تيانشان تورى   ›   جاڭالىقتار   ›   شينجياڭ حابارلارى

ىنتىماق گۇلىن بىرگە ماپەلەپ، باس نىسانانى جۇزەگە اسىرۋدىڭ ايبىندى كۇشىن ۇيىستىردى

− اۆتونوميالى رايوننىڭ جەر - جەرى، جوعارى مەكتەپتەرى ۇلتتار ىنتىماعى، العاباسارلىعى قىزمەتىن ىشكەرىلەي ىلگەرىلەتتى

  2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، بۇكىل رايوننىڭ جەر - جەرى، جوعارى مەكتەپتەرى باس شۋجي شي جينپيڭنىڭ ۇلت قىزمەتى جونىندەگى ماڭىزدى بايىمداۋىن، باس شۋجي شي جينپيڭنىڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنداعى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ۇلتتار ىنتىماعى، العاباسارلىعى قىزمەتىن تىڭعىلىقتى جاقسى ىستەپ، ”ۇلتتار ىنتىماعى بەرەكەلى شاڭىراعى“نىڭ ءىس جۇزىندىك ناتيجەسى ارقىلى ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ قۋاتتى كۇشىن ۇيىستىردى.

■ ۇلتتاردىڭ ارالاسۋىن، ىشتەسۋىن، توعىسۋىن ۇزدىكسىز جەبەدى

  ”جاڭعاق ساتامىز! جاڭعاق ساتامىز! ءوز ءۇيىمىز ەككەن جۇقا قابىقتى جاڭعاق، ءبىر كيلوگرامى 15 يۋان، 7 كيلوگرامى 100 يۋان“. تاياۋ كۇندەردەن بەرى، اتۇش قالاسىنداعى پارتيالى كادرلار ۋيچات دوستار شەڭبەرىندە ”جەرگىلىكتى ەرەكشە ونىمدەر“دى شىعارىپ، جۇپ قۇراعان تۋىستارىنىڭ اۋىل شارۋاشىلىعى ونىمدەرىن ساتۋىنا كومەكتەستى.

  نەگىزگى تاقىرىپتىق تاربيەدە، اۆتونوميالى رايوننىڭ جەر - جەرى باي مازمۇندى ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىن ىشكەرىلەي ورىستەتىپ، ۇلتتار ىنتىماعى قىزمەتىن نەگىزدىك قىزمەت رەتىندە ويداعىداي مىقتاپ يگەرىپ، جاقسى ۇستاۋعا تاباندى بولىپ، ”ۇلتتار ىنتىماعى بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنىڭ تۇزىمدەنۋىن، ۇدايىلانۋىن، ۇزاق ۋاقىت ءونىمدى بولۋىن ۇزدىكسىز ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت بۇقاراسىنىڭ تابىس سەزىمىن، باقىت سەزىمىن كۇشەيتتى.

  10 - ايدىڭ 5 - كۇنى كەشتە، ءپايزاۋات اۋدانى شاپتۇل قالاشىعى جايارىق قىستاعىندا 400دەن استام قىستاق تۇرعىنى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلار ءبىر اراعا شاتتىقپەن باس قوسىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن جانە ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلى وتكىزىلدى، قيمىل 2 جارىم ساعاتقا جالعاسىپ، جۇرتشىلىق شاتتىق قۇشاعىندا تولقىدى.

