عىلمي جولمەن ەمدەلىپ، ايقاسپالى جۇعىمدالۋدان ساقتانايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى فۋ شياڭلۇڭ 2 - ايدىڭ 4 - كۇنى ۇرىمجىدەن حابارلايدى. قىزۋى ورلەۋ بەلگىسى بايقالسا، قالاي عىلمي دياگنوز قويۋعا، اۋرۋ كورسەتۋگە بولادى؟ شينجياڭ مەديتسينا داشۋەسىنە قاراستى 1 - شيپاحانانىڭ تىنىس جولى 1 - ءبولىمىنىڭ مەڭگەرۋشى شيپاگەرى ۋاڭ جيڭ بۇل جونىندە تۇسىنىك بەردى.
ۋاڭ جيڭنىڭ تانىستىرۋىنشا، مەملەكەتتىك دەنساۋلىق ساقتاۋ، سالاماتتىق كوميتەتى جاريالاعان «جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋىنا دياگنوز قويۋ جانە ونى ەمدەۋ جوباسى (سىناق رەتىندە اتقارىلاتىن 5 - نۇسقاسى)»نىڭ بەلگىلەمەسى بويىنشا، الەۋمەتتىك اۋماقتاعى قىزۋى ورلەگەن ناۋقاستاردى بەلگىلەنگەن امبولاتورياعا اۋىستىرعان سوڭ، ەڭ الدىمەن قىزۋى ورلەگەن ناۋقاستىڭ تارالمالى اۋرۋ تاريحىن سۇراۋ جانە قاتىستى تەكسەرۋلەر جاساۋ كەرەك. «جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋىنا دياگنوز قويۋ جانە ونى ەمدەۋ جوباسى (سىناق رەتىندە اتقارىلاتىن 5 - نۇسقاسى)»نىڭ تالابى بويىنشا، اۋىرعانىنان 14 كۇن بۇرىن ۋحان قالاسىندا نەمەسە سونىڭ ماڭىنداعى جەرلەردە بولعان نەمەسە باسقا دا ناۋقاس مالىمدەلگەن الەۋمەتتىك اۋماققا بارعان نەمەسە سول اۋماقتا تۇرعان تاريحى بارلاردىڭ، اۋىرعانىنان 14 كۇن بۇرىن ۋحان قالاسىنان نەمەسە سونىڭ ماڭىنداعى جەرلەردەن كەلگەن نەمەسە ناۋقاس مالىمدەلگەن الەۋمەتتىك اۋماقتاردان كەلگەن قىزۋى ورلەگەن نەمەسە تىنىس جولىندا اۋرۋ بەلگىلەرى بار ناۋقاستارمەن جۋىسقاندار، سونداي - اق جاڭا تيپتەگى ايدارشا ۆيرۋسپەن جۇعىمدالعاندارمەن جۋىسقان تاريحى بار ناۋقاستار تۇگەلدەي تارالعىش اۋرۋ تاريحى بار دەپ قارالادى ەكەن.
ۋاڭ جيڭنىڭ تانىستىرۋىنشا، ىشكەرىلەي تەكسەرۋگە بيوحيميالىق تەكسەرۋ، وكپە CTى، PCR تەكسەرۋى، قان، تىنىس جولى تالداۋى سياقتى تۇرلەر قامتىلادى، تەكسەرۋدەن بايقالعان، قىزۋى ورلەگەن ناۋقاستاردىڭ كلينيكالىق بەينەسى جانە فوتوگرافيالىق سياقتى تەكسەرۋلەر جاڭا تيپتەگى ايدارشا ۆيرۋسپەن جۇعىمدالۋعا ۇيلەسپەگەن ناۋقاستار، ياكي جاڭا تيپتەگى ايدارشا ۆيرۋسپەن جۇعىمدالدى دەگەن كۇدىكتى ناۋقاستار قىزۋ اۋرۋلارى بولمەلەرىندە نەمەسە جۇقپالى اۋرۋلار بولمەلەرىندە الىپ قالىپ باقىلانىپ، ولارعا جەدەل تۇردە جاڭا تيپتەگى ايدارشا ۆيرۋسى نۋكلەين قىشقىلىن نەمەسە ۆيرۋس گەنىن تەكسەرۋلەر جۇرگىزىلەدى؛ سونىمەن بىرگە شيپاحانا ىشىندەگى ماماندار بىرلەسىپ دياگنوز قويۋ نەگىزىندە اۆتونوميالى رايون ماماندار گرۋپپاسىنىڭ مۇشەلەرى بىرلەسىپ دياگنوز قويۋعا شاقىرىلادى؛ جاڭا تيپتەگى ايدارشا ۆيرۋسپەن جۇعىمدالعان دەپ انىق دياگنوز قويىلعان ناۋقاستار بەلگىلەنگەن شيپاحاناعا اۋىستىرىلىپ ارى قاراي ەمدەۋگە الىنادى ەكەن.
