تيانشان تورى   ›   جاڭالىقتار   ›   شينجياڭ حابارلارى

اقسۋ ”كۋالىكتى ازايتۋ ارقىلى حالىققا قولايلىلىق جاساپ“، بۇقارانى ناقتى يگىلىككە كەنەلتتى

  ءتىلشى ۋاڭ شينحۇڭ 9 - ايدىڭ 22 - كۇنى اقسۋدان حابارلايدى. ”ساقشى وفيتسەر، مەنىڭ نوپوسىم سىرت جەردە، ال مەن ازاماتتىق كۋالىگىمدى جوعالتىپ الدىم، قالاي تولىقتاپ بىتىرەمىن؟“ 9 - ايدىڭ 9 - كۇنى ونسۋ اۋداندىق اكىمشىلىك قىزمەت وتەۋ ورتالىعىنداعى قوعام حاۋىپسىزدىگى كاسىپتەرىن ءبىتىرۋ تەرەزەسىنە ءبىر ايەل جولداس ەنتىگە جەتىپ كەلدى.

  ”ابىرجىماڭىز، قازىر سىزگە ءبىتىرىپ بەرەمىن“، - دەدى قىزمەت وتەۋ تەرەزەسىندە كەزەكشىلىكتە تۇرعان نوپوس جۇمىستارىن بىتىرەتىن حالىق ساقشىسى لي نان.

  سول كۇنى اقسۋ ايماقتىق اكىمشىلىك قىزمەت وتەۋ ورتالىعىنداعى بازار باقىلاۋ - باسقارۋ مەكەمەسىنىڭ قىزمەت وتەۋ تەرەزەسىندە شينجياڭ كاڭنيڭ ەمدەۋ، ءدارى - دارمەك جەلىلەس شەكتى جاۋاپكەرلىك سەرىكتەستىگى اقسۋ بولىمشە سەرىكتەستىگىنىڭ ءىس ءبىتىرۋشى قىزمەتكەرى ليۋ شان تىلشىگە بىلاي دەدى: ”بۇرىن ءدارى - دارمەك تيجاراتى رۇقسات كۋالىگىن بىتىرگەندە 10 نەشە ءتۇرلى ماتەريال، تاعى ءتۇرلى كوشىرمە نۇسقالاردى اكەلۋىمىز كەرەك ەدى، ءبىر جولدا بىتە قويۋى دا ەكىتالاي بولاتىن. قازىر تەك ءۇش ءتۇرلى ماتەريال دايىنداپ، ءبىر جولدا ءبىتىرىپ الاتىن بولدىق“.

  بيىلدان بەرى اقسۋ ايماعى ”كۋالىكتى ازايتۋ ارقىلى حالىققا قولايلىلىق جاساۋ“ ارناۋلى ارەكەتىن زور كۇشپەن جالپىلاستىرىپ، ايماق، اۋدان ەكى دارەجەلى تەكسەرىپ بەكىتۋ مىندەتى بار ورىنداردى بەلسەنە ۇيىمداستىرىپ، ”التى ءبىر جولاتا“ پرينسيبىنە ساي، اكىمشىلىك رۇقسات ەتۋ، اكىمشىلىك تولەۋ، اكىمشىلىك سيلاۋ، اكىمشىلىك تۇراقتاندىرۋ، اكىمشىلىك تورەلىك ايتۋ جانە باسقا اكىمشىلىك ۇقىق ىستەرىن ءبىتىرۋ كەزىندە كاسىپورىن مەن بۇقارا تاپسىرۋعا ءتيىستى جولداۋ ماتەريالدارىنا، ءتۇرلى كۋالىكتەرگە جانە تاڭبا باسۋ بۋىندارىنا اداقتاۋ جۇرگىزدى. توپقا ءبولىپ باۋلۋعا ۇيىمداستىرۋ ارقىلى شوعىرلاندىرىپ اداقتاۋ، سول جەردىڭ وزىندە جەتەكشىلىك ەتۋ، سول جەردىڭ وزىندە تەكسەرۋ، شوعىرلاندىرىپ زاڭعا سيىمدىلىعىن تەكسەرۋ سياقتى تاسىلدەردى قولدانىپ، كۇشىنەن قالدىرۋعا ءتيىستى ماتەريالداردى ءبىر جولاتا كۇشىنەن قالدىرۋدى ورىندادى؛ سونىمەن بىرگە، ىستەردى ءبىتىرۋ ءتارتىبى، ماتەريال، ۋاقىت شەگى سياقتىلاردى ءبىر تۇتاس جۇيەلىلەندىرىپ، ايماق كولەمىندە ”ۇقساس ولشەمدە قابىلداۋ، ايىرماسىز ءبىتىرۋ“دى ورىندادى.

