− وڭتۇستىك شينجياڭداعى ءبىر كەدەي شارۋانىڭ ەكى ءتۇرلى تۇرمىس كۇيى جونىندە
شينحۋا اگەنتتىگىنىڭ تىلشىلەرى جاڭ شياۋلۇڭ، جاڭ شياۋچىڭ
جاپ - جاسىل دۇمبە ءبيداي جەر بەتىن جاۋىپ، التىنداي سارى توراڭعى اعاشى قۇم توبەشىكتەرگە ءار بەرىپ، تيانشاننىڭ وڭتۇستىگىندەگى شۇرات كۇز بوياۋىنا قانىق مالىندى. تاكلاماكان ءشولىنىڭ وڭتۇستىك جيەگىندەگى لوپ اۋدانى جاڭا باق قىستاعىنداعى جۇرتتىڭ ءبارى اتىزدا قاربالاستانىپ جاتقاندا، ”80 - جىلداردان كەيىن تۋىلعان“ ەگىنشى ابىلاحات ابدۇللا تەك عانا ۇيىندە بولىپ، مىناۋ قاۋىرت ءونىم جيناپ جاتقان مەزگىلگە ارالاسا المادى.
ابىلاحات جىل بويى حوتان قالاسىنداعى ءبىر ەلەكتر اۋىستىرۋ پۋنكتىندە جۇمىس ىستەيدى، كىرىسى ەگىن سالۋدان الدەقايدا جوعارى. ايەلى ءبىر ايدىڭ الدىندا 400 − 500 كيلومەتر شالعايداعى ماقتا ەگەتىن وڭىرگە ماقتا تەرۋگە كەتتى دە، ول حوتان قالاسىنان ۋاقىتشا قايتىپ كەلىپ، بالاباقشادا وقيتىن 2 بالاسىنا قارادى. وسى ارالىقتا ونىڭ اسقازان اۋرۋى قوزعالىپ، قىستاق شەتىندە تالىپ قالادى، قىستاق كادرلارى ونى شيپاحاناعا شۇعىل قۇتقارۋعا الىپ بارادى، شيپاگەر وعان، ءسوزسىز، قولىنداعى بارلىق شارۋاسىن توقتاتىپ قويىپ، ۇيدە جاتىپ تىنىعۋدى تاپسىرادى.
2005 - جىلدان بۇرىن ابىلاحات قىستاقتىڭ وڭتۇستىگىندەگى اچچىق تاۋىندا تۇرمىس كەشىرەتىن. وتباسىنداعى جازاتايىمدىقتان، ول كىشكەنتايىنان كوكەسىنىڭ ءۇيىنىڭ اسىراۋىندا بولىپ، باستاۋىش مەكتەپتىڭ 5 - جىلدىعىندا وقۋدان قول ءۇزىپ، قويشى بولادى. تاۋدا ەلەكتر جوق، قۇبىر سۋى تىپتەن جوق ەدى، تاۋدان سىرتقا قاتىنايتىن ەشكىنىڭ اش ىشەگىندەي شۇباتىلعان جالعىز اياق جول عانا بار، ەڭ جاقسى قاتىناس قۇرالى تراكتور ەدى، ”ول كەزدە دۇنيەنى كورمەگەن مەن تۇرمىس دەگەن وسىلاي بولادى ەكەن دەپ ويلايتىنمىن“. ابىلاحاتتىڭ ەسىندە، سول تۇرمىستىڭ ءدامى قۇددى تاۋداعى ورمان اراسىنداعى اشتى ءشوپ اتالاتىن ”قالۋەن“نىڭ ءدامى سياقتى اششى ءارى تۇتقىر ەدى.
2005 - جىلى ۇكىمەت تاۋداعى حالىقتى ويعا تۇسۋگە ۇندەدى، ابىلاحات دەرەۋ تىزىمدەلەدى. ول سول كەزدەن باستاپ جاڭاباققا قونىستانادى ءارى 9 مۋ جەرگە جانە ومىرىندەگى تۇڭعىش ۇيگە يە بولادى. ول كۇنى بويى اتىزدا ەڭبەك ەتىپ، كۇنىنە تەك ءبىر ۋاقىت عانا تاماق جەپ، اسقازان اۋرۋىنا شالدىعادى. ”بۇل ارانىڭ جەرى تۇگەلدەي تاسقىن سۋىمەن اعىپ كەلگەن باتپاقتان قالىپتاسقان، توپىراقتىڭ استىن قازساڭ قۇم شىعادى، جەرىمىز قۇنارسىز بولعاندىقتان، ءونىم مولشەرى جوعارىلامايدى“. 2012 - جىلى ول كەلىنشەگىمەن اقىلداسىپ، كەلىنشەگى ەگىن سالاتىن بولىپ، ءوزى جۇمىس ىستەۋگە كەتەدى.
2014 - جىلى ابىلاحات وتباسى ارحيۆ تۇرعىزىلىپ، كارتچكالاندىرىلعان كەدەي وتباسى قاتارىنا الىنادى. قىستاقتا تۇراتىن قىزمەت اترەتى، قىستاق كادرلارى كەلىپ، ونىڭ وتباسى قيىنشىلىعىن ەگجەي - تەگجەيلى سۇراستىرىپ، وعان قالاي كومەكتەسۋ كەرەكتىگىن ويلاسادى، ءبىراق ول ۇنەمى ”قيىنشىلىعىم جوق“ دەپ جاۋاپ بەرەدى. كادرلار بۇيىعى مىنەزدى بۇل جىگىتتىڭ جاعدايىن تۇسىنەدى دە، كوزدەرى كورگەن جاعدايدى اقىرىن ەستەلىككە الىپ الادى.
ابىلاحات سىرتقا شىعىپ جۇمىس ىستەگەننەن كەيىن، ايەلى جالعىز ءوزى جەتىسە الماي، جەرلەرى قاڭىراپ بوس قالاتىن بولعان سوڭ، قىستاق ولاردىڭ وتباسىنا كومەكتەسىپ، ەگىنشىلىك ءىرى وتباسىلارىمەن بايلانىس جاساپ، بوس قالعان جەردى اينالىمعا سالىپ، ولاردىڭ ءبىر جىلدا 1000 يۋاننان استام اينالىم قارجىسىن تابۋىنا كومەكتەستى. ابىلاحاتتىڭ ءۇيىنىڭ الدى - ارتىنداعى اۋلادا كولەمدى اق جەر بار بولاتىن، قىستاق قارجى شىعارىپ ولاردىڭ قوي قورا سالىپ، ءجۇزىم سورەسىن ورناتۋىنا كومەكتەستى. مۇنان سىرت، قارىز اقشا الىپ قوي ساتىپ الۋىنا، كوكونىس ەگۋىنە قولعابىس ەتىپ، ولاردى اۋلا شارۋاشىلىعىن دامىتۋعا شابىتتاندىرىپ، كوكونىس، ەت ساتىپ الاتىن اقشالارىن ۇنەمدەپ قالدى.
جارتى جىل ۋاقىت وتە شىقتى، ابىلاحات ”اقشا تاباتىن جەردىڭ كوبەيىپ، اقشا جۇمسايتىن ورىننىڭ ازايعانىن“ قۋانا بايقادى. بۇرىن كىرىستەن شىعىسى كوپ وتباسىندا ەندى بىرتىندەپ اقشا قۇرالا باستادى! 2014 - جىلدىڭ سوڭىنا دەيىن ابىلاحاتتىڭ قالادا جۇمىس ىستەپ تاپقان تابىسىنا ايەلىنىڭ ەگىن ەگىپ، سونداي - اق سىرتقا شىعىپ ماقتا تەرۋدەن تاپقان كىرىسىن قوسقاندا، مۇنىڭ سىرتىندا قىستاقتىڭ كەدەيلىكتەن دالمە - ءدال ارىلتۋداعى ءتۇرلى ساياساتتارى الا كەلگەن ”تابىستى مولايتىپ، شىعىندى تەجەۋ“ ونىمدىلىگىنىڭ ارقاسىندا بۇرىندارى ەشقانداي قورى جوق كەدەي وتباسى تۇتاس قىستاق بويىنشا ەڭ الدىمەن ”كەدەيلىك سىزىعى“نان ءوتتى.
بيىل 10 - ايعا دەيىن تۇتاس جاڭاباق قىستاعىندا ％96تەن استام كەدەي كەدەيلىكتەن ارىلدى. جۇڭگو جىلجىمالى حابارلاسۋ شينجياڭ سەرىكتەستىگى حوتان بولىمشە سەرىكتەستىگىنىڭ جاڭاباق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ليان بينلۇڭ: ”قازىر كەدەي وتباسىلارىنىڭ كەدەيلىكتەن ارىلا الۋ - الماۋىنان الاڭداۋ ەمەس، قايتا كەدەيلىكتەن ارىلتۋ تابىستارىن قالاي بەكەمدەپ، قىستاق تۇرعىندارىن قايتادان كەدەيلەستىرمەۋدى ويلاستىرۋدامىز“، - دەدى.
جەرگىلىكتى ورىندا اۋرۋ سەبەبىنەن كەدەيلەسەتىن جايتتەر كوپتەپ كەزدەسەدى. سول سەبەپتى ابىلاحاتتىڭ اۋرۋ جاعدايى ءبىرىنشى شۋجيدىڭ جانە قىستاق كادرلارىنىڭ كوكەيىندەگى ەڭ ماڭىزدى ىسكە اينالدى. بىرنەشە كۇننىڭ الدىندا، قىستاقتا تۇراتىن قىزمەت اترەتىندەگىلەر ونى اۋداندىق شيپاحانادا الىس ارالىقتا ەمدەلىپ تەكسەرىلۋگە ورنالاستىردى. بەيجيڭدىك شيپاگەردىڭ قويعان دياگنوز ناتيجەسىنە قاراعاندا، ابىلاحاتتىڭ اۋرۋى 2 ايدا بۇكىلدەي جازىلىپ كەتەتىندىگىنەن ءۇمىت بار كورىنەدى.
اۋرۋدىڭ ازابىنان اقشا تابۋىنا نۇقسان جەتكەنىمەن، الايدا ابىلاحات ايەلىمەن تەلەفون ەكرانىندا سويلەسكەندە، كادرلارمەن اڭگىمەلەسكەندە، اۋەلى، شيپاگەر دياگنوزىن قابىلداعان ساتتە دە، جۇزىنە ۇنەمى كۇلكى ءۇيىرىلىپ تۇردى. بۇرىن بۇيىعى دا سۇستى ونىڭ جۇزىنەن مۇنداي بەينە بايقالمايتىن.
وڭتۇستىك شينجياڭداعى شارۋالار جانتاق شىرىنىن، جيدە شىرىنىن كوپتەپ تۇتىنادى. 39 جاستاعى وسى ازامات: بۇل جولى قاتتى سىرقاتتانعانىممەن، ەسەسىنە، تۇرمىسىمنىڭ جيدە شىرىنىنداي ءتاتتى ەكەندىگىن سەزىندىم، - دەدى تەبىرەنە.
(شينحۋا اگەنتتىگىنىڭ 10 - ايدىڭ 24 - كۇنى ۇرىمجىدەن بەرگەن حابارى)