ۋاڭ جيڭ الەۋمەتكە مىنانى ەسكەرتەدى: جاي تۇماۋدىڭ، تارالمالى تۇماۋدىڭ جانە جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋىنىڭ بەلگىلەرىن ايىرۋعا كوڭىل ءبولۋ كەرەك. جاي تۇماۋدا كوبىنەسە مۇرىن بىتەلەدى، كەيدە 1 − 3 كۇن تومەن، ورتا دەڭگەيدە قىزۋى ورلەۋ پايدا بولادى، جايشىلىقتا بۇكىل دەنەگە جايىلعان بەلگىلەر از بولادى؛ تارالمالى تۇماۋدا جايشىلىقتا قىزۋ بەلگىلەرى بولادى، سونداي - اق 3 − 5 كۇنگە دەيىن ايتارلىقتاي جوعارى قىزۋ بەلگىلەرى بايقالادى؛ ال جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋىندا، دەنە تەمپەراتۋراسى جايشىلىقتا 38.5 سەلتسي گرادۋستان اسپايدى، سونداي - اق قىزۋى ورلەۋ، جوتەلۋ، لوقسۋ جانە ءىشى ءوتۋ سياقتى بەلگىلەر قوسانجارلايدى. وسى بەلگىلەرگە قاراي عىلمي جولمەن ەمدەلۋ كەرەك، قىزۋ امبولاتورياسىنا ۇيمەلەپ كەلىپ الۋعا بولمايدى، ايقاسىپ جۇعىمدالۋدان ساقتانعان دۇرىس.
ۋاڭ جيڭ بىلاي دەدى: ەگەر دەنە تەمپەراتۋراسى 37.3 سەلتسي گرادۋستان اسپاسا، سونداي - اق كورنەكتى دەڭگەيدە القىنۋ، دەمى سىعىلۋ سياقتى بەلگىلەر بولماسا، باسقا دا نەگىزدىك اۋرۋلارى بار ناۋقاستارعا قازىرگى ىندەت ءبىرشاما اۋىر جاعدايدا، ۇيدە دەمالۋدى جانە باقىلاۋدى، كوبىرەك سۋ ءىشىپ، مۇمكىندىگىنشە كوبىرەك شىنىعۋدى ۇسىنامىز، اۋرۋ بەلگىلەرىن جەڭىلدەتەتىن تۇماۋ دارىلەرىن تۇتىنۋعا بولادى، سونىمەن بىرگە ماسكى تاعۋ، قولدى ءجيى جۋۋ، بولمەنىڭ اۋاسىن ءجيى الماستىرىپ تۇرۋ سياقتى شارالار قولدانۋ كەرەك؛ ەگەر 2 رەتكى ولشەۋدە دەنە تەمپەراتۋراسى تۇگەلدەي 37.3 سەلتسي گرادۋستان اسسا، سونداي - اق جاسى ۇلعايعان ادامدار سياقتى نەگىزدىك ناۋقاسى بار جانە قارسىلىق قۋاتى تومەن ادامدار بولسا، قاتىستى الەۋمەتتىك اۋماققا حابارلاعانى ءجون، الەۋمەتتىك اۋماقتىڭ ىندەتتەن ساقتانۋ - تىزگىندەۋ ارنايى كولىگىمەن قىزۋ ورلەگەندەرگە ارنايى بەلگىلەنگەن امبولاتوريالارعا بارىپ اۋرۋ كورسەتۋ جانە ەمدەلۋ كەرەك، شيپاحاناعا بارار جولدا، ماسكى تاعۋ، جوتەلگەندە، تۇشكىرگەندە اۋىزدى، مۇرىندى قولمەن باسپاۋ، قاعاز ورامالمەن نەمەسە شىنتاقپەن توسۋ كەرەك.
