9 ورىنعا مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن رايون (ورىن) اتاعى بەرىلدى
ءتىلشى ميھىرگۇل عوپۇر 12 - ايدىڭ 13 - كۇنى ۇرىمجىدەن حابارلايدى. اۆتونوميالى رايوندىق ۇلت ىستەرى كوميتەتىنەن (ءدىن ىستەرى مەكەمەسى) ۇعىسۋعا قاراعاندا، جۋىقتا مەملەكەتتىك ۇلت ىستەرى كوميتەتى رايونىمىزداعى قۇمىل قالاسىنا، ءۇرىمجى قالاسىنا، بۇراتالا موڭعۇل اۆتونوميالى وبلىسىنا ”مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن وبلىس (قالا)“ اتاعىن؛ قوبىقسارى موڭعۇل اۆتونوميالى اۋدانى، تەكەس اۋدانىنىڭ قارادالا قالاشىعى، ءۇرىمجى راديو - تەلەۆيزيا ستانسياسى (ءۇرىمجى راديو - تەلەۆيزيا توبى)، باركول قازاق اۆتونوميالى اۋدانى جيانكۇن مال شارۋاشىلىعى شەكتى سەرىكتەستىگى، ءۇرىمجى قالالىق 5 - باستاۋىش مەكتەپ، قاشقار ايماعى پوسكام اۋداندىق 5 - ورتا مەكتەپ، حوتان ايماقتىق تاجىريبە ورتا مەكتەبى، اقتاۋ اۋداندىق حالىق شيپاحاناسى، تۇرپان مۇراجايى سياقتى 9 ورىنعا ”مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن رايون (ورىن)“ اتاعىن بەرگەن.
ۇلتتار ىنتىماعى، العاباسارلىعىندا وزات ورىن قۇرۋ قىزمەتى ورىستەتىلگەننەن بەرى، قۇمىل قالاسى، ءۇرىمجى قالاسى، بۇراتالا موڭعۇل اۆتونوميالى وبلىسى نازاردى باس نىساناعا مىقتاپ شوعىرلاندىرىپ، ۇلتتار ىنتىماعى قىزمەتىن قوعام ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، حالىق تۇرمىسىن قامتاماسىزداندىرۋ جانە جاقسارتۋ سياقتى ءتۇرلى قىزمەتتەرمەن ۇشتاستىرىپ، ۇگىت - تاربيەنى ۇزدىكسىز كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتى، ”ءۇشتىڭ ءبىر - بىرىنەن ايرىلا الماۋى“، ”بەستى شىنايى مويىنداۋ“ يدەياسى جۇرەكتەرگە تەرەڭ ۇيالاپ، ۇلتتار ىنتىماعىن قاستەرلەۋ جانە قورعاۋ تاماشا ءداستۇرى اسقاق ساۋلەلەندىرىلدى.
قوبىقسارى موڭعۇل اۆتونوميالى اۋدانى سياقتى 9 ورىن ۇلتتار ىنتىماعى دانەكەرىندە ۇزدىكسىز جاڭالىق اشىپ، ”ۇلگىلى دانيۋان“، ”ۇلگىلى عيمارات“، ”ۇلگىلى شاعىن اۋماق“، ”ۇلگىلى كلاس“، ”ۇلگىلى ءبولىم“، ”ۇلگىلى جۇمىس ورنى“ سياقتى ۇلتتار ىنتىماعى ”كلەتكا ينجەنەرياسىن“ اتقارىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇدايىلاندىرا ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن اناعۇرلىم كۇشەيتتى.
قازىرگە دەيىن رايونىمىزدا ىلە قازاق اۆتونوميالى وبلىسى، تارباعاتاي ايماعى، ءۇرىمجى قالاسى سياقتى 9 ايماق، وبلىس، قالا ”مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن وبلىس (ايماق، قالا)“تى ءساتتى قۇردى؛ 59 ورىن ”مەملەكەت بويىنشا ۇلتتار ىنتىماعى، العاباسارلىعىنان ۇلگى كورسەتەتىن رايون (ورىن)“ بولدى.
