرى، كاربيدتى پەشتە قانداي ماسەلە كورىلسە دە سايپيدىن اقىل - ءادىس تاۋىپ، شەشىم ەتىپ وتىردى.

■ ”كومەكتەسۋ جانە جەتەكتەۋدى جالعاستىرۋ“دى بەلسەنە ورىستەتتى

　　سايپيدىن قىزمەتتە، ءسوزسىز، ۇجىمعا سۇيەنۋ، ءوزى العا باسۋمەن بىرگە، باسقا جولداستارعا دا بەلسەنە كومەكتەسىپ، جەتەكتەپ العاباسۋ كەرەك ەكەنىن ابدەن ءبىلدى.

　　2014 - جىلى سەرىكتەستىككە كەلگەنىنە كوپ ۋاقىت بولماعان اراپات اڭكى - تاڭكى بولىپ ءجۇردى. ول: ”سول كەزدە بان، گرۋپپانىڭ قۇرىلىس قىزمەتىن ونشالىق ءتۇسىنىپ جەتپەدىم، ءار كۇنى قىزمەت ىستەۋدەن سىرت، كۋرسقا قاتىناسامىن، قاتتى شارشادىم، باسىم دا وتە اۋىر. سايپيدىن ۇستازدىڭ بولۋى قانداي جاقسى بولدى، ول ماعان باستان - اياق شابىت بەردى، كومەكتەستى“، - دەدى. اراپاتتىڭ ءۇيى توقسۇن اۋدانىنىڭ جىلاندى قالاشىعىندا تۇرادى، ءار كۇنى جۇمىسقا بارىپ - كەلگەنگە وتە قولايسىز، زاۆودتىڭ ماڭىنان ءۇي الۋعا قولى قىسقا بولدى. سايپيدىن مۇنى بىلگەننەن كەيىن، وعان بىلاي دەدى: ”سەرىكتەستىكتە جۇمىسشىلارعا جالعا بەرىلەتىن ءۇي بار، باعاسى لايىقتى، تۇرۋعا قولايلى، ءۇي الۋعا اسىعىپ كەتپە، سەرىكتەستىكتە تاباندى ىستەسەڭ، ءبىر - ەكى جىلدان سوڭ ءۇي الاتىن اقشانىڭ العاشقى تولەۋىنىڭ باسىن قۇرايسىڭ“.

　　سايپيدىن تەبىرەنە بىلاي دەدى: اراپاتتىڭ كەشىرمەسى مەنىڭ كەشىرمەممەن ۇقساپ كەتەدى ەكەن، اراپاتتىڭ قازىرگى كەشىرمەلەرىن بۇرىن مەن دە باسىمان كەشىرگەنمىن، اراپاتتىڭ اڭكى - تاڭكى كۇي كەشۋى مەندە دە بولعان، ءوز كەشىرمەلەرىم ارقىلى اراپاتتى جىگەرلەندىرۋدى، وعان كومەكتەسۋدى ءۇمىت ەتتىم. سايپيدىن اراپاتپەن ۇنەمى سەرىكتەستىكتىڭ بىرنەشە جىلدان بەرگى وزگەرىسى جانە ءوزىنىڭ وسى قىزمەت ورنىنداعى جەتىستىكتەرىمەن ورتاقتاساتىن، بىرتە - بىرتە اراپاتتىڭ ۋايىمى دا جوعالدى.

■ اناعۇرلىم كوپ ادامنىڭ ارمانىن ورىنداۋىنا كومەكتەسۋدى ويلادى

　　ءبىر كۇنى اراپات سايپيدىنگە: ”ۇستاز، مەن دە ءسىز سەكىلدى ۇزدىك بولىپ، اۆتونوميالى رايوننىڭ، بۇكىل مەملەكەتتىڭ سيلىق مىنبەسىنە شىعىپ سيلىق السام دەيمىن“، - دەدى. بۇل ءسوز سايپيدىندى ەرەكشە اسەرلەندىردى، ول كوپتەگەن ادامعا كومەكتەسىپ، كوپشىلىكتى ارمانعا تالپىندىرۋعا بەل بۋادى.

　　بۇرىن كيىم ءبۇتىن، قارىن توق ماسەلەسىن شەشىم ەتۋ سايپيدىننىڭ ەڭ ۇلكەن ارمانى ەدى؛ قازىر ءاربىر قىزمەتتى تىڭعىلىقتى ىستەۋ ونىڭ ارمانىنا اينالدى. سايپيدىن بىلاي دەدى: ”2017 - جىلى 3 - ايدا بەيجيڭگە بارىپ ءبىر جىل ءبىلىم اسىرعاننان كەيىن، ەڭبەك ۇلگىسى جونىندەگى تانىمىمدى وزگەرتتىم. ەڭبەك ۇلگىسى تەك قانا اتاق بولىپ قانا قويماي، ەڭ ماڭىزدىسى، جاۋاپكەرشىلىك بولىپ تابىلادى، مەن، ءسوزسىز، جاقسى ۇيرەنىپ، اناعۇرلىم ۇزدىك بولىپ، الداعى جەردە ءتىپتى كوپ كومەككە مۇقتاج جاندارعا كومەكتەسەمىن“.

　　ەگىنشىدەن كاسىپ سالاسىنىڭ جۇمىسشىسى بولۋ سايپيدىن جونىنەن ايتقاندا، كەسەك داڭقتاردىڭ ارتىندا ءوزىنىڭ ارمانعا قانات قاققان بارىسى، ءومىرىنىڭ قايتا قايتالاي تۇلەۋ بارىسى تۇرعان ەدى. بيىل 2 - ايدا سايپيدىن كەريا اۋدانى سيەك اۋىلىنا قىستاققا تۇرۋ قىزمەتىنە ءوتىنىش بەردى، ول ءوزىنىڭ ۇيرەنگەن ءبىلىمى ارقىلى اۋىلداستاردى كەدەيلىكتەن ارىلتىپ، اۋقاتتانۋعا باستاۋدى ءۇمىت ەتتى.