تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

لينا: بار ىنتا - پەيىلىمەن بالدىرعانداردى باپتاعان ”باعبان“

ءتىلشى چىن چىن

  شاۋەشەك قالالىق 2 - بالاباقشاسىنىڭ ورىس وقىتۋشىسى لينا بوبەكتەر تاربيەسىمەن شۇعىلدانعان نەشە ون جىلدان بەرى، بوبەكتەر تاربيەسى ىستەرىن باستان - اياق قىزۋ ءسۇيدى، ول بالاباقشاداعى ءاربىر بالانى ءوز بالاسىنداي كورىپ، اتا - انالاردىڭ جانە بالالاردىڭ سەنىمىنە يە بولدى.

  بالاباقشانىڭ قىزمەتى ۇساق - تۇيەك، قىم - قۋىت، وقىتۋشىنىڭ ءتىپتى دە مول باۋىرمالدىق تانىتىپ، ءاربىر بالانى سابىرلىلىقپەن جانە شوگەلدىكپەن باعۋىنا مۇقتاج.

  ءبىر جولى گيمناستيكا ويناعاندا، كلاستاعى سۋ جۇرەك بالا جىڭ يۇيمىڭ وقياتتا سىمىنا ءسيىپ قويىپ، شەشەسىن ىزدەپ بايبالام سالادى، لينا دەرەۋ ءوزىنىڭ شاپانىن شەشىپ، جىڭ يۇيمىڭدى وراپ كلاسقا الىپ قايتادى، جىلى سۋ اكەلىپ، جىڭ يۇيمىڭدى تازالاپ جۋىپ، وعان تازا سىم كيگىزگەننەن كەيىن، جىڭ يۇيمىڭعا: ”ءبىزدىڭ جىڭ يۇيمىڭ كەرەمەت!“ دەيدى. جىلاپ تۇرعان جىڭ يۇيمىڭ مۇنى ەستىگەندە وكسىگىن باسىپ، كۇلىپ جىبەرەدى.

  جىڭ يۇيمىڭ ۇيىنە قايتقاننان كەيىن، شەشەسىنە: ”لينا مۇعالىم مەنىڭ بالاباقشاداعى شەشەم“ دەدى.

  زەرەك، سۇيكىمدى بالالارعا مەيىر باعىشتاۋدىڭ وڭاي بولارى قاق، الايدا مىنەزى تۇيىق بالالاردى باۋىرعا باسۋدا انا سياقتى ىجداعاتتىلىق تانىتىپ، باۋىرمالدىق كورسەتىپ، سابىرلى بولۋ قاجەت.

  لينانىڭ كلاسىنا كەزىندە چىن كۇن ەسىمدى ءبىر ورىس بالا اۋىسىپ كەلەدى، ونىڭ كىشكەنتايىنان الىستى كورمەۋشىلىك ناۋقاسى وتە اۋىرلاسقاندىقتان، كوپ جاعدايدا ادامداردى داۋىسىنان تانيتىن. لينا چىن كۇننىڭ ءوزىن تومەن سانايتىندىعىن، كۇلۋدى، سويلەۋدى انشا قالامايتىندىعىن بايقايدى.

  لينا كىشكەنتاي چىن كۇندى وزگەرتۋگە، ونىڭ وزىنە سەنىمدىلىك ورناتىپ، تۇرمىسقا دەگەن ەرىك - جىگەرىن ۇشتاۋىنا كومەكتەسۋگە بەل بايلادى. ول كلاستاعى بالالاردى چىن كۇندى جاقىن تارتۋعا، وعان ىزگى نيەت بىلدىرۋگە، كوپشىلىكتى ءوزارا قامقورلىق جاساپ، كومەكتەسۋگە شابىتتاندىردى.

  ءبىر جىلدان استام ۋاقىتتا، لينا ونى ۇزدىكسىز شابىتتاندىرىپ، ونى باتىلدىقپەن ءوز ويىن بىلدىرۋگە جەتەكتەدى، ول ءبىراز العا باسسا بولعانى، لينا ونى قۇشاقتاپ، باسىنان سيپاپ، ءيشارات تىلىمەن وعان وقىتۋشىنىڭ شابىتتاندىرۋىن سەزىندىردى، ول كلاستاعى بالالاردىڭ الدىندا ونى زور داۋىسپەن ماقتادى.

  لينانىڭ شىنايى ەڭبەكتەنۋىندە، چىن كۇن اقىرى باسقالاردى قابىلداۋدى ۇيرەندى، لينا مۇعالىمنىڭ كلاسقا كىرگەندىگىن ەستىگەن زامان، ونىڭ جۇزىنە سۇيكىمدى كۇلكى ءۇيىرىلىپ، ءوزىنىڭ ەڭ ەرەكشە، ەڭ قاراپايىم تاسىلىمەن وقىتۋشىسىنا دەگەن ماحابباتىن بەينەلەدى.

