− جىجياڭ ولكەسىنەن شينجياڭعا كومەككە كەلگەن كادر يە شياڭفا تۋرالى
2017 - جىلى 2 - ايدا يە شياڭفا كورىكتى شيزىحۋدىڭ بويىنان تەمىر شىڭى باۋرايىنا كەلىپ، شينجياڭعا كومەكتەسۋ ساپارىن باستاپ كەتتى. 3 جىلدان بەرگى ماشاقاتتى قۇلشىنۋ جىجياڭداعى 3 ءىرى كاسىپ سالاسىنىڭ شينجياڭعا كومەكتەسۋدەگى تىرەگىنىڭ ءبىرى بولعان كەدەيلىكتەن دالمە - ءدال ارىلتۋعا كومەكتەسەتىن ”10 مىڭ مۋ، 100 ميلليون يۋان“ كىرىس ارتتىرۋ ينجەنەرياسىنىڭ ءونىمىنىڭ كورنەكتى بولۋىنا مۇمكىندىك جاساپ، اقسۋ ايماعىندا كەدەيلىكتەن ارىلتۋدان قامال الۋ بارىسىندا قويۋ ءتۇس الاتىن ەڭبەك قالدىردى.
■ شەكارا وڭىرگە ناقتى ءىس ىستەۋدى ويلادى
”مەن شينجياڭعا كومەكتەسۋگە بارماقشىمىن، جاقىندا اتتانامىن“. 2016 - جىلى 8 - ايدىڭ ءبىر كۇنى يە شياڭفا ۇيىنە قايتىپ كەلگەننەن كەيىن ايەلىنە وسى ءسوزدى ايتتى، ءبىراق ايەلى ەستىگەننەن كەيىن مۇلدە قۇپتامادى. ول تاعى 60 نەشە جىلدىق پارتيا ستاجى بار اكەسىمەن اڭگىمەلەستى، كاريا بىلاي دەدى: ”كوممۋنيستەر سانالىلىقتى دارىپتەۋى كەرەك، بارۋعا بەكىگەن ەكەنسىڭ، وندا جولىڭنان قالما“. اتتاناردا ايەلى جاڭادان ساتىپ العان مامىق شاپاندى الىپ شىعىپ: ”ۇيدە مەن بارمىن، سەن شينجياڭعا بارعاندا وزىڭە كوڭىل ءبول“، - دەدى. ايەلىنىڭ ءسوزى جەر ورتاسى جاسىنا كەلىپ قالعان يە شياڭفانىڭ جانارىنا جاس ىركىلتتى.
اقسۋعا العاش كەلگەندە يە شياڭفا ايماقتىق عىلىم - تەحنيكا مەكەمەسىنىڭ ۇسىنىسىمەن جىجياڭ ولكەسىنىڭ عىلىم - تەحنيكادا ارنايى جىبەرىلگەن قىزمەتكەر ءتۇزىمىنىڭ تابىستى بولۋىنىڭ تاجىريبەلەرىن جانە اتقارىلۋىن تانىستىردى. ساباقتان كەيىن كۋرسانتتار يە شياڭفانى جەمىس باقشاسىن ەكسكۋرسيالاۋعا ۇسىنىس ەتتى. يە شياڭفا اتىز ارالىعىنىڭ ءبار جەرىندە جەمىس اعاشىنىڭ بۇتاقتارى ايقاسىپ جاتقانىن كورەدى، ازىقتىق ساڭىراۋقۇلاقتاردى عىلمي زەرتتەۋ نىسانىن باسقارۋ جۇمىسىمەن ۇزاق ۋاقىت اينالىسىپ كەلگەن يە شياڭفا مۇنىڭ اسا زور بايلىق قاينارى ەكەنىن سەزگىرلىكپەن اڭعارادى. وعان قۇرعاق وڭىردەگى قالىڭ اعاش اراسىنا قارا ساڭىراۋقۇلاق ەگىپ، اينالمالى شارۋاشىلىقتى دامىتۋ سىندى ءبىر باتىل وي كەلەدى.