  ”قازىر قىستاقتا ۇلتتار ىنتىماعى رايى اناعۇرلىم كۇشەيە ءتۇستى“. اۆتونوميالى رايوندىق ساناق مەكەمەسىنىڭ ءپايزاۋات اۋدانى شاپتۇل قالاشىعىنىڭ جايارىق قىستاعىندا تۇراتىن ءبىرىنشى شۋجيى باقتيگۇل يساميدين بىلاي دەدى: نەگىزگى تاقىرىپتىق تاربيە ۇيرەنۋى ارقىلى كوپشىلىك قىستاقتا تۇراتىن كادرلاردىڭ اۋەلگى ماقسات پەن بورىشتى امالياتتا ايگىلەۋىنىڭ نەگىزگى ساتىعا، اۋىل - قىستاقتارعا، الەۋمەتتىك اۋماقتارعا بارىپ، بۇقارانىڭ پىكىرىن تىڭداپ، حالىققا ءتيىمدى ساياساتتاردى تياناقتاندىرىپ، كەدەيلەرگە كومەكتەسىپ، قيىنشىلىعى بارلاردى سۇيەمەلدەپ، قيىنشىلىقتارىن شەشىپ، ۇلتتار ىنتىماعىن جەبەۋ ەكەنىن تانىپ جەتتى.

  10 - ايدىڭ 2 - كۇنى، تاڭ اتا بەرە شينجياڭ راديو - تەلەۆيزيا داشۋەسىندەگى پارتيالى كادرلار يىڭسار اۋدانى ماڭشين قالاشىعى قاراباشلاڭگار قىستاعىنداعى اعاش ساڭىراۋقۇلاق ەگەتىن شارۋالاردىڭ كاسىپتىك سەلبەستىك كووپەراتيۆىنە كەلىپ، قىستاق تۇرعىندارىنىڭ ساڭىراۋقۇلاق تاياقشاسىن رەتتەۋىنە، ارالاسپا ساڭىراۋقۇلاقتاردى جويۋىنا كومەكتەسىپ، بىرگە ەڭبەك ىستەپ، ەرەكشە قاربالاستىققا ءتۇستى.

  شينجياڭ راديو - تەلەۆيزيا داشۋەسى ”ۇلتتار ىنتىماعى بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى سياقتىلاردى سۇيەنىش ەتىپ، نەگىزگى تاقىرىپتىق تاربيەدە ۇلتتار ىنتىماعى ۇگىت - تاربيەسىن جانە ۇلتتار ىنتىماعى، العاباسارلىعىندا وزات ورىن قۇرۋ قيمىلىن تەرەڭدەتتى. تاياۋدا بۇل مەكتەپ جۇپ قۇراپ، تۋىس بولعان 36 كادردى 3 توپ بويىنشا قىستاققا جىبەرىپ، قىستاق تۇرعىندارىمەن باي مازمۇندى بىرلەسكەن دوستىق قيمىلىن وتكىزىپ، قىستاق تۇرعىندارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەنۋگە، ىشكەرىلەي تەكسەرۋ - زەرتتەۋ جۇرگىزىپ، بۇقارانىڭ شۇعىل ىستەرى مەن قيىن ىستەرىن كۇش سالا شەشۋگە ۇيىمداستىرىپ، ءار ۇلت بۇقاراسىمەن سۇيىسپەنشىلىكتى اناعۇرلىم تەرەڭدەتتى.

■ جۇڭحۋا ۇلتى ورتاق تۇلعا تانىمىن ۇزدىكسىز نىعايتتى

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، رايونىمىزداعى جوعارى مەكتەپتەر نەگىزگى تاقىرىپتىق تاربيەدە ۇلتتار ىنتىماعى، العاباسارلىعىندا وزات ورىن قۇرۋدى تەرەڭدەتىپ، ۇلتتار ىنتىماعى تاربيەسى مەن مەكتەپتىڭ ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىلىن ۇشتاستىرىپ، جۇڭحۋا ۇلتى ورتاق تۇلعا تانىمىن نىعايتۋدى نەگىزگى جەلى ەتىپ ءتۇرلى قىزمەتتەردى جاقسى ىستەدى.

