تيانشان تورى   ›   جاڭالىقتار   ›   شينجياڭ حابارلارى

ومىرگە اراشاشى بولعان اق حالاتتى پەرىشتە

− قۇمىل قالاسى ورتالىق شيپاحاناسى سالماقتى ناۋقاستار شيپاگەرلىك ءبولىمىنىڭ مەڭگەرۋشىسى جاڭ رۇڭ تۋرالى

شينجياڭ گازەتىنىڭ قۇمىل تىلشىلەر پۋنكتىنەن ما جىجۋان

  ”دۇنيەگە كەلۋ، كارتەيۋ، اۋرۋ، كوز جۇمۋ ادام ومىرىندەگى تابيعي جاعداي ەكەنىن بىلە تۇرسام دا، ءبىراق مەن مۇمكىندىكتىڭ بارىنشا ناۋقاستاردىڭ ومىرىنە اراشاشى بولعىم كەلەدى“، - دەدى شيپاگەرلىكپەن 29 جىل اينالىسقان قۇمىل قالاسى ورتالىق شيپاحاناسى سالماقتى ناۋقاستار شيپاگەرلىك ءبولىمىنىڭ مەڭگەرۋشىسى جاڭ رۇڭ، - ”سالماقتى ناۋقاستار شيپاگەرلىك بولىمىندە قىزمەت ىستەۋدە كەمەلدى كاسىپتىك بىلىمدەردى ازىرلەۋمەن بىرگە، مەيىرىمدى، سابىرلى جانە ۇقىقپتى بولۋ كەرەك“.

  سالماقتى ناۋقاستار شيپاگەرلىك بولىمىندە قىزمەت ىستەگەن 13 جىلدان بەرى، بيىل 52 جاستاعى جاڭ رۇڭ قىزمەتكە بار ىقىلاسىن سالىپ، مىندەتىن، بورىشىن تولىق ادا ەتىپ كەلدى، ونىڭ شيپاگەرلىك ءمورالى مەن شيپاگەرلىك ونەرى كاسىپتەستەرىنىڭ مويىنداۋىنا، ناۋقاستاردىڭ سەنىمىنە يە بولدى، كوپ رەت اۆتونوميالى رايوندىق تاڭداۋلى كومپارتيا مۇشەسى، قۇمىل قالالىق تاڭداۋلى كومپارتيا مۇشەسى اتاعىنا يە بولدى ءارى اۆتونوميالى رايوندىق 9 - رەتكى پارتيا قۇرىلتايىنىڭ ۋاكىلىنە سايلاندى.

  جاڭ رۇڭ ءار كۇنى ەمدەۋ قىزمەتكەرلەرىن باستاپ ناۋقاستار بولمەسىن ارالاپ، ءاربىر ناۋقاستىڭ جاعدايىن ەگجەي - تەگجەيلى ۇعىسىپ، قۇتقارۋ، ەمدەۋ جوباسىن دەر كەزىندە رەتكە سالىپ وتىرادى. ”جاڭ مەڭگەرۋشى قىزمەتكە كەلسە، ءبىز تىنىستاپ قالامىز، ناۋقاستار مەن وتباسىنداعىلار تىپتەن الاڭسىز بولادى“، - دەدى سالماقتى ناۋقاستار شيپاگەرلىك ءبولىمىنىڭ شيپاگەرى پارعۋزات ءانۋار. جاڭ رۇڭنىڭ قول تەلەفونى 24 ساعات اشىق تۇرادى، كەزەكشى شيپاگەرلەر شەشە المايتىن ماسەلەلەرگە ءدوپ كەلگەندە، دەرەۋ جاڭ رۇڭعا تەلەفون شالادى، ءتۇن ورتاسى بولسادا، ول سابىرلىلىقپەن ءتۇسىندىرىپ، شۇعىل جاعداي تۋىلا قالسا، دەرەۋ جەتىپ كەلىپ ءبىر جايلى ەتەدى.

  سالماقتى ناۋقاستار شيپاگەرلىك بولىمىندەگى ەمدەۋ - كۇتۋ قىزمەتكەرلەرى ءار كۇنى جۇعىمدالۋ قاتەرىنە ءدوپ كەلەدى. جاڭ رۇڭ ءوزى ونەگە بولىپ، وزىنە قاتاڭ تالاپ قويۋمەن بىرگە، بولىمدەگى ەمدەۋ - كۇتۋ قىزمەتكەرلەرىنەن ناۋقاس جەتكىزىلگەن كەزدە جاعداي قانشاما ۋشىعىپ تۇرسادا، شۇعىل قۇتقارۋ بولىمىنەن شىققان كەزدە، ءۇستى - باستارىنىڭ رەتتى، جيناقى بولۋىن تالاپ ەتتى.

  ”جاڭ مەڭگەرۋشىنىڭ شوگەل، مۇقيات پوزيتسياسى ءبارىمىزدى سۇيىندىرەدى، ول ۇنەمى بىزگە سالماقتى ناۋقاستار شيپاگەرلىك بولىمىندە قىزمەت ىستەۋدەگى تايانىشىمىز جاۋاپكەرشىلىك دەيدى“، - دەپ ءسوزىن ساباقتاعان سالماقتى ناۋقاستار شيپاگەرلىك ءبولىمىنىڭ جاۋاپتى شيپاگەرى حۋاڭ چياڭ بىلاي دەدى: كوپتەگەن سالماقتى ناۋقاستار شيپاحاناعا جەتكىزىلگەندە ەس - ءتۇسسىز كۇيدە جاتادى، ناۋقاستىڭ اماندىعى ءۇشىن، وتباسىنداعىلاردىڭ كىرىپ كەزدەسۋىنە بولمايدى، ناۋقاستىڭ جاعدايىن بۇكىلدەي ەمدەۋ - كۇتۋ قىزمەتكەرلەرى يگەرىپ وتىرادى جانە ونى وتباسىنداعىلارعا جەتكىزەدى، كۇندەلىكتى تۇرمىستا دا ەمدەۋ - كۇتۋ قىزمەتكەرلەرىنىڭ قارايلاسۋىنا سۇيەنەدى.

