تيانشان تورى   ›   جاڭالىقتار   ›   ەل ءىشى حابارى

يە شۋانپيڭ جولداستىڭ سۇيەگى گۋاڭجوۋدا ورتەلدى

يە شۋانپيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن يە شۋانپيڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى

جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، ۋاڭ ياڭ قاتارلىلار گۋاڭجوۋ قالالىق جەرلەۋ ورنىنا بارىپ، سۇيەكپەن قوشتاستى

  شينحۋا اگەنتتىگىنىڭ 9 - ايدىڭ 23 - كۇنى گۋاڭجوۋدان بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق ۋاقىت سىننان وتكەن، ادال كوممۋنيزم جاۋىنگەرى، پرولەتاريات توڭكەرىسشىسى، ەلىمىزدىڭ ەكونوميكالىق قۇرىلىس شەبىنىڭ كورنەكتى باسشىسى، جۇڭگو حالىق ساياسي ءماسليحات كەڭەسى 7 - كەزەكتى، 8 - كەزەكتى، 9 - كەزەكتى مەملەكەتتىك كوميتەتىنىڭ ورىنباسار ءتوراعاسى يە شۋانپيڭ جولداستىڭ سۇيەگى 9 - ايدىڭ 23 - كۇنى گۋاڭدۇڭنىڭ گۋاڭجوۋ قالاسىنداعى جەرلەۋ ورنىندا ورتەلدى.

  يە شۋانپيڭ جولداس ناۋقاس سەبەبىنەن 2019 - جىلى 9 - ايدىڭ 17 - كۇنى ساعات 12دەن 50 مينۋت وتكەندە گۋاڭدۇڭدا 95 جاسىندا قايتىس بولدى.

  يە شۋانپيڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن يە شۋانپيڭ جولداستىڭ قايتىس بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.

  جۇڭگو كوممۋنيستىك پارتياسى ورتالىق كوميتەتىنىڭ تاپسىرۋىمەن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ قاتارلىلار 9 - ايدىڭ 23 - كۇنى گۋاڭجوۋ قالاسىنداعى جەرلەۋ ورنىنا ارناۋلى بارىپ، يە شۋانپيڭ جولداستىڭ سۇيەگىمەن قوشتاستى ءارى تۋىس - تۋعاندارىنان حال سۇرادى.

  9 - ايدىڭ 23 - كۇنى تۇستەن بۇرىن گۋاڭجوۋ قالاسىنداعى جەرلەۋ ورنى قايعىلى جىم - جىرت كۇيگە ەندى، ازالى مۋزيكا باياۋ تولقىپ تۇردى. ورتاڭعى زالدىڭ ءتورىنىڭ جوعارعى جاعىنا «يە شۋانپيڭ جولداسقا قايعىلى ازا بىلدىرەمىز» دەگەن اق ءتۇستى جازۋ جازىلعان قارا كەرمە تۋ ىلىنگەن، كەرمە تۋدىڭ استىنا يە شۋانپيڭ جولداستىڭ سۋرەتى ىلىنگەن. شالقالاي جاتقىزىلعان يە شۋانپيڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، ۇستىنە جۇڭگو كوممۋنيستىك پارتياسىنىڭ نارت قىزىل تۋى جابىلعان.

  تۇستەن بۇرىن ساعات 9 مولشەرىندە ۋاڭ ياڭ قاتارلىلار ازالى مۋزيكا ءۇنى ىشىندە يە شۋانپيڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، يە شۋانپيڭ جولداستىڭ سۇيەگىنە 3 رەت تاعزىم ەتتى ءارى يە شۋانپيڭ جولداستىڭ تۋىس - تۋعاندارىمەن ءبىر - بىرلەپ قول الىسىپ، باس شۋجي شي جينپيڭ قاتارلى ورتالىقتاعى باسشى جولداستاردىڭ يە شۋانپيڭ جولداستىڭ تۋىس - تۋعاندارىنان شىنايى حال سۇرايتىندىقتارىن جەتكىزدى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى جانە گۋاڭدۇڭ ولكەسىندەگى جاۋاپتى جولداستار، يە شۋانپيڭ جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جاڭا قىستاقتىڭ جاڭا كەلبەتى
  • كەمەنى بالىققا تولتىرىپ، مول ونىممەن ورالدى
  • جاڭا ۇيگە كوشتى جاڭا تۇرمىس كەشىردى