ءتىلشى يۋان لەي 9 - ايدىڭ 12 - كۇنى ۇرىمجىدەن حابارلايدى. 9 - ايدىڭ 12 - كۇنى اۆتونوميالى رايون جۇندۇڭ وڭىرىندەگى كومىرمەن وڭتۇستىڭ شينجياڭداعى 3 ايماق - وبلىستى توتە قامداۋ جانە وندا توتە ساتۋ قىزمەتىن 2 - رەت ورنالاستىرۋ جونىندە تەلەۆيزور - تەلەفون ءماجىلىسىن اشتى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى ءارى ءسوز سويلەدى.
وڭتۇستىڭ شينجياڭداعى 3 ايماق - وبلىستىڭ كومىرى نەگىزىنەن سولتۇستىك شينجياڭنان تاسىلىپ اپارىلادى، قامدالادى، ورتاداعى بۋىن كوپ، تاسىمال ارالىعى الىس بولعاندىقتان، تالاي جىلدان بەرى كومىردىڭ باعاسى تۇسپەي، جىلۋمەن قامداۋ مەزگىلىندە ءبىر تونناسى 1000 يۋانعا دەيىن جەتتى. اۆتونوميالى رايوندىق پارتكوم مەن ۇكىمەت وڭتۇستىڭ شينجياڭداعى 3 ايماق - وبلىستاعى حالىق تۇرمىسىنا ساياتىن كومىر پايدالانۋ قىمبات بولۋ ماسەلەسىن شەشۋدى ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە تەكسەرىپ قاداعالانىلاتىن ماڭىزدى ماسەلە رەتىندە رەتتەۋ - تۇزەتۋ جۇرگىزىپ، جۇندۇڭ ءوڭىرىنىڭ كومىرىمەن وڭتۇستىڭ شينجياڭداعى 3 ايماق - وبلىستى توتە قامداۋدى جانە وندا توتە ساتۋدى العا قويدى. شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگى، تيانچى ەنەرگيا شەكتى جاۋاپكەرشىلىك سەرىكتەستىگى مارالباسى اۋدانى، قاشقار قالاسى، قاعىلىق اۋدانى، حوتان قالاسى سياقتى جەرلەردە جەكە - جەكە توتە ساتۋ ءتۇيىنىن قۇرىپ، ماڭدايشالىق ءىلىپ باعاسى ەڭ تومەن بولعاندا ءبىر تونناسىن 400 يۋاننان، ەڭ جوعارى بولعاندا ءبىر تونناسىن 460 يۋاننان ساتتى. وڭتۇستىڭ شينجياڭداعى 3 ايماق - وبلىس شوعىرلى ساتىپ الۋعا، تاسىمالداۋعا، ساتۋعا ۇيىمداستىرعاندىقتان، باسىم كوپ قىستاق تۇرعىندارىنىڭ پايدالانىلاتىن كومىردىڭ باعاسى وتكەن جىلدارمەن سالىستىرعاندا ءار تونناسى 200 يۋاننان 300 يۋانعا دەيىن ارزاندادى.
ءماجىلىس مىنالاردى باسا دارىپتەدى: وڭتۇستىڭ شينجياڭنىڭ جىلۋمەن قامداۋ مەزگىلىنە وتۋىنە 2 ايعا جەتپەيتىن ۋاقىت قالدى، قاتىستى وڭىرلەر، تاراۋلار جانە كاسىپورىندار قىزمەتتەگى جاۋاپكەرشىلىك سەزىمدى، كوكەي تەستىلىك سەزىمىن اناعۇرلىم كۇشەيتىپ، كەسەك كومىر ءوندىرۋدى مولايتىپ، ءوندىرىس حاۋىپسىزدىگىنە، جەتكىلىكتى مولشەرمەن قامداۋعا كەپىلدىك ەتىپ، تەمىر جول تاسىمال قۋاتىن ورنالاستىرۋ، سايكەستىرۋ جانە تاس جول تاسىمالىن ۇيىمداستىرۋدى كۇشەيتۋ كەرەك؛ قىزمەت جوباسى مەن شارالارىن اناعۇرلىم اشالاپ، اۋىل - قالاشىق، قىستاق تۇرعىندار كوميتەتى، قىستاقتا تۇراتىن قىزمەت اترەتىنىڭ رولىن تولىق ساۋلەلەندىرىپ، كومىر ساتىپ الۋ توقتامىنا قول قويۋدى جەدەلدەتىپ، كومىركەننەن وتباسىنا جەتكەنگە دەيىنگى كومىردىڭ باعاسىن قاتاڭ مەڭگەرىپ، بۇقارانى كوپتەگەن شىنايى تيىمدىلىكتەن يگىلىكتەندىرۋ كەرەك.