  جىلجىمايتىن مۇلىكتى تىزىمگە تىركەۋ جانە ساۋدا ىستەرىن تىزىمگە تىركەۋ − اقسۋ قالالىق اكىمشىلىك قىزمەت وتەۋ ورتالىعى زالىنداعى ەڭ دۋماندى ەكى اۋماق. 55 جاستاعى اقسۋ قالا تۇرعىنى ارزىگۇل يبىراھيم مەن جولداسى تەرەزەدە قارجى جيناپ سالىناتىن ءۇيدىڭ جىلجىمايتىن مۇلىك ۇقىعى كۋالىگىن ءبىتىرىپ جاتتى. ”ءبىز ءدال وسى تەرەزەدە ءبىر توپ ماتەريال تاپسىردىق“، - دەيدى ارزىگۇل، ”بۇل شىنىمەن دە وتە قولايلى بولدى!“

  اقسۋ قالالىق اكىمشىلىك قىزمەت وتەۋ ورتالىعى زالىنىڭ جىلجىمايتىن مۇلىكتى تىزىمگە تىركەۋ تەرەزەسىندەگى قىزمەتكەر گو ۋىنتاۋ بىلاي دەيدى: ”بۇرىن جىلجىمايتىن مۇلىك ۇقىعى كۋالىگىن ءبىتىرۋ ءۇشىن جىلجىمايتىن مۇلىكتى تىزىمگە تىركەۋ، تۇرعىن ءۇي جانە قالا، اۋىل قۇرىلىسى (ءۇي مۇلىك ايىرباسى)، سالىق ىستەرى سياقتى 3 تاراۋعا بارىپ، 3 توپ ماتەريال تاپسىرۋشى ەدىك، ءتۇپ نۇسقا، كوشىرمە نۇسقا، انىقتاما، ءوتىنىش كەستەسى سياقتىلار قاجەت بولاتىن. قازىر ءبىز جىلجىمايتىن مۇلىكتى تىزىمگە تىركەۋ ورتالىعى، تۇرعىن ءۇي جانە قالا، اۋىل قۇرىلىسى مەكەمەسى، سالىق ىستەرى مەكەمەسى، رەفورما جانە دامۋ كوميتەتىنىڭ جىلجىمايتىن مۇلىك جۇمىستارىن ءبىتىرۋ ماتەريالدارىن بىرىكتىرىپ، ’ءبىر كەستە‘نى جالپىلاستىرىپ، تۇلعالىق ىقشامدالعان ماتەريالدى %70تەن استامعا جەتكىزىپ، بۇقارانىڭ ءىس بىتىرۋىنە قولايلىلىق جاساۋمەن بىرگە، ءىس ءبىتىرۋ ونىمدىلىگىن دە زور كولەمدە جوعارىلاتتىق“.

  اقسۋ ايماقتىق اكىمشىلىك قىزمەت وتەۋ ورتالىعى پارتيا باسشىلىق گرۋپپاسىنىڭ شۋجيى ليۋ چۇن بىلاي دەپ تانىستىردى: ايماقتىڭ ءوز دارەجەسىندەگى اكىمشىلىك تەكسەرىپ - بەكىتۋگە ساياتىن 37 ورىندا جيىنى 524 تەكسەرىپ - بەكىتۋ ءتۇرى بار، مۇقيات، تىڭعىلىقتى، ءتۇر بويىنشا اداقتاۋ ارقىلى ءتۇرلى انىقتامالىق ماتەريالداردىڭ ىقشامدالۋ سالىستىرماسىن %66.6كە جەتكىزدىك.

  كاسىپورىن مەن بۇقارانى بەيمازا ەتكەن ”كۋالىك ءبىتىرۋ كوپ، ءىس ءبىتىرۋ قيىن بولۋ“ جانە ”باسى ارتىق انىقتاما، قايتالانبالى انىقتاما، قايتالانعان انىقتاما“ سياقتى ماسەلەلەر مۇمكىندىگىنشە شەشىلدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى