2-ايدىڭ 12-كۇنى، ۋحان قوناق زالى فاڭساڭ شيپاحاناسىندا بيلەنگەن شينحياڭ ءبيى كەسكىنى ينتەرنەتتە كەڭىنەن تارالدى.
كەسكىندە ءبي باستاۋشى شينجياڭنان حۋبەيعا كومەككە اتتانعان ەكىنشى توپتاعى ەمدەۋ اترەتىنىكى، ەسىمى باھارگۇل تولقىن، ەمدەۋ اترەتىنىڭ ورىنباسار باستاۋشىسى.
كەسكىندى اشا قالعاندا، ويناقى مۋزيكا اۋەنى شىعادى. ماسكى تاعىپ العان ءبىر توپ ناۋقاس باھارگۇلگە ىلەسىپ، قازاق ۇلتىنىڭ حالىق ءبيى ”قاراجورعا“ بيلەۋدە. ەستۋگە قاراعاندا، بۇل فاڭساڭ شيپاحاناسىندا قارسى الۋعا بولەنگەن الاڭ ءبيى ەكەن.
ءبىر شينجياڭدىق توراپتاس بىلاي دەدى: ”كورىپ كوزىمەن جاس ىرشىپ كەتتى، وسىنداي اشىق، ۇمىتكەر كۇش ۋحانعا جەتكىزىلدى، ىندەت اقىرلاسقاننان كەيىن كوپشىلىكتىك قۇمدى شولدەگى توراڭعىنى، سايرام كولىن، نارات جايلاۋىن كورىپ، كاۋاپ، پالاۋ، تورە تاباق تاۋىق ەتىن جەپ، كاۋاس، شيحۋ سىراسىن ءىشۋىن قارسى الامىز، بۇل دا ءبىز ءاربىر شينجياڭدىقتىڭ جۇرەك ءۇنى“.
جاڭا تيپتى ايدارشا ۆيرۋس وكپە قابىنۋى ىندەتى تۋىلعاننان بەرى، شينجياڭ حۋبەيعا 3 ەمدەۋ اترەتىن اتتاندىرىپ، كومەك بۇيىمدارىن توپ-توبىمەن جەتكىزىپ، شينجياڭدىقتاردىڭ ءۇمىتى مەن ىستىق ىقىلاسىن جەتكىزدى. اپات پەن ءولىم الدىندا، باھارگۇل مەن ونىڭ قىزمەتتەستەرى مۋزيكا مەن ءبي ارقىلى ءومىردىڭ ومىرشەڭدىك كۇشىن، سونداي ـ اق تۇرمىسقا دەگەن ماحابباتىن سول جەردەگى ادامدارعا جەتكىزىپ ، ولارعا ٴومىردىڭ جالىندى كۇشىن سەزىندىرىپ ، جالىندى ٴۇمىت نۇرىن كورسەتىپ ، ۆيرۋسپەن قارسىلاسۋ باتىلدىعى مەن سەنىمىن كۇشەيتتى . وسىدان ءبىز ”شيپاگەردىڭ مەيىرباندىعى“ دەگەنىمىز تەك ناۋقاستىڭ دەنساۋلىعىن دەن قويا ەمدەۋ قانا ەمەس، قايتا ولاردىڭ ءوز ءسوز-ارەكەتى ارقىلى ناۋقاستىڭ جۇرەگىن نۇرلاندىرۋىندا ەكەنىن سەزىنەمىز.
ءبىز باھارگۇلدىڭ ءجۇزىن كورە الماساق تا، ءبىراق ونىڭ بار كۇشپەن ءبيدىڭ ءاربىر ارەكەتىن جەتكىزە ورىنداعان، ناۋقاستاردىڭ ودان قۇلشىنا ءبي ۇيرەنگەن بەينەسى وتە كوركەم. تۇمان سەيىلىپ، گۇلدەي جايناپ كوكتەم كەلىپ، كۇن نۇرىندا ەمىن - ەركىن تىرشىلىك ەتەتىندىگىمىزگە سەنەمىز.
