− بيڭتۋان 5 - شى شۋاڭحى قالاسى 84 - تۋان 7 - ليان پارتيا ياچەيكاسىنىڭ ورىنباسار شۋجيى، ليانجاڭ ۋاڭ پيڭ تۋرالى
ءتىلشى جاڭ شياۋيان ەرىكتى ءتىلشى جياڭ شياۋۋي
بيىل جازدا كوپتەگەن اقپارات قۇرالدارىنىڭ تىلشىلەرى ۋاڭ پيڭگە تىلشىلىك ىستەگەندە: ”ءسىز كەزىندە بيڭتۋانعا تامىر تارتۋدى قالاي ويلادىڭىز؟“، ”مەملەكەتتىك تاڭداۋلى كوممۋنيستىك پارتيا مۇشەسى، مەملەكەتتىك ەڭبەك ەرى رەتىندە، ءسىز اۋەلگى ماقسات پەن بورىشتى امالياتتا قالاي ايگىلەدىڭىز؟“ دەپ سۇراعاندا، ۋاڭ پيڭ مۇنىڭ بارىنە اشىق داۋىسپەن جاۋاپ بەردى.
30 جىلدان بەرى، ەڭ العاشىندا كۇندىك جۇمىس ىستەۋدەن جەردى كوتەرمەگە العانعا، جىلجىمالى جان سانىنان بيڭتۋاننىڭ قىزمەتشىسى بولعانعا، بۇقارادان كوممۋنيستىك پارتيا مۇشەسى بولعانعا، ەڭبەك شەبەرىنەن تۋان - الاڭىنداعى اۋقاتتانۋعا باستاۋشى بولعانعا دەيىن... بۇگىنگى كۇندە بيڭتۋان 5 - شى شۋاڭحى قالاسى 84 - تۋان 7 - ليان پارتيا ياچەيكاسىنىڭ ورىنباسار شۋجيى، ليانجاڭى ۋاڭ پيڭ بۇقارانى ەسىنەن شىعارمادى.
■ اۋقاتتانعاندا بۇقارانى ەستەن شىعارمادى
2018 - جىلى ۋاڭ پيڭ ”مەملەكەتتىك 10 تاڭداۋلى شارۋا“ بولىپ باعالاندى، ول بيڭتۋاننان وسى زور داڭققا يە بولعان بىردەن - ءبىر قىزمەتشى. سيلىققا يە بولعاننان كەيىن، ايرىقشا تەبىرەنگەن ۋاڭ پيڭ ەڭ الدىمەن تۋان الاڭىنداعى جۇمىسشى - قىزمەتشىلەردىڭ، بۇقارانىڭ وزىنە جاساعان كومەگىن ەسكە الدى.
1988 - جىلى، ورتا مەكتەپتى تاۋىسقان ۋاڭ پيڭ بىرنەشە اۋىلداسىمەن بىرگە سىچۋان ولكەسىنەن بيڭتۋانعا كەلىپ جۇمىس ىستەيدى. كەلە سالعان كەزىندە توپىراق ۇيدە تۇردى، اۋەلى، كورپە - جاستىعى دا جوق بولاتىن، توسەككە سابان توسەپ، ۇستىنە توسەنىش جامىلدى. ول توڭعانىنان جاۋراعان كەزىندە، ليان - دۇيدىڭ ءبىر قىزمەتشىسى وعان كورپە اكەلىپ بەردى. ”وسى ءىس كۇنى كەشەگىدەي ەسىمدە، ماڭگى ۇمىتپايمىن“، - دەدى ۋاڭ پيڭ تەبىرەنە.
ليان - دۇيدىڭ جۇمىسشى - قىزمەتشىلەرىنىڭ قول ۇشىن بەرىپ ۇيرەتۋىندە، دەن قويا كومەكتەسۋىندە، ۋاڭ پيڭ ءبيداي، جۇگەرى، پيگىمەنتتى كۇرەڭكەي ەگۋ تەحنيكاسىن بىرتىندەپ يگەردى... 1995 - جىلى ۋاڭ پيڭ ليان - دۇيدە ەڭ الدىمەن توقتام جاساسىپ، بىرنەشە 100 مۋ جەردى كوتەرمەگە الدى. ول قاجىرلىلىقپەن قۇلشىنا ىستەسە بولعانى تابىسقا جەتەتىندىگىنە كامىل سەندى، ءبىر جاعىنان، تاڭ اتقاننان كەش باتقانشا جۇمىس ىستەسە، ەندى ءبىر جاعىنان، ۋاقىت شىعارىپ عىلمي ەگىنشىلىك بىلىمدەرىن مۇقيات ۇيرەندى، ليان - دۇيدىڭ تەحنيگىنەن دە ۇنەمى اقىل سۇراپ تۇردى.
