تىلشىلەر لي شيڭ، ۋاڭ يۇيجاۋ 11 - ايدىڭ 14 - كۇنى ۇرىمجىدەن حابارلايدى. پارتيا ورتالىق كوميتەتىنىڭ ءبىر تۇتاس ورنالاستىرۋى بويىنشا، 11 - ايدىڭ 14 - كۇنى پارتيا 19 - كەزەكتى ورتالىق كوميتەت ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ورتالىق ۇگىت - لەكسيا ۇيىرمەسىنىڭ بايانداما جاساۋ جينالىسى بيڭتۋاندا وتكىزىلدى.
ورتالىق ۇگىت - لەكسيا ۇيىرمەسىنىڭ مۇشەسى، ورتالىق ساياسات زەرتتەۋ كەڭسەسىنىڭ ورىنباسار مەڭگەرۋشىسى تيان پەييان ۇگىت - لەكسيا بايانداماسىن جاسادى. اۆتونوميالى رايوندىق پارتكومنىڭ ورىنباسار شۋجيى، بيڭتۋان پارتكومىنىڭ شۋجيى، جىڭۋيى سۇن جينلۇڭ بايانداما جاساۋ جينالىسىن باسقاردى ءارى ءسوز سويلەدى.
بايانداما جاساۋ جينالىسىندا تيان پەييان پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ سىندى نەگىزگى تاقىرىپتى ارقاۋ ەتىپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ كەلەلى ءمانىن تەرەڭ بايانداپ، جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسىنىڭ كورنەكتى ابزالدىلىعىن ءتۇسىندىردى، جالپى ءماجىلىس «قارارى»ندا ورتاعا قويىلعان جالپى تالاپتى، جالپى نىسانانى جانە ءتۇيىندى مىندەتتەردى جۇيەلى ءتۇسىندىرىپ، پارتيانىڭ نازارياسىن، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ جونىندە ەگجەي - تەگجەيلى تۇسىندىرمە جاسادى. بايانداما ماڭىزدى ءتۇيىندى كورنەكتىلەندىرۋمەن بىرگە، جان - جاقتى، جۇيەلى بولدى، نازاريالىق بيىكتىگى بولۋمەن بىرگە، امالياتقا دا جەتەكشىلىك ەتتى، بيڭتۋانداعى جوعارى - تومەندەگىلەردىڭ پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنۋى، يگەرۋى، ۇگىتتەۋى، دايەكتىلەندىرۋى جونىنەن ماڭىزدى جەتەكشىلىك مانگە يە.
سۇن جينلۇڭ بايانداما جاساۋ ءماجىلىسىن باسقارعاندا بىلاي دەپ اتاپ كورسەتتى: بيڭتۋانداعى ءار دارەجەلى تاراۋلار مەن قالىڭ پارتيالى كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى كەزەكتەگى جانە الداعى ءبىر مەزگىلدەگى ماڭىزدى ساياسي مىندەت، وسى رەتكى ورتالىق ۇگىت - لەكسيا ۇيىرمەسىنىڭ ۇگىت - لەكسيا جاساۋىن وراي، قوزعاۋشى كۇش ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، جالپى ءماجىلىستىڭ رۋحىن بارلىق وتباسىلارىنا جەتكىزۋدى، جۇرت جۇرەگىنە ۇيالاتۋدى ىلگەرىلەتىپ، بيڭتۋانداعى قالىڭ كادر مەن بۇقارانىڭ يدەياسىن جالپى ءماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن شىنايى بىرلىككە كەلتىرىپ، بيڭتۋاندا پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن كوتەرىپ، بيڭتۋانداعى جوعارى - تومەندەگىلەردىڭ اقىل - پاراساتى مەن كۇش - قۋاتىن جالپى ءماجىلىس بەلگىلەگەن نىسانالاردى، مىندەتتەردى جۇزەگە اسىرۋعا ۇيىستىرۋدى ىلگەرىلەتۋ كەرەك.
بيڭتۋان باسشىلارىنان پىڭ جيارۇي، كۇڭ شيڭلۇڭ، شاۋ فىڭ، جاڭ ۋىنچۋان، ءمۇتاللىپ ءماتتوحتى، جاڭ يۇڭ، جۇڭ بو بايانداما جاساۋ جينالىسىنا قاتىناستى. بايانداما جاساۋ جينالىسى تەلەۆيزور - تەلەفون ءماجىلىسى فورماسىندا وتكىزىلدى، ءارقايسى شى، قالالاردا، شىحىزى داشۋەسىندە، تارىم داشۋەسىندە، ءارقايسى تۋان الاڭداردا بولىمشە ءماجىلىس الاڭى ورنالاستىرىلدى.
11 - ايدىڭ 13 - كۇنى تۇستەن كەيىن تيان پەييان 6 - شى 102 - تۋان 4 - ليانىنە بارىپ، نەگىزگى ساتى كادر - بۇقاراسىمەن ءوزارا پىكىر اۋىستىرىپ، كۇدىكتى، قيىن ماسەلەلەردى ءتۇسىندىردى.
