بۇل شينجياڭنىڭ قىزمەتتىك قىلمىستىڭ ىزىنە ءتۇسۋ، ارام ولجانى قايتارىپ اكەلۋدە قاشىپ جۇرگەن قىلمىستىنىڭ تۇڭعىش رەت ىرىقتىلىقپەن ءوزىن مالىمدەپ، قىلمىسىن مويىنداۋى
ءتىلشى جاۋ جىيۇن 8 - ايدىڭ 18 - كۇنى ۇرىمجىدەن حابارلايدى. اۆتونوميالى رايوننىڭ شىرىكتەسۋگە قارسى تۇرۋدى سايكەستىرۋ گرۋپپاسى حالىقارالىق ىزىنە ءتۇسۋ، ارام ولجانى قايتارىپ اكەلۋ كەڭسەسىنىڭ ءبىر تۇتاس ورنالاستىرىپ سايكەستىرۋىندە، تارباعاتاي ايماعى، ءدوربىلجىن اۋدانى ەكى دارەجەلى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ تالماي قۇلشىنىس جاساۋىندا، 19 جىل جاسىرىنىپ قاشىپ جۇرگەن قىزمەتتىك قىلمىس كۇماندىسى حۋاڭ ۋىنجۇن 8 - ايدىڭ 10 - كۇنى ىرىقتىلىقپەن ءوزىن مالىمدەپ، قىلمىسىن مويىندادى. ول رايونىمىزدىڭ قىزمەتتىك قىلمىستىڭ ىزىنە ءتۇسۋ، ارام ولجانى قايتارىپ اكەلۋ قىزمەتىن ورىستەتكەننەن بەرى، ىرىقتىلىقپەن ءوزىن مالىمدەپ، قىلمىسىن مويىنداعان تۇڭعىش قاشقىن قىلمىستى.
حۋاڭ ۋىنجۇن، ەر، 1966 - جىلى 12 - ايدىڭ 20 - كۇنى تۋىلعان. تارباعاتاي ايماعى ءدوربىلجىن اۋداندىق قۇبىر سۋ سەرىكتەستىگىنىڭ بۇرىنعى ديرەكتورى. تەكسەرۋ ارقىلى حۋاڭ ۋىنجۇن قىزمەت قولايلىلىعىنان پايدالانىپ ۇكىمەت اقشاسىن يەمدەنىپ العان، ونىڭ بۇل ارەكەتىنە قيانات ىستەۋ قىلمىسىن وتكىزگەن دەگەن كۇمان تاعىلدى. 2000 - جىلى 3 - ايدا حۋاڭ ۋىنجۇن قىلمىسىنان قورقىپ جاسىرىنىپ قاشىپ، ءىز - دەرەكسىز كەتتى. 2000 - جىلى 4 - ايدا تارباعاتاي ايماعى ءدوربىلجىن اۋداندىق حالىق پروكۋراتۋراسى حۋاڭ ۋىنجۇنگە دەلو تۇرعىزىپ بارلاۋ جۇرگىزدى. مەملەكەتتىڭ باقىلاۋ - تەكسەرۋ ءتۇزىلىسى رەفورماسىنان كەيىن، تارباعاتاي ايماقتىق، ءدوربىلجىن اۋداندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ارناۋلى القا قۇرىپ، حۋاڭ ۋىنجۇننىڭ ىزىنە ءتۇسۋ، ارام ولجانى قايتارىپ اكەلۋ قىزمەتىن ۇزدىكسىز ورىستەتتى. زاڭنىڭ ايبارى مەن ساياساتتىڭ اسەرلەندىرۋىنىڭ ارقاسىندا، حۋاڭ ۋىنجۇن ىرىقتىلىقپەن ءوزىن مالىمدەپ، قىلمىسىن مويىندادى.
اۆتونوميالى رايوننىڭ ىزىنە ءتۇسۋ، ارام ولجانى قايتارىپ اكەلۋ كەڭسەسىنىڭ جاۋاپتىسى مىنانى ءبىلدىردى: حۋاڭ ۋىنجۇننىڭ ىرىقتىلىقپەن ءوزى مالىمدەپ، قىلمىسىن مويىنداۋى مەملەكەتتىڭ باقىلاۋ - تەكسەرۋ ءتۇزىلىسى رەفورماسىنان تۋىنداعان ەرەسەن ايبار مەن تۇزىمدىك ارتىقشىلىقتى تولىق ايگىلەدى. كەلەسى قادامدا اۆتونوميالى رايوننىڭ ىزىنە ءتۇسۋ، ارام ولجانى قايتارىپ اكەلۋ كەڭسەسى ورتالىق ىزىنە ءتۇسۋ، ارام ولجانى قايتارىپ اكەلۋ كەڭسەسىنىڭ ورنالاستىرۋلارىن، تالاپتارىن مۇقيات دايەكتىلەندىرىپ، تياناقتاندىرىپ، رايونىمىزدىڭ قىزمەتتىك قىلمىس وتكىزىپ قاشىپ كەتكەندەردىڭ ىزىنە ءتۇسۋ، ارام ولجانى قايتارىپ اكەلۋ ارناۋلى ارەكەتىن تىڭعىلىقتى ورىستەتەدى. سونىمەن قاتار، قىزمەتتىك قىلمىس كۇمانىمەن قىلمىس ارقالاپ قاشىپ جۇرگەندەرگە بوس قيالدان ارىلىپ، جاعدايدى جىعا تانىپ، ورايدى قاستەرلەپ، ىرىقتىلىقپەن ءوزىن مالىمدەپ، قىلمىسىن مويىنداپ، كەڭشىلىك ەتۋ ورايىنا يە بولۋعا تاعى دا ءناسيحاتتايمىز.