عىلمي ەگۋدىڭ، قاجىرلىلىقپەن ەڭبەكتەنۋدىڭ ناتيجەسىندە، ۋاڭ پيڭنىڭ تۇرمىسى بارعان سايىن جاقسارىپ، ليان - دۇيدەگى اۋقاتتانۋعا باستاماشى بولدى. بىرتىندەپ اۋقاتتانعان ول كوپشىلىككە سي كورسەتۋدى قاشاندا ەستەن شىعارمادى، ول جۇمىسشى - قىزمەتشىلەرگە، بۇقاراعا مول ءونىم الۋ تاجىريبەلەرىن ۇيرەتىپ، ىلگەرىندى - كەيىندى قيىنشىلىعى بار جۇمىسشى - قىزمەتشىلەردىڭ ميلليون يۋاننىڭ ۇستىندەگى ءوندىرىس قاراجاتىن تولەي تۇردى.
2012 - جىلدان باستاپ، ۋاڭ پيڭ ءار جىلى 50 مىڭ يۋاندى ”ۋاڭ پيڭ كومەكتەسۋ - سۇيەمەلدەۋ قورى“نىڭ جۇمىس باستاۋ قارجىسى ەتىپ، ليان - دۇيدەگى قارجىعا ءزارۋ جۇمىسشى - قىزمەتشىلەرگە، بۇقاراعا كومەكتەستى، ونىڭ جەتەكتەۋىندە ليان - دۇيدەگى ەگىنشىلىك وتباسىلارى مەن باعىمشىلىق وتباسىلارى جاپا - تارماعاي قارجىلاي كومەك ەتتى.
ۋاڭ پيڭ تەبىرەنە: مەن قيىنشىلىققا جولىققاندا، جۇمىسشى - قىزمەتشىلەر، بۇقارا ىقىلاسپەن كومەكتەستى، باسقالار قيىنشىلىققا جولىققاندا مەن دە، ءسوزسىز، كومەكتەسۋىم كەرەك، - دەدى.
■ الەۋمەتتىك يگىلىك كومەكتەسۋ - سۇيەمەلدەۋ ىستەرىنە بەلسەنە كىرىستى
8 - ايدىڭ 23 - كۇنى تۇستەن كەيىن، 5 - شى 84 - تۋاننىڭ ۇلتتار ىنتىماعى بىرلەسكەن دوستىق قيمىلى دۋماندى وتكىزىلدى، 13 جاستاعى قازاق قىز ايسانا ەرمىرزا بىرلەسكەن دوستىق قيمىلىندا جانىنداي جاقسى كورەتىن دومبىراسىن شەرتىپ، جۇزىنەن شاتتىق كۇلكىسى ەستى.
2013 - جىلى ۋاڭ پيڭ الەۋمەتتىك يگىلىك قيمىلىندا 84 - تۋان مەكتەبىنىڭ وقۋشىسى ايسانامەن تانىسادى. كىشكەنتاي قىزدىڭ وتباسىندا شەشەسى ەكەۋىنىڭ عانا بار ەكەندىگىن بىلگەننەن كەيىن ۋاڭ پيڭ ولارعا كومەكتەسۋگە بەكيدى.
ايسانانىڭ شەشەسى نۇرگۇل شايعازىنىڭ قىزمەتى جوق بولاتىن، ۋاڭ پيڭ امالىن تاۋىپ ونىڭ قىزمەت تابۋىنا كومەكتەستى، سوڭىندا تۋان الاڭى پارتيا ۇيىمى مەن 84 - تۋان مەكتەبىنىڭ كومەگىندە نۇرگۇل مەكتەپتىڭ ارتقى شەپ قامداۋ بولىمىنەن قىزمەت تاۋىپ، اي سايىن تۇراقتى كىرىس تاباتىن بولدى. ”بۇل قىزمەت مەن ءۇشىن وتە ماڭىزدى، قىزمەتكە شىققان العاشقى كۇنى اسەرلەنگەنىمنەن جىلاپ جىبەردىم“، - دەدى نۇرگۇل كوپشلىككە.
بىلتىر ۋاڭ پيڭ نۇرگۇلدى الەۋمەتتىك اۋماققا قىزمەتكە تانىستىردى، ۇيىنە ءتىپتى دە جاقىن بولدى، اي سايىن 2000 يۋاننان استام كىرىس تاپتى.
