7558 - كەزەكشى پويەز جول بويىنداعى شارۋالاردىڭ اۋىل شارۋاشىلىق قوسىمشا ونىمدەرىن ساتۋىنا قولايلىلىق اكەلدى
شينجياڭ گازەتىنىڭ جالپىلىق اقپارات قۇرالدارى ءتىلشىسى سۇڭ يا - ۋىن
كوكتەم مەرەكەسىندەگى تاسىمال جۇمىسىنىڭ شىمىلدىعى اشىلىپ، وڭتۇستىك شينجياڭ وڭىرىندەگى ون نەشە شەت، شالعاي شاعىن بەكەتتى جالعايتىن 7558 - كەزەكشى پويەز دا تابىس پەن باقىتتى تولتىرا تيەپ، كوزەۋلى جەرىنە قاراي جولعا شىقتى.
1 - ايدىڭ 15 - كۇنى ساعات 9دان 43 مينۋت وتكەندە، 7558 - كەزەكشى پويەز ءدال ۋاعىندا حوتان بەكەتىنەن باياۋ جولعا شىقتى. حوتاننان ۇرىمجىگە قاتىنايتىن بۇل پويەز باياۋ پويەز ەدى.
پويەز قىزمەتكەرىنىڭ كومەگىندە، يۇنناننىڭ كۇنميڭ قالاسىنان كەلگەن جولاۋشى لۋ يۇڭدا ءساتتى تۇردە پويەزعا وتىردى. ”بۇل پويەز، شىنىندا، ەرەكشە مەيىرىمگە تولى ەكەن، ءبىر ءتاۋىرى بىزگە بۇل جولى پويەز قىزمەتكەرى كومەك كورسەتتى“، - دەدى قۇشاعىنداعى بالاعا ءبىر قاراپ الىپ، ۇستىڭگى جاقتاعى جۇكتەردى نۇسقاعان لۋ يۇڭدا تىلشىگە: ”قايدا بارساڭ دا بالانى قۇشاقتاپ جۇرەسىڭ، جۇگىڭدى الىپ جۇرۋگە قولايسىز، بالانى بىردەمەگە سوعىپ الامىن با دەپ ىلعي الاڭداپ جۇرەسىڭ“.
ايەلى مەن 8 ايلىق ۇلىن ەرتىپ، كۇنيۇي قالاسىنا قىزمەت ىستەۋگە كەلگەن لۋ يۇڭدانىڭ بۇل 7558 - كەزەكشى پويەزعا العاش وتىرعانى ەكەن، ەكەۋى پويەز بەلەتىنە 22 يۋان عانا تولەپتى. ”جاس بالامەن جول ساپارعا شىعۋ قاتتى قولايسىز بولدى، ءبىر ءتاۋىرى پويەز قىزمەتكەرى بىزگە جول بويى كومەك كورسەتتى، ءبىز ايرىقشا مەيىرگە بولەندىك“، - دەدى ول.
پويەز باستىعى سۇي جۇنشياڭنىڭ تانىستىرۋىنشا، قاتىناۋ قاشىقتىعى 1960 كيلومەتر كەلەتىن 7558 - كەزەكشى پويەزدىڭ جالپى جولىنا 32 ساعات 46 مينۋت جۇمسالادى، جالپى جولدىق بەلەت 165 يۋان بولسا، بەلەتتىڭ ەڭ ارزانى ارەڭ 11 يۋان عانا ەكەن. ”ءبىر ايدىڭ الدىندا، ءبىز بۇرىنعى جاسىل پويەزدى اۋا رەتتەگىشى بار پويەزعا اۋىستىردىق، بۇرىنعى جاسىل پويەزعا سالىستىرعاندا، اۋا رەتتەگىشى بار پويەز اناعۇرلىم رەتتى، تازا، جايلى“.
جول بويىنداعى اۋىل - قالاشىقتاردىڭ ەگىنشىلەرى ءۇشىن، وسىناۋ باياۋ پويەز كىرىستەرىن ارتتىراتىن ماڭىزدى قاتىناس قۇرالى سانالادى. ياركەن اۋدانى دامىسى اۋىلىنىڭ ەگىنشىسى زىمام احىمەت وسى پويەزدىڭ تۇراقتى قوناعى، ول ياركەن اۋدان قالاشىعىنان ءبىر كيىم - كەشەك دۇكەنىن اشىپ، اي سايىن وسى پويەزبەن ياركەن اۋدانىنان حوتان قالاسىنا كەلىپ كيىم - كەشەك توپ ساتىپ الىپ قايتىپ تۇرادى، ”اۋدانداعىلاردىڭ بارلىعى مەنىڭ كيىمدەرىمدى قاتتى ۇناتادى، بۇل رەت مەن تاعى 2 ۇلكەن داعار كيىمدى توپ ساتىپ اكەلە جاتىرمىن، جارتى اي ساتقانىما جەتەدى“، - دەيدى زىمام جۇك سورەسىنىڭ ۇستىندەگى 2 ۇلكەن توقىما داعاردى نۇسقاپ كۇلىپ تۇرىپ.
بۇل رەتكى پويەزدا زىمام سياقتى تۇراقتى جولاۋشىلار وتە كوپ ەكەن. سۇي جۇنشياڭ بىلاي دەدى: ”كەدەي ەگىنشىلەر ءۇشىن بۇل پويەز ولاردىڭ ەڭ جاقسى تاڭداۋى سانالادى، بەكەت سايىن توقتاعانمەن قويماي، بەلەت باعاسى دا ارزان، 7558 - كەزەكشى پويەز ولاردىڭ سىرتقا شىعىپ اۋىل شارۋاشىلىق قوسىمشا ونىمدەرىن ساتىپ، كىرىستەرىن جوعارىلاتۋىنا قولايلىلىق اكەلدى“.
بۇگىنگى كۇندەرى بۇل ”باياۋ پويەز“ ءار كۇنى قۇمدى ءشولدىڭ جيەگىندە قاتىناۋدا، ”ءبىز جىلدامدىققا ۇمتىلمايمىز، قايتا شىنايى سۇيىسپەنشىلىككە تولى قىزمەت وتەۋدى قالايمىز، وڭتۇستىك شينجياڭداعى كەيبىر جولاۋشىلار ءۇشىن بۇل پويەز − كىرىس ارتتىرۋدىڭ، كەدەيلىكتەن ارىلۋدىڭ ’باقىت پويەزى‘ سانالادى“، - دەدى سۇي جۇنشياڭ.
