تيانشان تورى   ›   جاڭالىقتار   ›   شينجياڭ حابارلارى

شينجياڭ گويە ءپىشان ءجۇزىم ساۋدا ورتالىعى ىسكە قوسىلدى

شينجياڭ ىشىندە جەمىس ورمان ونىمدەرىن وندىرەتىن جەردە ساۋدا بازارىن ورنالاستىرۋ نەگىزىنەن ورىندالدى

  ءتىلشى شى شين 11 - ايدىڭ 23 - كۇنى ۇرىمجىدەن حابارلايدى. ءتىلشىنىڭ شينجياڭ گويە توبى شەكتى سەرىكتەستىگىنەن ۇعىسۋىنا قاراعاندا، 11 - ايدىڭ 23 - كۇنى شينجياڭ گويە ءپىشان ءجۇزىم ساۋدا ورتالىعى سالىنىپ بولىپ ىسكە قوسىلعان، بۇل شينجياڭنىڭ اۋىل شارۋاشىلىق ونىمدەرىن شينجياڭ ىشىندە ساتىپ الۋ تورى اراسىنداعى جەمىس ورمان ونىمدەرىن وندىرەتىن جەردە ساۋدا بازارىن ورنالاستىرۋدىڭ نەگىزىنەن ورىندالعاندىعىن ايگىلەيدى.

  شينجياڭ گويە ءپىشان ءجۇزىم ساۋدا ورتالىعىنا جالپى 200 ميلليون يۋان قارجى قوسىلعان، يەلەيتىن جەر اۋماعى 500 مۋ، جالپى قۇرىلىس اۋماعى 170 مىڭ شارشى مەتر، مۇندا 11 مىڭ شارشى مەترلىك ولشەمدەنگەن وڭدەۋ سەحى، 7000 شارشى مەترلىك جاس كۇيىندە ساقتايتىن توڭازىتقىش قامبا، 140 مىڭ شارشى مەترلىك ساقتاپ ساۋداعا سالۋ جىلىجايى، 12 مىڭ شارشى مەترلىك ساۋدا ەسەبىن ايىرۋعا قىزمەت وتەۋ زالى سياقتى باسقا دا سايكەستى قىزمەت وتەۋ قۇرىلعىلارى سالىنعان، ول ءجۇزىم، مەيىز جانە قۇمىل قاۋىنى سياقتى ەرەكشە اۋىل شارۋاشىلىق ونىمدەرى ناقتى تاۋارىن ساۋدالاۋدى، ءوندىرۋ - وڭدەۋدى، قامبادا جاس كۇيىندە ساقتاۋدى، زات اينالىمى توڭازىتىپ ساقتاۋ تىزبەگىن جانە قامداۋ تىزبەگى بويىنشا فينانستىق قىزمەت وتەۋدى ءبىر تۇلعالاندىرعان جاڭاشا اۋىل شارۋاشىلىق ونىمدەرىن ساۋدالاۋدىڭ جيناۋ - تاراتۋ ورتالىعى.

  شينجياڭ گويە ءپىشان ءجۇزىم ساۋدا ورتالىعىنىڭ سالىنىپ ىسكە قوسىلۋى شينجياڭ گويە توبىنىڭ اۋىل شارۋاشىلىق ونىمدەرىنىڭ ”ەكى تور“ قۇرىلىسىن ىشكەرىلەي ىلگەرىلەتۋدەگى ماڭىزدى جەتىستىگى، ول بازار باعاسىن ورنىقتىرۋدا جانە جەمىس شارۋالارىنىڭ سەنىمىن جەلپىندىرۋدە ماڭىزدى رول اتقارادى.

