شەشۋشى شايقاستىڭ شەشۋشى جەڭىسىنە جەتىپ، شىندىققا جۇگىنىپ، ناقتى ءىس ىستەپ، كەدەيلىكتىڭ ىشىندەگى كەدەيلىكتى، قامالدىڭ ىشىندەگى قامالدى بار كۇشپەن الۋ كەرەك
ءتىلشى يۋان لەي 10 - ايدىڭ 17 - كۇنى ۇرىمجىدەن حابارلايدى. 10 - ايدىڭ 17 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ 2019 - جىلعى 10 - رەتكى نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن باسقارىپ اشىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىنىڭ، اسىرەسە، ”ەكىدەن تارىقتىرماۋ، ۇشتە قامتاماسىز ەتۋ“دەگى كورنەكتى ماسەلەلەردى شەشۋ جونىندەگى اڭگىمە ماجىلىستە سويلەگەن ماڭىزدى ءسوزىنىڭ رۋحىن قايتالاي ىشكەرىلەي ۇيرەنىپ، دايەكتىلەندىرىپ، ۇكىمەت جۇيەسىنىڭ دايەكتىلەندىرۋ، تياناقتاندىرۋ قىزمەتىن ورنالاستىردى.
ءماجىلىس مىنالاردى اتاپ كورسەتتى: كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن قول جەتكىزىپ، 2020 - جىلعا بارعاندا ەلىمىزدىڭ قازىرگى ولشەمى بويىنشا اۋىل - قىستاقتاعى كەدەيلەردى كەدەيلىكتەن ارىلتىپ، كەدەي اۋدانداردىڭ كەدەيلىك قالپاعىن تۇگەلدەي الىپ تاستاپ، كەدەيلەر مەن كەدەي وڭىرلەردى بۇكىل ەلمەن بىرگە جاپپاي دوڭگەلەك داۋلەتتى قوعامعا جەتكىزۋ − پارتيامىزدىڭ ايبىندى ۋادەسى، جۇڭحۋا ۇلتى، تۇتاس ادامزات جونىنەن كەلەلى ءمان الاتىن ۇلى ءىس. ۇكىمەت پارتيا باسشىلىق گرۋپپاسى مەن ۇكىمەت كەڭسەسى پارتيا باسشىلىق گرۋپپاسى، سونداي - اق ۇكىمەت جۇيەسىندەگى تاراۋلار، ورىندار ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ ماڭىزدى بايىمداۋلارىنىڭ جانە ماڭىزدى سوزدەرىنىڭ رۋحىن قاز - قالپىندا ويداعىداي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋى بويىنشا، شەشۋشى شايقاستىڭ شەشۋشى جەڭىسىنە قول جەتكىزۋدەي رۋحاني كۇيمەن، شىندىققا جۇگىنىپ، ناقتى ءىس ىستەۋدەي قىزمەت ستيلىمەن كەدەيلىكتىڭ ىشىندەگى كەدەيلىكتى، قامالدىڭ ىشىندەگى قامالدى بار كۇشپەن جەڭىپ، شي جينپيڭ جولداستى ۇيتقى ەتكەن پارتيا ورتالىق كوميتەتى بىزگە تاپسىرعان كەلەلى ساياسي مىندەتتى باتىل تۇردە ويداعىداي ورىنداۋىمىز كەرەك.