يە شياڭفا تەكسەرۋ - زەرتتەۋدى تاباندا ورىستەتەدى. الايدا ازىقتىق ساڭىراۋقۇلاق وسىرۋدە اۋانىڭ دىمقىلدىعىنا بولعان تالاپ ءبىرشاما جوعارى بولادى، اقسۋدىڭ اۋا تەمپەراتۋراسى جوعارى دا قۇرعاق، قارا ساڭىراۋقۇلاق ءوسىرۋدىڭ حاۋپى مەن قيىندىق دارەجەسى جوعارى. قۇرعاق وڭىردە قارا ساڭىراۋقۇلاق جىپشەسىن ءوسىرۋدىڭ زاڭدىلىعىن يگەرۋ جانە ىلعالدىقتى ءونىمدى تۇردە مەڭگەرۋ يە شياڭفانىڭ الدىنا قويىلعان تاقىرىپ بولدى.
■ قارا ساڭىراۋقۇلاق ءوسىرۋ تەحنيكاسىن زەرتتەۋگە كۇش شىعاردى
ىستەيمىن دەگەن ءىسىن تىندىرماي تىنبايتىن يە شياڭفا تاجىريبەسىن باستاپ كەتتى. ول كوپ ءتۇرلى جەمىس اعاشىنىڭ بۇتاقتارىن جيناپ، جىجياڭ ولكەلىك اۋىل شارۋاشىلىق عىلىم اكادەمياسىنداعى ازىقتىق ساڭىراۋقۇلاق ماماندارىنا جىبەرىپ، ولاردان قارا ساڭىراۋقۇلاق تاياقشاسىن جاساۋعا كومەكتەسۋىن وتىنەدى. جارتى ايدان استام ۋاقىتتان كەيىن، ساڭىراۋقۇلاق جىپشەسىنىڭ تاماشا جەتىلگەندىگى، جىجياڭ ولكەلىك اۋىل شارۋاشىلىق عىلىم اكادەمياسىنىڭ ساڭىراۋقۇلاق تاياقشاسىن تەز ارادا اقسۋعا جىبەرىپ جالعاستى تاجىريبە جاسايتىندىعى جونىندە قۋانىشتى حابار تارالادى.
ۋاقىتتى ۇتۋ جانە قاراجاتتى ۇنەمدەۋ ءۇشىن، يە شياڭفا تاجىريبە ورنىن جىجياڭ ولكەسىنىڭ شينجياڭعا كومەكتەسۋ الدىڭعى جاق قولباسشىلىق ورنىنىڭ ارتقى اۋلاسىنداعى تالدىڭ استىنا ورنالاستىرادى. ساڭىراۋقۇلاق جىپشەسى جەتىلدىرىلگەن ءبىر ايدان استام ۋاقىتتا، ول ءار كۇنى ون نەشە ساعات جۇمىس ىستەيدى.
يە شياڭفا جالعاستى 3 ايدان استام ۋاقىت تاباندىلىقپەن تاجىريبە جاساپ، نەشە ون مىڭ ساندى مالىمەت توپتايدى، تاجىريبە جاسالعان 30 ساڭىراۋقۇلاق تاياقشاسىنان ءبىرىنشى توپتاعى جاس قارا ساڭىراۋقۇلاق ءوسىپ شىعىپ، كورسەتكىشى بەلگىلەنگەن نىساناعا جەتەدى نەمەسە ونان دا جاقسى بولىپ، قارا ساڭىراۋقۇلاقتى جاساندى جولمەن ءوسىرۋدىڭ تەحنيكالىق جولى جانە ءادىسى العاشقى ادىمدا تابىلادى. قارا ساڭىراۋقۇلاقتى جاساندى جولمەن ءوسىرۋدى اقسۋ ايماقتىق پارتكوم مەن اكىمشىلىك مەكەمەسى كەدەيلىكتەن دالمە - ءدال ارىلتۋعا كومەكتەسەتىن ”10 مىڭ مۋ، 100 ميلليون يۋان“ كىرىس ارتتىرۋ ينجەنەرياسى ەتىپ بەلگىلەپ، جىجياڭ ولكەسىنىڭ كەلەلى عىلىم - تەحنيكا نىساندارىن ءتۇيىندى تۇردە سۇيەمەلدەۋىنە ءوتىنىش بەردى. اقسۋ ايماعى شينجياڭ داشۋەسى عىلىم - تەحنيكا شۋەيۋانىنىڭ اقسۋداعى مەكتەپ رايونىنان ”10 مىڭ مۋ، 100 ميلليون يۋان“ ينجەنەرياسىنىڭ تەحنيكالىق زەرتتەۋ ورتالىعىن قۇرىپ، ءوندىرۋ، وقىتۋ، زەرتتەۋ ءبىر تۇلعالانعان تەحنيكا اشۋ ۇلگىسىن قالىپتاستىردى.