  قازىر چىن كۇن داشۋەدە وقۋدا. ول بىلاي دەدى: لينا مۇعالىمنىڭ داۋىسى مەن ەستىگەن دۇنيەدەگى ەڭ ادەمى داۋىس، مۇنى ماڭگى ۇمىتپايمىن.

  چىن كۇن سياقتى بالالار ءالى دە وتە كوپ، لينانىڭ قول تەلەفونىندا ولاردىڭ سۋرەتتەرى بار. قازىر لينا بوبەكتەر تاربيەسىنىڭ ءبىرىنشى شەبىندە بالالارعا اشىق اسپان، اقشا بۇلت سىزۋدى، بالالار جىرىن ايتۋدى ۇيرەتەدى، كومەككە مۇقتاج بالالارعا كومەكتەسۋدە.

  باۋىرمالدىق − التىن كىلت، بالالار كوڭىلىنىڭ تەرەزەسىن اشا الادى، باۋىرمالدىق تابىستى تاربيەنىڭ قوزعاۋشى كۇشى. جايشىلىقتاعى وقىتۋ قيمىلدارىندا، لينا سۇيىسپەنشىلىكتىڭ بارلىق تاربيەنىڭ نەگىزى ەكەندىگىن امالياتتا ايگىلەدى. اقىلدى، زەرەك بالالار جونىندە ول ماقساتتى تۇردە مىنەزىن، قايرات - جىگەرىن جەتىلدىرەدى؛ مىنەزى بۇيىعى بالالارعا قاراتا ول باۋىرمالدىقتى، سابىرلىلىقتى كىلت ەتىپ، ولاردىڭ كوڭىل تەرەزەسىن اشتى. لينا بالالارعا ويىن ويناعاندا سەرىك، ۇيرەنۋدە وقىتۋشى، تۇرمىستا شەشە بولا ءبىلدى.

  لينا: ”جەر جۇزىندەگى ەڭ قاراپايىم، ەڭ اق كوڭىل − بالا، سەن وعان جاقسى مامىلە جاساساڭ، ول، ءسوزسىز، ساعان دا جاقسى مامىلە جاسايدى. مەن بالالاردىڭ اقاۋسىز، كوڭىلدى ەرجەتۋىن ءۇمىت ەتەمىن. بارلىق بالا ەرجەتەدى، ايتسە دە اقاۋسىز ەرجەتۋ ءۇشىن وقىتۋشى مەن اتا - انا بىرگە قامقورلىق جاساۋى كەرەك“ دەدى.

  لينا تالاي رەت شاۋەشەك قالالىق پارتكوم مەن قالالىق وقۋ - اعارتۋ جۇيەسى جاعىنان تاڭداۋلى پارتيا مۇشەسى، ۇستازدىق ءمورال ونەگەسى، تاڭداۋلى كلاس جەتەكشىسى بولىپ باعالاندى، تالاي رەت تارباعاتاي ايماقتىق ۇلتتار ىنتىماعى، العاباسارلىعىنداعى ۇلگى بولىپ باعالاندى ءارى اۆتونوميالى رايوندىق 7 - كەزەكتى، 8 - كەزەكتى، 9 - كەزەكتى پارتيا قۇرىلتايىنىڭ ۋاكىلدىگىنە كورسەتىلدى. 2013 - جىلى 2 - ايدا، لينا مەملەكەتتىك حالىق قۇرىلتايىنىڭ ۋاكىلى بولىپ سايلاندى. 2014 - جىلى 10 - ايدا مەملەكەتتىك ايەلدەر قۇرىلتايىنىڭ ۋاكىلى بولىپ سايلاندى.

  لينا: ”مەنىڭ ارمانىم − وسى قاراپايىم قىزمەتىمدى مۇقيات، ويداعىداي ىستەۋ“ دەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كاسىپ سالاسىن دامىتىپ، جۇمىستاندىرۋدى جەبەدى
  • ”شينجياڭ ءۇش قىساڭ“ اراتاش سۋ يگىلىگى توراپتىق ينجەنەرياسى تيەكتى بەكىتىپ سۋ جينادى
  • ءۇرىمجى يامالىق تاۋى بۇكىلدەي جاسىلدانۋدى جۇزەگە اسىردى
  • تارباعاتايدىڭ قىس ماۋسىمىنداعى ساياحات ونىمدەرىنىڭ ساۋداسى كۇسەتتەندى
  • ”قوس 11“ جونەلتۋمەن قاربالاس