2007 - جىلى باستالعان امەريكا قوسالقى قارىز داعدارىسى 2008 - جىلعا جەتكەندە الەمدىك سيپاتتى فينانس داعدارىسىنا اينالدى. حالىقارالىق فينانس داعدارىسى جۇڭگوعا دا بۇرىن بولىپ كورمەگەن قيىنشىلىقتار مەن سىن - سايىستار الا كەلدى، 2008 - جىلدىڭ ءۇشىنشى توقسانىنان باستاپ، جۇڭگونىڭ ەكسپورتى زور مولشەردە تومەندەپ، ەكونوميكالىق ارتۋ قارقىنى باسەڭدەپ، جۇمىستانۋ قىسىمى زورايا ءتۇستى.
قاتاڭ جاعداي الدىندا، 2008 - جىلى 6 - ايدان باستاپ پارتيا ورتالىق كوميتەتى، مەملەكەتتىك كەڭەس باتىل شەشىم جاساپ، ماكرولىق ەكونوميكا ساياساتىنىڭ بەتالىسىن دەر كەزىندە رەتتەپ، بەلسەندى قازىنا ساياساتىن جانە ۇيلەسىمدى كەڭەيتىلگەن اقشا ساياساتىن جۇرگىزۋدى العا قويىپ، ەل ءىشى سۇرانىسىن ۇلعايتۋدىڭ 10 شاراسىن جەدەل شىعارىپ، ىركەس - تىركەس ءبىر قىدىرۋ ساياساتتار جاسادى، 2009 - جىلدىڭ الدىڭعى جارتىسىنا جەتكەندە، ەكونوميكانى ورنىقتى، ءبىرشاما تەز دامىتۋدىڭ ”جالپى جوسپارىن“ بىرتىندەپ قالىپتاستىردى.
جۇڭگو ۇكىمەتى تاعى كوپتەگەن ماڭىزدى حالىقارالىق ورىنداردا حالىقارالىق فينانستىڭ ورنىقتىلىعىن قورعاۋ، دۇنيە ءجۇزى ەكونوميكاسىنىڭ دامۋىن جەبەۋ حالىقارالىق سەلبەستىگىنە ۇزدىكسىز ات سالىسىپ، حالىقارالىق فينانس ۇيىمىنىڭ حالىقارالىق فينانس بازارىنىڭ وزگەرىسىنە ساي قارجى قۇراۋ قابىلەتىن جوعارىلاتۋىنا قولداۋ كورسەتىپ، حالىقارالىق قوعاممەن كۇش بىرىكتىرە سەلبەسىپ، مۇشكىل جاعدايدى تىزە قوسا جەڭەتىندىگى جونىندە سالتاناتتى ۋادە بەردى.
قۇلشىنۋ ارقىلى ەلىمىزدىڭ ەكونوميكالىق اينالىمىندا بەلسەندى وزگەرىستەر جارىققا شىقتى، ءتيىمدى شارت - جاعدايلار مەن بەلسەندى فاكتورلار مولايىپ، جالپى تۇلعالىق جاعداي ورنىعىپ جاقسارا باستادى. ونىڭ باستى بەينەلەرى: قارجى قوسۋدىڭ ارتۋ قارقىنى ۇزدىكسىز تەزدەپ، تۇتىنۋ ءبىرشاما ورنىقتى ارتىپ، ەل ءىشى سۇرانىسىنىڭ ەكونوميكانىڭ ارتۋىن جەتەكتەۋ رولى بىرتىندەپ كۇشەيدى؛ اۋىل شارۋاشىلىق ءوندىرىسىنىڭ جاعدايى جاقسارىپ، جازدىق استىقتان تاعى دا مول ءونىم الىندى؛ ونەركاسىپتىڭ ارتۋ قارقىنى ورنىقتىلىق بارىسىندا جوعارىلاپ، قۇرىلىمدىق رەتتەۋ مەن ەنەرگيا ۇنەمدەپ، ىعىستىرۋدى ازايتۋدا جاڭا ىلگەرىلەۋشىلىككە قول جەتىپ، وڭىرلىك سايكەستى دامۋدا جاڭا كۇي جارىققا شىقتى؛ فينانس بازارىنىڭ اينالىمى ورنىعىپ، بازار مەجەسى ۇزدىكسىز جاقسارىپ، قوعامنىڭ سەنىمى ونان ارى جوعارىلادى؛ قالا - قالاشىقتاردا جۇمىستانۋ ۇزدىكسىز ارتتى؛ اپاتتان كەيىنگى قايتا قۇرۋ جەدەل ىلگەرىلەدى.
(شينحۋا اگەنتتىگىنىڭ 11 - ايدىڭ 19 - كۇنى بەيجيڭنەن بەرگەن حابارى)
