بالالار سەزىمتال توپقا كىرە مە؟
مەملەكەتتىك دەنساۋلىق ساقتاۋ، سالاماتتىق كوميتەتى مىنانى ايقىن بەلگىلەدى: بالالار جاڭا تيپتى ايدارشا ۆيرۋس وكپە قابىنۋ ىندەتىنە جۇعىمدالاتىن سەزىمتال توپقا كىرەدى.
كەزەكتە، جۇعىمدالعان بالالاردا سالماقتى اۋرۋ جاعدايى نەمەسە ءولىم-جىتىم جاعدايى جوق، جۇعىمدالعاننان كەيىنگى اۋرۋ بەلگىلەرى ءبىرشاما جەڭىل.
بالالاردىڭ جۇعىمدالۋ جولدارى قايسىلار؟
نەگىزىنەن تىنس جولىنان جۇعىمدالادى، جۇعىمدالعان ناۋقاستىڭ جوتەلىنەن، داۋىستاپ سويلەگەنىنەن، تۇشكىرىك شاشىراندىسىنان، سىلەكەيىنەن نەمەسە وتە جاقىن جاناسۋىنان جۇعىمدالادى، ەگەردە، جۇعىمدالعان ناۋقاس قولىمەن بالالاردىڭ مۇرنىن، اۋىزىن، بولماسا كوزدىڭ دانەكەر قابىعىن ۇستاسا جۇعىمدالادى.
انا سۇتىمەن ازىقتاندىرۋ حاۋىپسىز بە؟
انا سۇتىمەن ازىقتاندىرۋ مەزگىلىندەگى انا ساقتانۋ شارالارىن جاقسى ىستەۋ كەرەك. بالانى ازىقتاندىرعاندا، ماسكى تاعۋ، قولىن ءجيى جۋۋ، ومىراۋدىڭ تازالىعىنا كوڭىل ءبولۋكەرەك. ەگەر، اناسىنا دياگنوز قويىلعان نەمەسە وسى اۋرۋدان كۇماندانسا، انا سۇتىمەن ازىقتاندىرۋدى توقتاتۋ، سونىمەن بىرگە ءسابيدى اۋاشالاۋ كەرەك.
بالالارعا تاۋىق، ۇيرەك، بالىق ەتتەرىن جەگىزۋگە بولا ما؟
جەگىزۋگە بولادى، الايدا، ءسوزسىز تولىق پىسىرىپ بەرۋ كەرەك. بۇدان سىرت، ءدامىن كورىپ اۋىزىعا سالعان تاماقپەن نەمەسە شايناعان تاماقپەن بالانى ازىقتاندىرۋعا بولمايدى، ۇرلەۋ ارقىلى تاماقتى سۋىتىپ بەرۋگە بولمايدى.
بالالار بولمەسىنىڭ اۋاسىن الماستىرۋ قاجەت پە؟
بولمەنىڭ اۋاسى تازا بولۋ كەرەك، ءار كۇنى ۋاعىندا ءۇيدىڭ اۋاسىن الماستىرىپ تۇرۋ، اۋا الماستىرعان كەزدە، بالانى باسقا بولمەگە اۋاشالاپ، سۋىق ءتيىپ قالۋدان ساقتانۋ كەرەك.
بالالار ماسكىنى قالاي تاعۋ كەرەك؟
ادەتتەگى جاعدايدا، جاسى كىشكەنتاي سابيلەردىڭ ماسكى تاعۋىنا بولمايدى. N95 ماسكىسىنىڭ اۋا وتكىزۋى ەڭ ناشار، بالالاردىڭ تاعۋىنا ۇيلەسپەيدى. بالالار ماسكى تاققاندا، اتا - انالار بالانىڭ تىنىس الۋى قيىن بولۋ سياقتى جايسىز جاعدايلاردان ءارقاشان ساق بولۋ كەرەك.
بالالاردىڭ قولىن قالاي جۋۋ كەرەك؟
ءارقانداي ۋاقىتتا اعىندى سۋمەن قول جۋۋ، ءيستى سابىن ىستەتۋ — ەڭ باستى تالعامىڭىز.
بالادا قانداي بەلگىلەر بولسا شيپاحاناعا بارۋ كەرەك؟
ەگەردە، جوتەلۋ، قىزۋ احۋالى بايقالعانىمەن، ەشقايدا شىقپاعان، جۇعىمدالعان اداممەن جاناسپاعان بولسا، الدىمەن دەنە تەمپەراتۋراسىن بايقاپ، ۇيدە ەمدەلسە بولادى. ەگەردە، دەنە تەمپەراتۋراسى ۇزدىكسىز تۇسپەسە نەمەسە جوتەلى اۋىرلاپ، تىنىستاۋ قيىنداسا، دارمەنسىزدەنسە، جاقىن ارالىقتاعى بالالار ءبولىمى بار شيپاحاناعا بارىپ ەمدەلۋ كەرەك.
جۋىق ارادا، بالالار ۆاكسينا ەككىزۋىنە بولا ما؟
ءار ۆاكسينانىڭ ەگىلۋ ۋاقىتتى ۇقسامايدى، كەيبىر ۆاكسينانى نەشە اپتا كەشىكتىرىپ ەكسەدە بولادى. الاڭداۋ قاجەتسىز. الايدا، ايلىق شەكتەمەسى قاتاڭ، جاسى شەكتەمەسى بار ۆاكسينا بەلگىلەنگەن ۋاقىتىنان بۇرىن ەگىلۋى كەرەك.
قۇتىرىق اۋرۋى نەمەسە سىرەسپە اۋرۋى پايدا بولۋ حاۋپى بار بولسا، تەز ارادا ەگۋدى ۇسىنىس ەتەمىز.