  9 - ايدىڭ 22 - كۇنى، شينجياڭ پەداگوگيكا داشۋەسىندە مەكتەپتىڭ پارتيا، اكىمشىلىك باسشىلىق القاسىنىڭ مۇشەلەرىنەن، باسقارما دارەجەلىدەن جوعارى باسشى كادرلاردان جانە وقىتۋشىلاردان 824 ادام وزدەرى بايلانىس ورناتقان فاكۋلتەت، كلاستار اشقان ”اۋەلگى ماقساتتى ۇمىتپاي پارتياعا ىلەسۋ، بورىشتى ەستە بەرىك ساقتاپ باتىل جاۋاپكەرشىلىك ارقالاۋ“ نەگىزگى تاقىرىپتىق تاربيەسى كلاس جيىنىنا جەكە - جەكە قاتىناستى. كلاس جيىنىندا بايلانىس ورناتقان ءبىر وقىتۋشى بىلاي دەدى: ”مەن وقۋ - اعارتۋ قىزمەتكەرىمىن، اۋەلگى ماقساتتان اينىماي، بورىش ارقالاپ، پارتيانىڭ وقۋ - اعارتۋ ىستەرىنە ادال بولىپ، ونەگە كورسەتىپ ادام تاربيەلەۋىم، پارتيا ءۇشىن ادام تاربيەلەۋىم؛ جۇڭحۋانىڭ مادەنيەت گەنىن جالعاستىرىپ، ءار ۇلت وقۋشىلارىنىڭ ەتەنە جاقىن بولىپ، ءوزارا قارايلاسىپ كومەكتەسىپ، مەملەكەتتىڭ، شينجياڭنىڭ دامۋىنا جاستىق ورالدارىن ارناپ، كۇش - قۋاتتارىن قوسۋعا مۇمكىندىك جاسايمىن“.

  شينجياڭ پەداگوگيكا داشۋەسى نەگىزگى تاقىرىپتىق تاربيەدە مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنىڭ رۋحىن مۇقيات دايەكتىلەندىرىپ، تياناقتاندىرىپ، ”ۇلكەن يدەيا - ساياسي“ ارناسىن قۇلشىنا قالىپتاستىرىپ، بۇكىل ادام، بۇكىل بارىس بويىنشا جان - جاقتى ادام تاربيەلەۋدى ىلگەرىلەتىپ، ۇلتتار ىنتىماعى تاربيەسىنىڭ مەكتەپ تاربيەسىنىڭ جالپى بارىسىمەن ساباقتاسۋىن ىلگەرىلەتىپ، جۇڭحۋا ۇلتى ورتاق تۇلعا تانىمىن اناعۇرلىم نىعايتىپ، شينجياڭداعى ءار ۇلت مادەنيەتى جۇڭحۋا مادەنيەتىنىڭ ايىرىلماس ءبىر بولىگى دەگەن يدەيانىڭ ءار ۇلت وقىتۋشى - وقۋشىلارىنىڭ جۇرەگىندە تامىر تارتۋىنا مۇمكىندىك جاسادى.

  ونەگە كورسەتىپ ادام تاربيەلەۋ ءتۇبىرلى مىندەتىمەن تىعىز بايلانىستىرا وتىرىپ، ىلە پەداگوگيكا داشۋەسى پارتكومى 2019 - جىلعى ”مەملەكەت مەرەكەسىن قارسى الۋ، جۇڭچيۋدى قۇتتىقتاۋ“ ۇلتتار ىنتىماعى بىرلەسكەن دوستىق قيمىلىن، ”ايبىندى 70 جىل، اسقاق ارىنمەن ۇدەرە العا ۇمتىلعان جاڭا ءداۋىر“ اتىندا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋعا ارنالعان وقىتۋشى - وقۋشىلاردىڭ قىزىل اندەر جارىسىن وتكىزدى. ءار ۇلت وقىتۋشى - وقۋشىلارى قۋانىشقا شومىپ، ۇلى وتاننىڭ اناعۇرلىم گۇلدەنىپ - كوركەيۋىن بىرگە تىلەدى. ىلە پەداگوگيكا داشۋەسى تاعى ”ۇشكە كىرۋ، ەكىمەن بايلانىس جاساۋ، بىرمەن دوستاسۋ“ قيمىل تۇعىرى ارقىلى وقىتۋشى - وقۋشىلاردىڭ سۇيىسپەنشىلىكتى توعىستىرۋ قيمىلىن ورىستەتتى. سونىمەن قاتار، وتباسىندا ەكونوميكالىق قيىنشىلىعى بار وقۋشىلارعا مەڭزەس، ولاردىڭ ۋاقىتشا قيىنشىلىق جاردەماقىسىن جانە قامقورلىق وقۋ كومەك قاراجاتىن الۋعا ءوتىنىش بەرۋىنە كومەكتەستى.