ءماجىلىس مىنالاردى باسا دارىپتەدى: نازاريامەن قارۋلانۋدى باستان - اياق ساباقتاستىرىپ، باس شۋجي شي جينپيڭنىڭ ماڭىزدى بايىمداۋلارىنىڭ جانە ماڭىزدى سوزدەرىنىڭ رۋحىن ۇيرەنۋدى ۇزاق مەرزىمدىك مىندەت، كەلەلى ساياسي جاۋاپكەرشىلىك ساناپ، ماڭىزدى ورىنعا قويىپ، ماڭىزدى كۇن تارتىپكە ەنگىزىپ، جان - جاقتى جۇيەلى ۇيرەنۋدى، دەر كەزىندە ىلەسىپ ۇيرەنۋدى، ىشكەرىلەي وي جۇگىرتىپ ۇيرەنۋدى، ءىس جۇزىندىكپەن بىرلەستىرىپ ۇيرەنۋدى ورىنداپ، جەتە ۇيرەنۋ، جەتە ءتۇسىنۋ جاعىنا كۇش سالىپ، ۇيرەنگەندى قولدانا ءبىلۋ جاعىندا ناقتى ونىمدىلىككە تالپىنىپ، شينجياڭنىڭ كەدەيلىكتەن ارىلتۋدان قامال الۋ قىزمەتىنە شىنايى جەتەكشىلىك ەتۋ كەرەك. دالمە - ءدال بولۋ جالپى جوباسىن باستان - اياق ساباقتاستىرىپ، ”ەكىدەن تارىقتىرماۋ، ءۇشتى قامتاماسىز ەتۋ“دى مىقتاپ ارقاۋ ەتىپ، مۇلدە كەدەيلىكتى جويۋدى توڭىرەكتەي وتىرىپ، قازىر اتقارىلىپ وتىرعان كەدەيلەردى سۇيەمەلدەۋ نىساناسىنان، ولشەمىنەن مىزعىماۋعا تاباندى بولىپ، ”التى دالمە - ءدال بولۋ“دى تياناقتاندىرىپ، ”جەتى ءبىر توپ“تى ىلگەرىلەتىپ، ”ۇشتە سەرپىندى ارتتىرۋ“دى ورىنداپ، ”ءۇشتى قامتاماسىز ەتۋ“ جانە اۋىز سۋ حاۋىپسىزدىگى جاعىنداعى ولقىلىقتاردى كۇش سالا تولىقتاپ، كەدەيلىكتەن ارىلتۋدان قامال الۋ مىندەتىن جوعارى ساپامەن ورىنداۋعا شىنايى كەپىلدىك ەتۋ كەرەك. ناتيجەنى بەكەمدەۋدى باستان - اياق ساباقتاستىرىپ، قايتا كەدەيلەسۋدەن ساقتانۋدى ماڭىزدى ورىنعا قويۋدان جازباي، كەدەيلىك تىزىمىنەن شەگىندىرۋ ولشەمىن قاتايتىپ، كەدەيلىكتەن ارىلتۋ ساياساتتارىن ورنىقتىرىپ، كەدەيلىكتەن ارىلتۋدان قامال الۋ مەزگىلى ىشىندە كەدەيلەردى سۇيەمەلدەۋ كۇشىن وزگەرتپەي ساقتاپ، كومەكتەسۋ - سۇيەمەلدەۋ قارىم - قاتىناسىن وزگەرتپەي ساقتاپ، قايتا كەدەيلەسۋدى باقىلاۋ - ولشەۋدى كۇشەيتۋ، حاۋىپ - قاتەردەن ساقتانۋدى جانە ونى تىزگىندەۋدى كۇشەيتۋ، تۇزىمدىك قۇرىلىستى كۇشەيتۋ كەرەك. ماسەلەنى رەتتەۋ - تۇزەتۋدى باستان - اياق ساباقتاستىرىپ، قاتاڭ دا شىنايى بولۋدان جازباي، ماسەلەنى باعدار ەتۋدى كورنەكتىلەندىرىپ، ءالسىز بۋىنداردى كۇشەيتىپ، كۇشتى شوعىرلاندىرا وتىرىپ قامال الىپ، ماسەلەنىڭ بارلىعىن تۇبەگەيلى وزگەرتۋگە، جەتە وزگەرتۋگە، قايتا تۋىلماۋعا شىنايى كەپىلدىك ەتىپ، رەتتەۋ - تۇزەتۋ ارقىلى كەدەيلىكتەن ارىلتۋدان قامال الۋ قىزمەتىنىڭ ساپاسىنىڭ، ونىمدىلىگىنىڭ جاپپاي جوعارىلاۋىن جەبەۋ كەرەك. باقىلاۋدى، ءتارتىپ اتقارۋدى باستان - اياق ساباقتاستىرىپ، پارتيالى كادرلاردىڭ ستيل قۇرىلىسىن ۇزدىكسىز كۇشەيتىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىن ارناۋلى جونگە سالۋ تەبىنىن كۇشەيتىپ، كەدەيلەردى سۇيەمەلدەۋ قىزمەتىنىڭ ناقتىلى، كەدەيلىكتەن ارىلتۋ بارىسىنىڭ تىڭعىلىقتى، كەدەيلىكتەن ارىلتۋ ناتيجەسىنىڭ شىنايى بولۋىن شىن مانىندە ورىنداۋ كەرەك. جاۋاپكەرشىلىكتى تياناقتاندىرۋدى باستان - اياق ساباقتاستىرىپ، كەدەيلىكتەن ارىلتۋدان قامال الۋدىڭ قىزمەت مەحانيزمى مەن باسقارۋ ءتۇزىلىسىن كۇشەيتىپ، كەدەيلەردى قاۋىرت سۇيەمەلدەۋ اۋقىمىنا تاباندى بولىپ، جوعارى مەن تومەن بىرلەسە قيمىلدايتىن، بىرگە يگەرىپ، ورتاق باسقاراتىن مىعىم بىرىككەن كۇش قالىپتاستىرۋ كەرەك.