بىرنەشە جىل ارالاسا كەلە ەكى وتباسى ەتەنە بولىپ، ءارقانداي ىستە ءبىر - ءبىرىن ويلايتىن بولدى، مەرەكە - مەيرامداردا ۋاقىتتارى شىعا قالسا بىرگە شىعىپ ساياحاتتادى.
تاياۋدا، نۇرگۇل ءۇيىن الماستىرماقشى بولدى، ءۇي ساۋداسىنىڭ راسمياتتارىن وتەۋگە قانىق بولماعاندىعى سەبەپتى قينالىپ قالادى. ۋاڭ پيڭ وعان كومەكتەسىپ قاتىستى ادامداردان اقىل - كەڭەس سۇراپ، جارتى اي شاپقىلاپ ءجۇرىپ، سوڭىندا نۇرگۇلدىڭ كوڭىلدەگىدەي جاڭا ءۇي ساتىپ الۋىنا كومەكتەستى.
■ ۇلگىلىك رولىن ساۋلەلەندىردى
”پارتيا 19 - قۇرىلتايىنىڭ بايانداماسىندا جۇمىسشى - قىزمەتشى، بۇقارانىڭ ايتپاقشى بولعان ءسوزى، ىستەمەكشى بولعان ءىسى تۇگەلدەي اۋىزعا الىندى، ءبىزدىڭ بولاشاقتاعى تاماشا تۇرمىسقا تالپىنىسىمىزدى كۇشەيتتى“. 8 - ايدىڭ 23 - كۇنى ۋاڭ پيڭ بىلاي دەدى: ”پارتيامىز حالىق بۇقاراسىنىڭ باقىتىن كوزدەۋدە بۇكىل دۇنيە ءجۇزى كوز تىككەن تابىستارعا قول جەتكىزدى. مەن مەملەكەتىمىزدىڭ بايىعاندىعىن، قۇدىرەتتەنگەندىگىن، كوپشىلىكتىڭ تۇرمىسىنىڭ بارعان سايىن جاقسارعاندىعىن شىنايى سەزىندىم“.
ۋاڭ پيڭ تىلشىگە بىلاي دەدى: نەگىزگى ساتىداعى ليان - دۇيلەردە دە زور وزگەرىستەر تۋىلدى: جۇمىسشى - قىزمەتشىلەر، بۇقارا سۋى، ەلەكترى، جىلۋى، اسحاناسى، تازالىق بولمەسى، مونشاسى بار جاڭا ۇيلەرگە كوشىپ كىردى، اسفالت جول ەسىك الدىنا دەيىن تۇتاستىرىلدى، قاز - قاتار تىزىلگەن عيماراتتار ورمان اراسىنان بوي كوتەرىپ، كورىنىس وزەنى ورمان اراسىندا اعىپ جاتىر، قولى بوساعان كەزدەرىندە جۇمىسشى - قىزمەتشىلەر، بۇقارا الاڭدا دەنە شىنىقتىرىپ، سەرۋەندەيدى. ءوندىرىس، تۇرمىس شارت - جاعدايىنىڭ جاقسارۋىنا ىلەسە، جۇمىسشى - قىزمەتشى، بۇقارانىڭ رۋحاني بەت - بەينەسى دە بارعان سايىن كوتەرىلە ءتۇستى.
”مەن جۇرتىشلىقتىڭ اۋقاتتانۋ سەنىمىن ورناتۋىنا كومەكتەسىپ قانا قويماي، ولاردىڭ اقشا تابۋدىڭ جولىن بىلۋىنە، اۋقاتتانۋدىڭ جولىن تابۋىنا كومەكتەسەمىن“، - دەدى ۋاڭ پيڭ. قازىر جۇمىسشى - قىزمەتشى، بۇقارا باسەكەلەسىپ ىستەيدى، ۇيىمەن، اۆتوكولىگىمەن باسەكەلەسۋدەن تەحنيكا، مادەنيەت ارقىلى باسەكەلەسۋگە ءوتتى.
”مەن پارتيا مۇشەسى اۆانگاردتىق ۇلگىلىك رولىمدى ونان ارى ويداعىداي ساۋلەلەندىرىپ، جۇمىسشى - قىزمەتشى، بۇقارانى اۋقاتتانۋعا، دوڭگەلەك داۋلەتتى ورەگە ۇمتىلىپ، كوپشىلىكتى بىرلىكتە تاماشا تۇرمىس كەشىرۋگە باستايمىن“، - دەدى ۋاڭ پيڭ.