  2017 - جىلى كوكتەمدە 5 جاستاعى ءبىر ۇل بالا تۇرعىندار عيماراتىنان قۇلاپ ءتۇسىپ، جامباسى تايىپ، قۇرساق قۋىسىنان قان شىعادى، سالماقتى ناۋقاستار شيپاگەرلىك بولىمىنە جەتكىزىلگەننەن كەيىن، جاڭ رۇڭ ەمدەۋ - كۇتۋ قىزمەتكەرلەرىن باستاپ شۇعىل ءبىر جايلى ەتۋگە كىرىسەدى، كوپ وتپەي ۇل بالا دا قاتەردەن امان قالادى. جاڭ رۇڭ ۇل بالانى اكەسىنىڭ جالعىز باعىپ - قاعىپ جاتقانىن ۇعىسادى. وسىدان كەيىنگى 3 − 4 كۇندە ول ۇنەمى ۇل بالامەن اڭگىمەلەسىپ، وعان ۇساق - تۇيەك تاعامدار، ويىنشىق ساتىپ الىپ بەرەدى، بۇكىل بولىمدەگى ەمدەۋ - كۇتۋ قىزمەتكەرلەرى ونىڭ اسەرىندە مەيىر جەتكىزۋ توبىنا قاتىناسادى، ۇل بالا كوپشىلىكتىڭ قامقورلىعىندا كوپ وتپەي ساۋىعىپ شيپاحانادان شىعادى.

  بيىل 6 - ايدىڭ باسىندا ناۋقاس لي جيان ونە - بويىنىڭ جايسىزدانىپ تۇرعانىن سەزەدى، وتباسىنداعىلار ونى قۇمىل قالاسى ورتالىق شيپاحاناسىنىڭ جەدەل دياگنوز قويۋ بولىمىنە جەتكىزەدى، سوڭىنان سالماقتى ناۋقاستار شيپاگەرلىك بولىمىنە اۋىستىرىلادى. سول كەزدە لي جياننان ەستەن تانۋ بەلگىسى بايقالادى، جاڭ رۇڭ ۇزاق جىلدىق تاجىريبەسىنە نەگىزدەلىپ، ناۋقاس نەسەپ جۇيەسى قابىنىپ، ىرىڭنەن ۋلانىپ ەسىنەن تانعان بولۋى مۇمكىن دەپ تۇجىرىم جاسايدى. ول سابىرلىلىقپەن ەمدەۋ - كۇتۋ قىزمەتكەرلەرىنە جەتەكشىلىك ەتىپ ناۋقاستى شۇعىل قۇتقارۋعا كىرىسەدى ءارى ىشكى اۋرۋلار ءبولىمىنىڭ، نەسەپ اۋرۋلارى ءبولىمىنىڭ شيپاگەرلەرىن جەدەل بىرگە دياگنوز قويۋعا سايكەستىرىپ، ناۋقاستىڭ اۋرۋ سەبەبىنىڭ قانتتى نەسەپ اۋرۋى، قاندا قانت قۇرامىنىڭ جوعارىلاۋى قاتارلى سىرقاتتاردىڭ سەبەبىنەن نەسەپ جۇيەسىنىڭ شۇعىل قابىنعاندىعىن تەكسەرىپ انىقتايدى، ەمدەۋ ارقىلى ناۋقاس قاتەردەن امان قالادى.

  سالماقتى ناۋقاستار شيپاگەرلىك بولىمىندە قىزمەت ىستەۋدە وراسان زور رۋحاني قىسىمعا ءتوزۋ كەرەك، كەيدە شاراسىز قالاتىن، ساتسىزدىككە ۇشىراپ تورىعاتىن كەزدەر دە بولادى. جاڭ رۇڭنىڭ ەسىندە قالۋىنشا، بىرنەشە جىلدىڭ الدىندا 15 جاستاعى ءبىر قىز بالا قابىنۋ سيپاتتى جۇرەك ىشكى قابىعىنىڭ قابىنۋ ناۋقاسىنا شالدىعىپ ەمدەلۋگە جەتكىزىلگەن، جاڭ رۇڭ مەن ەمدەۋ - كۇتۋ قىزمەتكەرلەرىنىڭ دەن قويا قارايلاسۋىندا، قىز بالا ناۋقاسى جاقسارعانداي بولعانىمەن، ءبىراق سوڭىندا اجالدىڭ شەڭگەلىنەن قاشىپ قۇتىلا المايدى. گۇلدەي عۇمىردىڭ كوز الدىنان ۇشىپ وتكەنىن كورگەن جاڭ رۇڭ قاتتى كۇيزەلەدى.

  ”ءومىر مەن ءولىم اراسىندا قولىمنان كەلەرى وتە شەكتى، تەك قانا ءوزىمنىڭ ەڭ ۇلكەن قۇلشىنىسىم ارقىلى ناۋقاستارعا كومەكتەسەمىن، مەيلى ناتيجەسى قالاي بولسىن، ۇجدانىما داق تۇسىرمەسەم بولدى“، - دەيدى جاڭ رۇڭ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“
  • باتىس سولتۇستىك مۇناي الابى: جوعارى ساپالى دامۋدىڭ ەنەرگيا جاۋابىن قۇلشىنا جازۋدا
  • كورلانىڭ ەرىكتى قىزمەت وتەۋى وركەنيەت ماركاسىنا اينالدى