شينجياڭ مەن بيڭتۋاننان 13 ادام تاڭدالدى
ءتىلشى جاڭ يانفاڭ 9 - ايدىڭ 16 - كۇنى ۇرىمجىدەن حابارلايدى. 9 - ايدىڭ 15 - كۇنى ”ەڭ ارداقتى كۇرەسكەر“دەن ۇيرەنۋ، ۇگىتتەۋ قيمىلىن ۇيىمداستىرۋ كوميسسياسى كەڭسەسى ”ەڭ ارداقتى كۇرەسكەر“گە ۇسىنىلعان كانديداتتاردى جاريالادى، مۇندا 278 جەكە، 22 كوللەكتيۆ قامتىلدى. شينجياڭنان 10 ادام، شينجياڭ ءوندىرىس - قۇرىلىس بيڭتۋانىنان 3 ادام تاڭدالدى.
شينجياڭنان تاڭدالعان ”ەڭ ارداقتى كۇرەسكەر“گە ۇسىنىلعان 10 كانديدات جەكە - جەكە مىنالار: تەڭىز دەڭگەيىنەن ورتاشا بيىكتىگى 4000 مەتردەن اساتىن دوڭگورمە شەكارا جەلىسىندە 50 نەشە جىلدى ءبىر كۇندەي وتكىزگەن شەكارا شارلاۋشىسى، شەكارا كۇزەتشىسى بۇرماحان مولدو، ەشتەڭەدەن تايسالمايتىن قۇربان بەرۋ رۋحىمەن حالىق ساقشىسىنىڭ پارتياعا ادال، حالىققا ادال ايبىندى سەرتىن ايگىلەگەن مەملەكەتتىك قوعام حاۋىپسىزدىگى جۇيەسىنىڭ 1 - دارەجەلى قاھارمان ۇلگىسى عايرات مامۇت، دۇنيە ءجۇزى بويىنشا تۇڭعىش رەتكى جىڭعىل، ەتتى سۇڭعىلا بويىنشا ۇلگى كورسەتۋ بازاسى − كەريا ەتتى سۇڭعىلا ەگىنشىلىك الاڭىن قۇرعان قۇمايتتانۋدىڭ الدىن الۋدىڭ، تىزگىندەۋدىڭ ايگىلى مامانى ليۋ ميڭتيڭ، قارلى ۇستىرتتە ۇزاق ۋاقىت تامىر تارتىپ، ءار ۇلت بۇقاراسىنىڭ قيىنشىلىعىن شەشكەن تاشقورعان تاجىك اۆتونوميالى اۋداندىق قوعام حاۋىپسىزدىگى مەكەمەسى بەلدىر ساقشى بولىمشەسىنىڭ ساياسي جەتەكشىسى نادىربەك اۋازبەك، ۇلتتىق باۋىرلاسىن قۇتقارۋ ءۇشىن ىلگەرىندى - كەيىندى 30 نەشە رەت، 7000 ميلليليتر تەگىن قان بەرگەن بەتيۋن مەدالىنىڭ يەگەرى ۋ دىڭيۇن، ءۇشتۇرپان اۋدانى العا قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ ”ۇلتتار ىنتىماعى، العاباسارلىعىن امالياتتا ايگىلەۋشى“ قۇربان نياز، ءتوراعا ماۋ زىدۇڭنىڭ 2 رەت ىقىلاستى قابىلداۋىندا بولعان قۇربان تۇلىم، نەگىزگى ساتى پروكۋراتۋراسىنا تەرەڭ تامىر تارتىپ، 31 جىل بويى زاڭمەن جونگە سالۋدى تاپجىلماي قورعاعان، ادىلەتتى جاقتاعان ”مەملەكەتتىك ۇلگىلى پروكۋرور“ جاڭ بياۋ، لوپنورعا 3 رەت كىرىپ عىلمي تەكسەرۋ جۇرگىزىپ، شينجياڭنىڭ وسىمدىك ۆيرۋس ءىلىمىن زەرتتەۋگە مىعىم نەگىز قالاعان پىڭ جيامۋ، 10 جىلدى ءبىر كۇندەي وتكىزىپ ”ۇستالىق رۋح“پەن وزىنە تالاپ قويعان تەحنيكالىق شەبەر ۇلگىسى، مەملەكەتتىك ەڭبەك ەرى ساپيدەن يسىرايىل.
شينجياڭ ءوندىرىس - قۇرىلىس بيڭتۋانىنان تاڭدالعان 3 ادام: ”فىڭچياۋ تاجىريبەسىن“ امالياتتا قۇلشىنا ايگىلەگەن مەملەكەتتىك تاڭداۋلى حالىق جاراستىرۋشىسى ليۋ حوۋبين، كەزىندە ءبىر كۇندە 120 مۋ جەرگە ەگىن ەگۋدەي ەڭبەك رەكودىن جاراتقان جاڭا جۇڭگونىڭ ءبىرىنشى بۋىن ايەل اسكەري تىڭ يگەرۋشى جين ماۋفاڭ، تاباندىلىقپەن شەكارا جەلىسىندە مال باعىپ شەكارانى شارلاپ، جيىنى 200 مىڭ كيلومەتردەن استام جول باسقان شەكارا كۇزەتشىسى ۋي دىيوۋ.
جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، وزات ۇلگىلەردەن ۇيرەنۋ، ۇگىتتەۋ قيمىلىن كەڭىنەن ورىستەتۋ ءۇشىن، ورتالىق كوميتەتتىڭ ۇگىت ءبولىمى، ورتالىق كوميتەتتىڭ ۇيىمداستىرۋ ءبولىمى، ورتالىق كوميتەتتىڭ بىرلىكساپ ءبولىمى، ورتالىق پەن مەملەكەت ورگاندارى قىزمەت كوميتەتى، ورتالىق پارتيا تاريحى جانە حۇجات زەرتتەۋ ورنى، وقۋ - اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك كەڭەس مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى، ورتالىق اسكەري ىستەر كوميتەتى ساياسي قىزمەت ءبولىمى ”ەڭ ارداقتى كۇرەسكەر“دەن ۇيرەنۋ، ۇگىتتەۋ قيمىلىن بىرگە ۇيىمداستىرىپ ورىستەتتى. مۇندا جاڭا جۇڭگو قۇرىلعان 70 جىلدان بەرى جەر - جەردەن، ءار كاسىپتەن، ءار سالادان جارىققا شىققان، ءوندىرىستىڭ ءبىرىنشى شەبىندەگى، بۇقارانىڭ ماڭىنداعى وزات ۇلگىلەردى ساراپتاپ، ماداقتاپ - سيلايدى.
قيمىل 6 - ايدىڭ ورتا شەنىنەن باستالىپ، جەر - جەردىڭ، تاراۋلاردىڭ سۇرىپتاپ كورسەتۋى، بۇقارانىڭ توردا داۋىس بەرۋى، ۇيىمداستىرۋ كوميسسياسىنىڭ شوعىرلى قاراپ تەكسەرۋى، ورتالىق پەن مەملەكەت ورگانى قاتىستى تاراۋلارىنىڭ مۇقيات تەكسەرىپ بەكىتۋى ارقىلى ”ەڭ ارداقتى كۇرەسكەر“گە ۇسىنىلاتىن 300 كانديدات كورسەتىلدى.