  التاي قالاسى ۇلتتار ىنتىماعى داڭقتى داستۇرىنە مۇراگەرلىك ەتۋ جانە ونى ساۋلەلەندىرۋدى نەگىزگى تاقىرىپتىق تاربيەنىڭ ”مىندەتتى وقىلاتىن ساباعى“ ەتىپ، ءار ۇلت پارتيالى كادرلارىن توپقا ءبولىپ ”قورجا“ مادەنيەت اۋلاسىن بارىپ كورۋگە، ۇيرەنۋگە ۇيىمداستىردى. كوپشىلىك ءتۇسىندىرۋشىنىڭ تانىستىرۋىن تىڭداپ، ءاربىر فوتو سۋرەتتى، ەستەلىكتى، كونە بۇيىمدى تاپتەشتەي كورىپ، التاي قالاسىنداعى ۇلتتاردىڭ ءبىر ءۇيلى جانداي بولعان حيكايالارىن ىجداعاتپەن سەزىنىپ ءبىلدى.

  التاي قالالىق پارتكوم ۇگىت بولىمىندەگى پارتياعا كىرۋ بەلسەندىسى ايشۋاق تۇرسىن بىلاي دەدى: ”اعا بۋىنداردىڭ ىنتىماقتاسا قاجىرلىلىقپەن كۇرەس جۇرگىزۋ رۋحى ادامدى سۇيىندىرەدى، ءبىز دە تاماشا ءداستۇردى ساۋلەلەندىرىپ، ماڭايىمىزداعى ۇلتتار ىنتىماعىنىڭ ۇلگىلەرىنەن ۇيرەنىپ، بىرگە قونىستانۋ، بىرگە ۇيرەنۋ، بىرگە ىستەۋ، بىرگە شاتتانۋ بارىسىندا ارالاسۋدى، ىشتەسۋدى، توعىسۋدى جەبەۋىمىز كەرەك“.

  ۇلتتار ىنتىماعىن جەبەۋدىڭ ءبىرسىپىىرا جاندى امالياتى ارقىلى رايونىمىزداعى ءار ۇلتتىڭ ارالاسۋى، ىشتەسۋى، توعىسۋى اناعۇرلىم تەرەڭدەپ، ءار ۇلت بۇقاراسىنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمى مەن بەكىمى اناعۇرلىم نىعايدى. نەگىزگى تاقىرىپتىق تاربيەدە قالىڭ پارتيالى كادرلار جابال مىنانى ءبىلدىردى: ءار ۇلت بۇقاراسىن باقىتقا كەنەلتۋ اۋەلگى ماقساتىنان اينىماي، ۇلتتار ىنتىماعى سىندى ”جان تامىر“دى باتىل قورعاپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ قۋاتتى وڭ ەنەرگياسىن توپتايمىز.

  (تىلشىلەر جاۋ جىيۇن، شيا چيڭ، جاۋ شييا، قىزىلسۋ وبلىسىنداعى تىلشىلەر پۋنكتىنەن ۋاڭ كىشيا، ەرىكتى تىلشىلەر جاۋ يىڭ، لي يافىڭ، ۋاڭ يۇيلي، چىن چىن جازعان)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”قوس 11“ جونەلتۋمەن قاربالاس
  • كاسىپتەنۋ جولىن اشتى
  • شينجياڭ ساۋدا - ساتتىق ۇيىرمەسى ”شينجياڭ جاقسى جەر“ نەگىزگى تاقىرىبىندا كورمەگە قاتىناستى
  • كىشكەنە قولعاپ كەدەيلىكتەن ارىلتۋعا دەم بەردى