ءتىلشى لي چۇنشيا 10 - ايدىڭ 11 - كۇنى ۇرىمجىدەن حابارلايدى. 10 - ايدىڭ 11 - كۇنى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋعا قاراعاندا، اۆتونوميالى رايوندىق حالىق ۇكىمەتىنىڭ ماقۇلداۋىمەن، رايونىمىز 2018 - جىلى جۇمىس ۇستىندە جارالانعان (ولگەن) جۇمىسشى - قىزمەتكەرلەردىڭ جۇمىس ۇستىندە جارالانۋىن قامسىزداندىرۋ مامىلەسىن رەتتەگەن، بۇل اۆتونوميالى رايوننىڭ جۇمىس ۇستىندە جارالانعان (ولگەن) جۇمىسشى - قىزمەتكەرلەردىڭ جۇمىس ۇستىندە جارالانۋىن قامسىزداندىرۋ مامىلەسى دەڭگەيىن ءۇرتىس 15 جىل رەتتەۋى ەكەن، مۇندا 8044 ادام يگىلىككە كەنەلەدى.
وسى رەتكى رەتتەۋ كولەمى 2017 - جىلى 12 - ايدىڭ 31 - كۇنىنەن بۇرىن، اي سايىن مۇگەدەك ۇستەمە قاراجاتىنان، تۇرمىستىق كۇتىمدەلۋ قاراجاتىنان، تۋىس - تۋعاندارىنا قارايلاسۋ ءناپاقاسىنان يگىلىكتەنگەن جۇمىس ۇستىندە جارالانعاندار، رەتتەۋ ۋاقىتى 2018 - جىلى 1 - ايدىڭ 1 - كۇنىنەن باستاپ اتقارىلادى.
وسى رەتكى رەتتەۋ ولشەمى تومەندەگىدەي: مۇگەدەك ۇستەمە قاراجات ولشەمى، ايىنا ادام باسىنا ورتاشا ەسەپپەن 194 يۋان قوسىلادى، مۇندا 1 - دەن 4 - دارەجەگە دەيىنگى جۇمىس ۇستىندە جارالانعانداردىڭ ايلىق مۇگەدەك ۇستەمە قاراجاتى ادام باسىنا شاققاندا 3249 يۋانعا جەتەدى؛ تۋىس - تۋعاندارىنا قارايلاسۋ ءناپاقاسى ولشەمى، ايىنا ادام باسىنا ورتاشا ەسەپپەن 84 يۋان قوسىلادى، ادام باسىنا شاققاندا ءناپاقا قاراجات 1410 يۋانعا جەتەدى؛ تۇرمىستىق كۇتىمدەلۋ اقى ولشەمى، ايىنا ادام باسىنا ورتاشا ەسەپپەن 98 يۋان قوسىلادى، تۇرمىستىق كۇتىمدەلۋ اقىسى ادام باسىنا شاققاندا 1644 يۋانعا جەتەدى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى جۇمىس ۇستىندە جارالانۋدى قامسىزداندىرۋ باسقارماسىنىڭ ورىنباسار باستىعى چىن حۇڭياننىڭ تانىستىرۋىنا قاراعاندا جوعارىداعى 3 ءتۇرلى مامىلەنى رەتتەۋ نەگىزىندە، رايونىمىز 2020 - جىلى 1 - ايدىڭ 1 - كۇنىنەن باستاپ، جۇمىس ۇستىندە جارالانعان جۇمىسشى - قىزمەتكەرلەردىڭ جۇمىس ۇستىندە جارالانۋ سەبەبىنەن شيپاحانادا جاتىپ ەمدەلگەندەگى تاماق كومەك قاراجاتى، سونداي - اق ءبىر تۇتاس جوسپارلانعان وڭىرلەردەن باسقا جەرلەردە ەمدەلۋ كەزىندەگى قاتىناس، جاتاق كومەك قاراجاتى ولشەمىن رەتتەيدى ەكەن. ناقتى جاعدايى مىناداي: جۇمىس ۇستىندە جارالانعان جۇمىسشى - قىزمەتكەرلەردىڭ شيپاحانادا جاتىپ ەمدەلگەندەگى تاماق كومەك قاراجاتى ءار ادامعا ءار كۇنى 26.5 يۋانعا رەتتەلدى؛ ءبىر تۇتاس جوسپارلانعان وڭىرلەردەن باسقا جەرلەردە ەمدەلۋ كەزىندەگى قاتىناس اقىسى، پويەزدەگى قاتتى توسەك، جوعارى جىلدامدىقتى پويەز نەمەسە جۇردەك پويەزدىڭ 2 - دارەجەلى ورىندىعى، كەمەنىڭ 3 - دارەجەلى بولمەسى، اۆتوكولىك ناقتى جاعدايعا قاراي ەسەپتەن كوتەرىلەدى، قۇتقارۋ كولىگىنە تالونعا قاراي ％50 تولەنەدى. جاتاق اقىسى ولكە ورتالىعىندا (جوسپارى بولەك جاسالاتىن قالا) ءار ادامعا كۇنىنە 120 يۋان، ايماق، وبلىس، قالادا ءار ادامعا ءار كۇنى 100 يۋان، اۋداندا ءار ادامعا ءار كۇنى 80 يۋان ولشەم بويىنشا ەسەپتەن كوتەرىلەدى.
تالاپقا ساي، جەر - جەر جۇمىس ۇستىندە جارالانعان (ولگەن) جۇمىسشى - قىزمەتكەرلەردىڭ رەتتەلگەن مۇگەدەك ۇستەمە قاراجاتى، تۇرمىستىق كۇتىمدەلۋ اقىسى، تۋىس - تۋعاندارىنا قارايلاسۋ ءناپاقاسى سياقتى 3 ءتۇرلى مامىلە 2019 - جىلى 10 - ايدىڭ سوڭىنان بۇرىن قاتىستى ادامدارعا تاراتىلادى.
