شينجياڭ گازەتىنىڭ جالپىلىق اقپارات قۇرالدارى ءتىلشىسى لي لي
”شينجياڭ وتە جاقسى، قوعامى جاراسىمدى، ورنىقتى، ادامدار تىنىش ءومىر، شات - شادىمان تىرشىلىك كەشكەن؛ ۇرىمجىدە ءوزىم جاقسى كورەتىن ءتۇرلى ۇساق - تۇيەك زاتتاردى ساتىپ الا الامىن، سىچۋان وتتىقتى قازانى، بەيجيڭ قاقتالعان ۇيرەگى، تەڭىز ونىمدەرى تاعامى سياقتى ءدامى ءتىل ۇيىرەتىن تاعامداردى جەي الامىن“، - دەپ 2019 - جىلى 12 - ايدىڭ 23 - كۇنى تۇستەن كەيىن قىرعىزستاننان كەلگەن يساميتيلوۆا نۇرجامال تىلشىگە ءوزىنىڭ جۇڭگونىڭ شينجياڭىن جاقسى كورەتىندىگىن بايانداپ بەردى.
نۇرجامال بيىل 45 جاستا، قازىر شينجياڭ پەداگوگيكا داشۋەسى حالىقارالىق مادەنيەت اۋىس - كۇيىس شۋەيۋانىنىڭ ورىس ءتىلى وقىتۋشىسى، شينجياڭدا قىزمەت ىستەپ، تۇرمىس كەشىرگەنىنە 11 جىل بولدى.
”ءاسىلى مەن شينجياڭ پەداگوگيكا داشۋەسىنە حانزۋ ءتىلىن ۇيرەنگەلى كەلگەنمىن، شينجياڭدى جاقسى كورگەندىگىمنەن وسىندا قالىپ وقىتۋشى بولدىم“. 2008 - جىلى نۇرجامال شينجياڭمەن بولىنبەس سۇيىسپەنشىلىك ورناتتى.
نۇرجامال شينجياڭعا كەلگەندە ءوزىنىڭ ۇلى مەن قىزىن ەرتە كەلدى. ”بالالارىما جۇڭگودا حانزۋ ءتىلىن ۇيرەتۋدى ويلايمىن، حانزۋ ءتىلىن جاقسى ۇيرەنسە، بالالاردىڭ الدا اناعۇرلىم جاقسى دامۋ بولاشاعى بولادى“.
شينجياڭ پەداگوگيكا داشۋەسىندە ءبىر جىل ورىس ءتىلىن ۇيرەتكەننەن كەيىن، وقىپ جاتقان بالالارىنا قارايلاسۋعا قولايلى بولۋ ءۇشىن، نۇرجامال بەيجيڭ داشۋەسىنە قاراستى ورتا مەكتەپتىڭ شينجياڭ بولىمشە مەكتەبىندە 3 جىل قىزمەت ىستەيدى، وسىدان كەيىن تاعى شينجياڭ پەداگوگيكا داشۋەسىنە قايتىپ كەلىپ ورىس ءتىلىن ۇيرەتەدى.
”شينجياڭ ءبىر اسا وسىزاماندانعان، وتە باۋىرمال جەر، بۇل ارادا كورىكتى شۇعىلانى، كوپ نەگىزدى ءبىر تۇلعالى جۇڭحۋا مادەنيەتىن سەزىنۋگە بولادى“، - دەدى نۇرجامال كۇلە سويلەپ.
ءتىلشى نۇرجامالدىڭ سول قولىنىڭ اتسىز ساۋساعىنا سالىپ العان قاس تاسى جۇزىگىنىڭ ەرەكشە كوز تارتىپ تۇرعاندىعىن، وڭ قولىنىڭ بىلەزىگىنە مەرۋەرت بىلەزىك جانە كىشكەنە التىن اشەكەي بايلانعان قىزىل ءجىپ تاعىپ العاندىعىن بايقادى.
”ءجۇزىكتى تالاي جىلدىڭ الدىندا شينجياڭ حالىقارالىق بازارى كورىنىس وڭىرىنەن ساتىپ العانمىن، كوپتەگەن ادامدار وتە ادەمى ەكەندىگىن ايتتى“. نۇرجامال ءوزى العان شاعىن زاتتارىنا وتە ريزا. ول بىلاي دەدى: مەن دەمالعان كەزدەرىمدە حۋاليڭ بازارى، شاڭماۋچىڭ، يوۋحاۋ ساۋدا سارايى سياقتىلاردى ارالاۋدى جاقسى كورەمىن، ”بۇل ارادا زات ساتىپ الۋ وتە قولايلى، ءار رەت ەلگە قايتار الدىندا، بەت جاپسىرعى، كيىم - كەشەك، جىبەك ءشارپى سياقتىلاردى ساتىپ الىپ، تۋىس - تۋعاندارىما، دوس - جاراندارىما ۇسىنامىن، ولار مۇنى وتە جاقسى كورەدى“.