■ جالپىلاستىرۋ جولىن اشتى
تاجىريبە ءساتتى بولعاننان كەيىن، يە شياڭفا جالپىلاستىرۋ جولىن قاراستىرا باستادى. ەگىنشىلەردى بۇرىن ىستەپ كورمەگەن جاڭا ىسپەن شۇعىلداندىرۋ وڭاي بولعان جوق. يە شياڭفا سىناق ءتۇيىنى بولعان 2 اۋدانداعى بارلىق اۋىل - قالاشىقتى ارالاپ، ەگىنشىلەرگە ەگۋ تەحنيكاسىن ۇگىتتەدى جانە ولاردى باۋلىدى، ءبىراق ”مەن تاعى دا ويلانىپ كورەيىن“، ”باسقالار ەككەننەن كەيىن مەن ەگەيىن“ دەگەن سوزدەردى ول ەڭ كوپ ەستيتىن.
امالى تاۋسىلعاندا، يە شياڭفا اۆتونوميالى رايوندىق پارتكوم ۇيىمداستىرۋ ءبولىمىنىڭ ءۇشتۇرپان اۋدانى العا قالاشىعى تومەنگى مەكىت قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنەن كومەك سۇرادى. قىزمەت اترەتىنىڭ باستىقتارى يە شياڭفامەن اقىلداسقاننان كەيىن، ءبىر توپ ساڭىراۋقۇلاق تاياقشاسىن تەگىن تاراتىپ، ۇلگى كورسەتىپ، جالپىلاستىرۋ جولىمەن ءجۇرۋ بەكىمىنە كەلەدى.
اۆتوكولىك شىرعالاڭىنا ۇشىراپ سال بولىپ قالعان، تۇرمىسىندا قيىنشىلىعى بار قىستاق تۇرعىنى ءمۇتاللىپ مۇنىڭ پايداسىن الدىمەن كورەدى. يە شياڭفانىڭ قولما - قول ۇيرەتۋىمەن، 2017 - جىلى جازدا ءمۇتاللىپ 1700 ساڭىراۋقۇلاق تاياقشاسىن ەگىپ، 3 ايعا جەتپەيتىن ۋاقىتتا 8500 يۋاننان استام كىرىس كىرگىزىپ، قىستاقتا ەداۋىر ءدۇمپۋ قوزعايدى. 2018 - جىلى كۇزدە قارا ساڭىراۋقۇلاق ەگۋ تەحنيكاسى اقسۋ ايماعىندا جاپپاي جالپىلاستىرىلىپ، 100 نەشە كەدەي قىستاقتاعى 5000 كەدەي وتباسىن قامتىپ، 30 مىڭعا جۋىق ادامدى كەدەيلىكتەن ارىلۋعا باستايدى.
تەحنيكانى جالپىلاستىرۋ بارىسىندا شالعايداعى اۋىل - قىستاقتار يە شياڭفانىڭ ”تۇراعىنا“، اتىز اراسىنداعى جەرلەر ونىڭ ”كەڭسەسىنە“ اينالادى، يە شياڭفا اقسۋ ايماعىنداعى 8 اۋدان، ءبىر قالاداعى 100گە جۋىق قىستاقتى ارالاپ، 400 نەشە ديقان وتباسىنا بارىپ، 1800دەن استام اداممەن جولىعادى.
شينجياڭعا كومەكتەسكەننەن بەرى، يە شياڭفا شينجياڭعا كومەكتەسۋدى قىزمەت، جۇمىس ورنىن شەپ، ۇلەس قوسۋدى بورىش دەپ ءبىلىپ، اقسۋ ايماعىنداعى ءار ۇلت بۇقاراسىنا كوڭىل تولارلىق جاۋاپ قايتاردى.