  سول كۇنى، تۇرپان قالالىق حالىق ۇكىمەتى شينجياڭ گويە توبى شەكتى سەرىكتەستىگىمەن «تۇرپاننىڭ وسى زامانعى اۋىل شارۋاشىلىعىن دامىتۋ ستراتەگيالىق سەلبەستىك كەلىسىمى»نە قول قويدى. ەكى جاق وسى زامانعى اۋىل شارۋاشىلىعىنان ۇلگى كورسەتۋ باقشا رايونى قۇرىلىسىن ارقاۋ، وڭىرلىك اۋىل شارۋاشىلىعىنىڭ تولىق كاسىپ تىزبەگىن نەگىزگى جەلى ەتىپ، ەگىنشىلىكتەن ۇلگى كورسەتۋ، بازا قۇرىلىسى، ونىمدەردى زەرتتەۋ - اشۋ، باعا كورسەتكىشى، ولشەم بەلگىلەۋ سياقتى جاقتاردا كۇش بىرىكتىرە سەلبەسىپ، ”ينتەرنەت +“ وسى زامانعى اۋىل شارۋاشىلىعىن دامىتۋدى جەدەل ىلگەرىلەتىپ، ماركانى زورايتىپ، ساپالىلاندىرىپ، بازاردى بەلسەنە اشىپ، اۋىل شارۋاشىلىعى ءونىمىنىڭ ارتۋىن، شارۋالار كىرىسىنىڭ ارتۋىن جەبەيدى.

  قاۋىن - قاربىز، جەمىس - جيدەك بايلىعى باسىمدىعىن ماركا باسىمدىعىنا، باسەكە باسىمدىعىنا اينالدىرۋدى جەدەلدەتۋ ءۇشىن، 2018 - جىلى شينجياڭ ەرەكشە اۋىل شارۋاشىلىق ونىمدەرىن شينجياڭ ىشىندە ساتىپ الۋ جانە شينجياڭ سىرتىندا ساتۋ سىندى ”ەكى تور“ قۇرىلىسىن ىسكە قوستى. شينجياڭ ىشىندە ساتىپ الۋ تورى ”جەلىدە + جەلىدەن تىسقارى“ تيجارات جۇرگىزۋ ۇلگىسى بويىنشا، اۋىل شارۋاشىلىق ونىمدەرىن ساتىپ الۋ، وڭدەۋ، ساتۋ، ەلەكتروندىق ساۋدا سياقتىلار ءبىر تۇلعالاندىرىلعان تيجارات جۇرگىزۋدى جانە قىزمەت وتەۋدى بەلسەنە ورىستەتىپ، بازا، وڭدەۋ، ساۋدالاۋ، زات اينالىمى، سەپتەۋ - جەتكىزۋدەن سوڭعى بۋىنداعى ساتۋعا دەيىن شوعىرلاندىرىپ دامىتۋ تۇعىرىن قۇردى. شينجياڭ سىرتىندا ساتۋ تورى جاعىندا، شينجياڭنىڭ ەرەكشە اۋىل شارۋاشىلىق ونىمدەرى الەۋمەتتىك اۋماق دۇكەنىنەن 983ىن جاڭادان قۇرىپ، دۇكەن، ەرەن بازارداعى ارناۋلى ساتۋ ورنىن، ارناۋلى ساتۋ سورەسىن بەكەمدەپ، دامىتىپ، وڭىردەگى ساۋداگەرلەردەن جانە وداقتاسقان ساۋداگەرلەردەن 2137سىن تىڭنان قوسىپ، ءىرى كولەمدى اۋىل شارۋاشىلىق ونىمدەرىن جەلىدە، جەلىدەن تىسقارى ساتۋ قيمىلىنان ىلگەرىندى - كەيىندى 10 نەشە رەت جوسپارلاعان. ”ەكى تور“دىڭ اۋىل شارۋاشىلىق ونىمدەرىنىڭ اينالىمعا ءتۇسۋىن جانە شارۋالار كىرىسىنىڭ ارتۋىن جەبەۋ سياقتى جاقتاردا اتقارعان رولى كۇن سايىن كورنەكتىلەنىپ كەلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى