− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى جاپپاي زاڭمەن جونگە سالۋدى ىلگەرىلەتكەندىگى تۋرالى
شينحۋا اگەنتتىگىنىڭ تىلشىلەرى ياڭ ۋيحان، لو شا، باي ياڭ، ديڭ شياۋشي
ادىلەت جولمەن جۇرسەڭ، اسپان استىندا تەڭدىك ورنايدى؛ تاماشا زاڭمەن شەبەرلىكپەن جونگە سالۋ حالىقتىڭ تىلەگى.
زاڭمەن جونگە سالۋ − ادامزات وركەنيەتىنىڭ ماڭىزدى تابىسى، وسى زامانعى قوعامدى جونگە سالۋدىڭ پاراسات جاۋھارى. جۇڭگو سىندى كولەمى اسا زور وركەندەپ كەلە جاتقان مەملەكەتتە جۇڭگو كوممۋنيستىك پارتياسىنىڭ باسشىلىعىنداعى مەملەكەتتى جاپپاي زاڭمەن جونگە سالۋ − جۇڭگو تاريحىنداعى مەملەكەتتى جونگە سالۋداعى ءبىر رەتكى تەرەڭ وزگەرىس ءارى جۇڭحۋا ۇلتىنىڭ ۇلى گۇلدەنۋگە قاراي بەت الۋىندا كەم بولسا بولمايتىن بەرىك كەپىل.
2014 - جىلى التىن كۇز 10 - ايدا پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسى اشىلىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى جاپپاي زاڭمەن جونگە سالۋ جوعارى دەڭگەيلى جوباسى جانە ستراتەگيالىق ورنالاستىرۋى جۇرت الدىندا جاپپاي ايگىلەندى.
2018 - جىلى 8 - ايدىڭ 24 - كۇنى باس شۋجي شي جينپيڭ ورتالىق مەملەكەتتى جاپپاي زاڭمەن جونگە سالۋ كوميتەتىنىڭ 1 - رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ورتالىق مەملەكەتتى جاپپاي زاڭمەن جونگە سالۋ كوميتەتىنىڭ قىزمەتى رەسمي جاپپاي باستالىپ، زاڭمەن جونگە سالىناتىن جۇڭگو قۇرىلىسى جۇيەلى، سايكەستى ىلگەرىلەتىلۋدىڭ جاڭا كەزەڭىنە قادام قويدى.
پارتيا 18 - قۇرىلتايىنان بەرى، زاڭمەن جونگە سالۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋىنىڭ نەگىزگى تاسىلىنە اينالىپ، مەملەكەتتى جاپپاي زاڭمەن جونگە سالۋ ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىلىپ، زاڭمەن جونگە سالۋ قۇرىلىسىنىڭ ايبىندى جوباسى بىرتە - بىرتە ءورىس الىپ، بۇكىل پارتيانى، بۇكىل ەلدەگى ءار ۇلت حالقىن ومىرشەڭدىككە تولى، شۇعىلالى زاڭمەن جونگە سالىناتىن جۇڭگونى تۇلعالاۋعا جىگەرلەندىردى.
مەملەكەت نەگىزگى زاڭ كۇنىن بەلگىلەۋدەن نەگىزگى زاڭ ۇگىت اپتالىعىن ورىستەتۋگە، وقۋ جاسىنداعى بالالاردان ەڭكەيگەن كارىگە دەيىن، ورگان، اۋىل - قىستاق، الەۋمەتتىك اۋماق، مەكتەپتەردەن سايتتارعا، ميكروبلوگقا، ۋيچاتقا، كليەنتكە دەيىن ادامداردىڭ بارلىعى زاڭمەن جونگە سالۋ قۇرىلىسىنا ات سالىساتىن، تۇتاس قوعامدا جاپپاي زاڭ جالپىلاستىراتىن جاعداي جەدەل قالىپتاسىپ كەلەدى. زاڭ بويىنشا ءىس ىستەۋ، ىسكە جولىققاندا زاڭدى ىزدەۋ، ماسەلەنى شەشكەندە زاڭدى قولدانۋ، قايشىلىقتاردى شەشكەندە زاڭعا سۇيەنۋ سىندى زاڭمەن جونگە سالۋ ۇستانىمى تۇتاس قوعامدا كوكتەم جاڭبىرىنداي جۇرت جۇرەگىنە ءنار بەردى.
جول الىس بولعانىمەن، ءسوزسىز، جەتۋ كەرەك؛ جۇرەكتەگى تىلەككە ارەكەت ەتكەندە، ءسوزسىز، جەتۋگە بولادى.
مەملەكەتتى جاپپاي زاڭمەن جونگە سالۋدى ىلگەرىلەتۋ − ۇزاق ۋاقىتتىق ءارى جاپالى ستراتەگيالىق مىندەت، اسىرەسە، تەرەڭ دە كەلەلى قوعامدىق وزگەرىس.
2020 - جىلعا دەيىن فۋنكتسياسى عىلمي، ۇقىق پەن جاۋاپكەرشىلىگى زاڭدا بەلگىلەنگەن، زاڭدى قاتاڭ اتقاراتىن، ءادىل، تۋراشىل، پاك، جوعارى ءونىمدى، زاڭعا بويسۇناتىن ادال دا سەنىمدى زاڭمەن جونگە سالىناتىن ۇكىمەت نەگىزىنەن قۇرىلادى...
2035 - جىلعا دەيىن زاڭمەن جونگە سالىناتىن مەملەكەت، زاڭمەن جونگە سالىناتىن ۇكىمەت، زاڭمەن جونگە سالىناتىن قوعام نەگىزىنەن قۇرىلادى، ءار جاقتاعى ءتۇزىم اناعۇرلىم كەمەلدەنىپ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋ نەگىزىنەن جۇزەگە اسادى...
كەلگەن جولعا قايىرىلىپ قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى جاپپاي زاڭمەن جونگە سالۋ نازارياسى مەن امالياتىنىڭ جاڭا ءورىسىن اشتى. قوعامنىڭ گۇلدەنىپ - دامۋىنا، مەملەكەتتىڭ باياندى تىنىشتىعىنا جاڭا جاعداي اشتى.
بولاشاققا نازار سالساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭا داۋىردەگى زاڭمەن جونگە سالىناتىن جۇڭگو قۇرىلىسى كوركەيىپ كەلەدى، ونىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا اناعۇرلىم پارمەندى مىعىم كەپىل ازىرلەيتىندىگىندە داۋ جوق.
(شينحۋا اگەنتتىگىنىڭ 10 - ايدىڭ 21 - كۇنى بەيجيڭنەن بەرگەن حابارى)