نۇرجامال تاعى ىقىلاستى تۇردە تىلشىگە ءوزىنىڭ التىن جالاتىلعان قاس تاسى اشەكەيىن، كىلت ساقيناسىنداعى كىشكەنە وجاۋقاباعىن كورسەتتى. ءتىلشى كىشكەنە وجاۋقاباققا ءبىر جولبارىس ويىلعاندىعىن، تاعى ”ماڭگى تىنىشتىق بولسىن“، ”福“ ءارىبى بار ەكەندىگىن كوردى. نۇرجامال: جۇڭگونىڭ 12 مۇشەلى بويىنشا، ءوزىنىڭ جىلى بارىس ەكەندىگىن، سوندىقتان ول وزىنە وسى كىشكەنە وجاۋقاباقتى ساتىپ العاندىعىن ايتتى. ”تىنىشتىق، باقىت، مۇنىڭ ’جۇڭگوداعى ءمانى‘ اسا تاماشا، مەن وتە جاقسى كورەمىن، مەن وتباسىمداعىلاردىڭ مۇشەل جىلىنا ساي، كىشكەنە وجاۋقاباق ۇسىندىم“.
”جۇڭگو مادەنيەتى ۇشان تەڭىز ءارى ەرەكشە قىزىعارلىق. مىسالى، تۋعان كۇن وتكىزگەندە ۇزاق عۇمىر جاساۋ تاعامىن جەيدى، كوكتەم مەرەكەسى كەزىندە قىزىل تۇيىنشەك تاراتادى، باس قوسۋ تاعامىن جەيدى، تاماقتانعان كەزدە دە ءمان بەرەتىن وتە كوپ سالتى بار“، جۇڭگو مادەنيەتىن اۋىزعا العاندا نۇرجامال اعىنان اقتارىلدى.
2019 - جىلى قىسقى توقىراۋدا نۇرجامال وقۋشىلارىمەن بىرگە تۇشپارا ءتۇيدى. ”ءبىز ءتۇرلى قيمادان پايدالانىپ، ءتۇرلى فورماداعى تۇشپارا تۇيدىك. كوپشىلىك بىرگە شاتتىققا بولەندىك.
نۇرجامال ۋيچات شەڭبەرىندە ءوزىنىڭ شينجياڭداعى تاماشا تۇرمىسىن: وقۋشىلارمەن بىرگە ءۇرىمجى اۋدانىنداعى نانشان كورىنىس وڭىرىنە بارىپ دالالىق وقىتۋ جۇرگىزگەنىن، كوپشىلىكتىڭ ءار ۇلتتىڭ كيىمىن كيىپ، بىرگە ءان ايتىپ، ءبي بيلەگەنىن؛ ءوزى كەستەلەگەن كانۋا بۇيىمدارىنا تۇسىرىلگەن شىتىر گۇلى، بامبۇك، مۋدان گۇلى سياقتى ورنەكتەردى؛ كولەمدى بولمە ءىشى ناق كورىنىستىك ۇلتتىق ءان - ءبي ويىنى «باتىس وڭىرگە ورالۋ»دىڭ كونسەرتتىك سۋرەتتەرىن كورسەتتى.
”مەن بالالارىمنىڭ شينجياڭدا ەسەيىپ - ەرجەتكەنىنە ەرەكشە ماقتانامىن، ولار حانزۋ ءتىلىن وتە جاقسى سويلەيدى ءارى كوپتەگەن جۇڭگو بىلىمدەرى مەن سالتتارىن ۇيرەنىپ الدى“، نۇرجامال تىلشىگە ءوزىنىڭ شينجياڭدى بارعان سايىن جاقسى كورىپ قالعاندىعىن ايتتى، ”مەن ءوزىم تۇرمىس كەشىرگەن وسى قالادا كۇن سايىن جاڭارعان وزگەرىس تۋىلعاندىعىن، ومىرشەڭدىك كۇشكە تولعاندىعىن سەزىندىم، مەن شينجياڭنىڭ بولاشاعىنىڭ، ءسوزسىز، بارعان سايىن كوركەم بولاتىندىعىنا سەنەمىن“.
